完整藏文原文 · 德格版页 当前仅加载第 4 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་སོ། །དེ་ནས་ལྷ་སྦྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ལྷ་སྦྱིན་གྱིས་འདི་སྐད་ཅེས་གསོལ་ཏོ། །ད་ནི་བཅོམ་
D1.004.0162b01.01ལྡན་འདས་བགྲེས་འཁོགས་གཏུགས་ཏེ་འཁོར་བཞི་ལ་གདམས་ངག་དབོག་ཏུ་མཉེལ་བར་གྱུར་གྱིས། ཨེ་མའོ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་སྤོངས་ཤིག་དང་། བདག་གིས་དགེ་སློང་གི་དགེ་འདུན་ཡོངས་སུ་དྲང་གིས། བཅོམ་ལྡན་འདས་ནི་ཐུགས་ལས་ཆུང་
D1.004.0162b02.01ངུར་བདེ་བར་གནས་པའི་རྣལ་འབྱོར་གྱི་རྗེས་སུ་བརྩོན་པས་བཞུགས་སུ་གསོལ། སྐྱེས་བུ་གཏི་མུག་རེ་ཞིག་ཤཱ་རིའི་བུ་དང་། མཽད་གལ་གྱི་བུ་ཚངས་པ་མཚུངས་པར་སྤྱོད་པ་དེ་དག་ལ་ཡང་ངས་དགེ་སློང་གི་དགེ་འདུན་མི་སྤོངས་ན། རོ་དང་འདྲ་བ་མཆིལ་མ་འཐུང་བ་ཁྱོད་ལ་ལྟག་ལ་སྤོང་།
D1.004.0162b03.01དེ་ནས་ལྷ་སྦྱིན་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཤཱ་རིའི་བུ་དང་མཽད་གལ་གྱི་བུ་ལ་ནི་བསྔགས་པ་གསུངས་ལ་བདག་ལ་ནི་རོ་དང་འདྲ་བ་མཆིལ་མ་འཐུང་བའོ་ཞེས་སྨད་པ་གསུངས་སོ་སྙམ་མོ། །དེ་ནས་བཅོམ་ལྡན་འདས་ལ་ལྷ་སྦྱིན་འཁྲུགས་པ་དང་། ཞེ་སྡང་དང་།
D1.004.0162b04.01ང་རྒྱལ་དང་། འཆབ་པ་དང་། བགྲོངས་པ་དང་། མི་བཟོད་པ་དང་། མ་དད་པ་བསྟན་ཏོ། །དེ་ནས་ལྷ་སྦྱིན་གྱིས་འཇལ་ཏོ་ཞེས་བྱས་ནས་མགོ་ལན་གསུམ་ལྕོགས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་།། །།འདུལ་བ་གཞི། བམ་པོ་དགུ་བཅུ་རྩ་བདུན་
D1.004.0162b05.01པ། དེའི་ཚེ་ཚེ་དང་ལྡན་པ་ཀུན་དགའ་བོ་བསིལ་ཡབ་ཐོགས་ཏེ་བཅོམ་ལྡན་འདས་ཀྱི་སྣམ་ལོགས་ན་བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་འོད་མའི་ཚལ་བྱ་ཀ་ལན་ད་ཀ་གནས་
D1.004.0162b06.01པ་ན་དགེ་སློང་ཇི་སྙེད་ཉེ་བར་བརྟེན་ཏེ་གནས་པ་དེ་དག་ཐམས་ཅད་རིམ་གྲོའི་གནས་སུ་སྡུས་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་འོད་མའི་ཚལ་བྱ་ཀ་ལན་ད་ཀ་གནས་པ་ན་དགེ་སློང་ཇི་སྙེད་ཉེ་བར་བརྟེན་ཏེ་གནས་པ་དེ་དག་ཐམས་
D1.004.0162b07.01