完整藏文原文 · 德格版页 当前仅加载第 4 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་ཐབ་དང་། །ཁྱོད་ནི་ལྷན་ཅིག་འགྲོགས་པར་བྱ། །དེས་ཀྱང་ཚིགས་སུ་བཅད་པས་སྨྲས་པ། ཇི་ལྟར་རྔོན་པ་བདག་དང་ནི། །སྡུག་པའི་ཁྱིམ་ཐབ་དགའ་བ་ལྟར། །དེ་བཞིན་རྔོན་པ་གཉེན་ཀུན་དང་། །ལྷན་ཅིག་ཏུ་ནི་དགར་གྱུར་ཅིག །དེ་ནས་རྔོན་པ་དེ་ལྷག་པར་ཡང་ངོ་མཚར་སྐྱེས་
D1.004.0245b01.01ནས་{རི་དགས་,རི་དྭགས་}དེ་བཀྲོལ་ནས་ལྷན་ཅིག་དོང་ངོ་། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་{རི་དགས་,རི་དྭགས་}ཀྱི་དཔོན་པོ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་{རི་དགས་,རི་དྭགས་}མོ་གང་ཡིན་པ་དེ་ནི་ཀུན་དགའ་བོ་ཡིན་ནོ། །{རི་དགས་,རི་དྭགས་}གཅིག་གིས་ལྔ་བརྒྱར་མ་ཚང་བ་བྲོས་པ་གང་ཡིན་
D1.004.0245b02.01པ་དེ་དག་ནི་དགེ་སློང་གཅིག་གིས་ལྔ་བརྒྱར་མ་ཚང་བ་འདི་དག་ཉིད་ཡིན་ཏེ། དེ་ན་ཡང་ང་འདི་དག་གིས་ཡོངས་སུ་བཏང་གི་ཀུན་དགའ་བོས་ནི་ཡོངས་སུ་མ་བཏང་ངོ་། །ད་ལྟར་ཡང་ང་འདི་དག་གིས་ཡོངས་སུ་བཏང་གི་དགེ་སློང་ཀུན་དགའ་བོས་ནི་ཡོངས་སུ་མ་བཏང་ངོ་། །དགེ་སློང་རྣམས་ཐེ་ཚོམ་སྐྱེས་ཏེ་
D1.004.0245b03.01ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་རུལ་པ་རྙེད་པ་དང་བཀུར་སྟི་རུལ་པས་བཅོམ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་རུལ་པ་
D1.004.0245b04.01འདི་རྙེད་པ་དང་བཀུར་སྟི་རུལ་པས་བཅོམ་པ་དེ་ཉོན་ཅིག །དགེ་སློང་དག་སྔོན་བྱུང་བ་རིའི་ཕྱོགས་གཅིག་ཅིག་ན་པད་མའི་རྫིང་ཆེན་པོ་ཞིག་ཡོད་དེ། དེ་དང་ཉེ་བ་ན་གླང་པོ་ཆེ་ཞིག་གནས་སོ། །ཕྱོགས་གཞན་ཞིག་ན་ཝ་ཞིག་ཀྱང་གནས་སོ། །ཇི་ཙམ་དུས་གཞན་ཞིག་ན་གླང་པོ་ཆེ་པད་མའི་རྫིང་དེ་ནས་
D1.004.0245b05.01ཆུ་འཐུངས་ནས་འགྲོ་བ་དང་ཝ་འོང་བ་དེས་གླང་པོ་ཆེ་ལ་སྨྲས་པ། འཐབ་མོ་བྱའམ་ལམ་ལས་འཛུར། གླང་པོ་ཆེས་བསམས་པ། རུལ་པ་ཉོན་མོངས་སྤྱི་རྟོལ་ཅན་འདི་གལ་ཏེ་བདག་གིས་རྐང་ལག་གིས་སམ། སྣས་སམ། མཆེ་བས་བསད་ན་མི་གཙང་བས་མ་རུང་བར་འགྱུར་བས་མདོར་ན་
D1.004.0245b06.01རུལ་པ་འདི་ནི་རུལ་པ་ཁོ་ནས་བསད་དོ་སྙམ་དུ་བསམས་ནས་ཚིགས་སུ་བཅད་དེ་སྨྲས་པ། ཁྱོད་ནི་རྐང་ལག་གིས་མི་བསད། །མཆེ་བས་མ་ཡིན་སྣས་མིན་ཏེ། །རུལ་པ་རུལ་པས་བསད་བྱ་བས། །ཁྱོད་ནི་རུལ་པས་བསད་པར་བྱ། །གླང་པོ་ཆེས་བསམས་པ། ལམ་བཟུར་ཏེ་སོང་དང་
D1.004.0245b07.01