完整藏文原文 · 德格版页 当前仅加载第 4 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་ཞེས་སྒྲོགས་པ་དེའི་ཚེ་ནི་དེ་མི་སློབ་པའི་ཚུལ་ཁྲིམས་དང་། མི་སློབ་པའི་དབང་པོ་རྣམས་དང་ལྡན་ལགས་སོ།། །།འདུལ་བ་གཞི། བམ་པོ་བརྒྱ་རྩ་གཅིག་པ། བཙུན་པ་དཔེར་ན་བུས་པ་གཞོན་ནུ་ཆུང་ངུ་ཞན་པ་གན་རྐྱལ་དུ་ཉལ་བ་དེ་ནི་དེའི་ཚེ་བྱིས་པའི་
D1.004.0208b01.01ངང་ཚུལ་དང་། བྱིས་པའི་དབང་པོ་རྣམས་དང་ལྡན་ལགས་ལ། དེ་དུས་གཞན་ན་ཆེན་པོར་གྱུར་པའི་རྒྱུས་དབང་པོ་རྣམས་ཡོངས་སུ་སྨིན་པ་དེའི་ཚེ་ན་ཆེན་པོའི་ངང་ཚུལ་དང་། ཆེན་པོའི་དབང་པོ་དང་ལྡན་ལགས་སོ། །བཙུན་པ་དེ་བཞིན་དུ་དགེ་སློང་སློབ་པ་ཡིད་མ་ཐོབ་པ་གང་
D1.004.0208b02.01ལགས་པ་དེ་གོང་མའི་གྲུབ་པ་དང་བདེ་བའི་མྱ་ངན་ལས་འདས་པ་ལ་དོན་དུ་གཉེར་བའི་ཚུལ་ལ་ལན་མང་དུ་གནས་ཏེ། དེ་དེའི་ཚེ་སློབ་པའི་ཚུལ་ཁྲིམས་དང་སློབ་པའི་དབང་པོ་དང་ལྡན་ལགས་སོ། །དེ་དུས་གཞན་ན་ཟག་པ་རྣམས་ཟད་ནས་ཟག་པ་མེད་པའི་རྣམ་པར་གྲོལ་བའི་
D1.004.0208b03.01སེམས་དང་། རྣམ་པར་གྲོལ་བའི་ཤེས་རབ་མཐོང་བའི་ཆོས་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་སྒྲོགས་པ་དེའི་
D1.004.0208b04.01ཚེ་ནི་དེ་མི་སློབ་པའི་ཚུལ་ཁྲིམས་དང་། མི་སློབ་པའི་དབང་པོ་དང་ལྡན་ལགས་སོ། །གལ་ཏེ་དེའི་མིག་གིས་རྣམ་པར་ཤེས་པར་བྱ་བའི་གཟུགས་རྣམས་མིག་ལ་ཤིན་ཏུ་སྣང་བར་གྱུར་ཀྱང་དེའི་རྣམ་པར་གྲོལ་བའི་སེམས་དང་། རྣམ་པར་གྲོལ་བའི་ཤེས་རབ་དེ་གཏུགས་
D1.004.0208b05.01པར་མི་འགྱུར་ཏེ། དེའི་སེམས་ཕྱིན་ཅི་མ་ལོག་པ་ཤིན་ཏུ་རྣམ་པར་གྲོལ་བ། ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང་དེ་ལ་ཟད་པར་ཡང་རྗེས་སུ་བལྟའོ། །གལ་ཏེ་དེའི་རྣ་བས་རྣམ་པར་ཤེས་པར་བྱ་བའི་སྒྲ་རྣམས་དང་། སྣས་རྣམ་པར་ཤེས་པར་བྱ་བའི་དྲི་རྣམས་
D1.004.0208b06.01དང་། ལྕེས་རྣམ་པར་ཤེས་པར་བྱ་བའི་རོ་རྣམས་དང་། ལུས་ཀྱིས་རྣམ་པར་ཤེས་པར་བྱ་བའི་རེག་བྱ་རྣམས་དང་། ཡིད་ཀྱིས་རྣམ་པར་ཤེས་པར་བྱ་བའི་ཆོས་རྣམས་ཡིད་ལ་ཤིན་ཏུ་སྣང་བར་གྱུར་ཀྱང་དེའི་རྣམ་པར་གྲོལ་བའི་སེམས་དང་། རྣམ་པར་གྲོལ་བའི་ཤེས་རབ་དེ་
D1.004.0208b07.01