完整藏文原文 · 德格版页 当前仅加载第 4 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲས་འཚོ་བྱེད་གཞོན་ནུས་བསྐྱེད་ལ་འདི་སྐད་ཅེས་སྨྲས་སོ། །འཚོ་བྱེད་སོང་ལ་གླང་པོ་ཆེའི་དམ་པ་ཆེན་པོ་སྟོད་ཅིག་དང་། དེ་ལ་ཁོ་བོ་ཞོན་ནས་བཅོམ་ལྡན་འདས་བལྟ་བའི་ཕྱིར་འགྲོའོ། །ལྷ་བཀའ་བཞིན་འཚལ་ཞེས་འཚོ་བྱེད་གཞོན་ནུས་བསྐྱེད་
D1.004.0259b01.01ཀྱིས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་ལས་མཉན་ནས་གླང་པོ་ཆེ་དམ་པ་ཆེན་པོ་དེ་དང་བལ་གླང་མོ་ལྔ་བརྒྱ་ཙམ་གཏད་ནས་ཕོ་བྲང་སླས་ལག་ན་སྒྲོན་མ་ཐོགས་པ་ལྔ་བརྒྱ་ཙམ་བལ་གླང་མོ་རེ་རེ་ཞོན་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་
D1.004.0259b02.01གང་ན་བ་དེར་སོང་སྟེ་ཕྱིན་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ་གླང་པོ་ཆེའི་དམ་པ་ཆེན་པོ་བསྒྲོན་ལགས་ཏེ། ལྷ་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་
D1.004.0259b03.01སྐྱེས་དགྲ་གླང་པོ་ཆེ་དམ་པ་ཆེན་པོ་ལ་ཞོན་ནས་ཕོ་བྲང་སླས་ལག་ན་སྒྲོན་མ་ཐོགས་པ་ལྔ་བརྒྱ་ཙམ་བལ་གླང་མོ་རེ་རེ་ཞོན་པས་མདུན་དུ་བདར་ནས་རྒྱལ་པོའི་ཁབ་ནས་བྱུང་སྟེ་བཅོམ་ལྡན་འདས་བལྟ་བ་དང་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་ངོ་། །
D1.004.0259b04.01དེའི་ཚེ་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་ཡུལ་སྤོང་བྱེད་པ་རྣམས་དང་མི་མཐུན་པར་གྱུར་ཏོ། །དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་རྒྱལ་པོའི་ཁབ་ནས་བྱུང་མ་ཐག་ཁོ་ནར་བདག་འཚོ་བྱེད་གཞོན་ནུས་བསྐྱེད་འདིས་བསད་པར་འདོད་
D1.004.0259b05.01པའམ། བསླུ་བར་འདོད་པའམ། ཁས་ལེན་དུ་གཞུག་པར་འདོད་པའམ། གཤེད་མའམ། ཕྱིར་རྒོལ་བའམ། མི་མཛའ་བ་དག་ལ་གཏད་པར་མི་འདོད་གྲང་སྙམ་དུ་བསམས་ནས་སྐྲག་པར་གྱུར། བག་ཚ་བར་གྱུར། སྤུ་ཟིང་ཞེས་བྱེད་པར་གྱུར་ནས་འཚོ་བྱེད་གཞོན་
D1.004.0259b06.01ནུས་བསྐྱེད་ལ་འདི་སྐད་ཅེས་སྨྲས་སོ། །འཚོ་བྱེད་ཁྱོད་ཁོ་བོ་ལ་གསོད་པར་འདོད་པའམ། བསླུ་བར་འདོད་པའམ། ཁས་ལེན་དུ་གཞུག་པར་འདོད་པའམ། གཤེད་མ་པའམ། ཕྱིར་རྒོལ་བའམ། མི་མཛའ་བ་དག་ལ་གཏད་པར་མི་འདོད་གྲང་། དེས་འདི་སྐད་ཅེས་
D1.004.0259b07.01