完整藏文原文 · 德格版页 当前仅加载第 4 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
དཔས་འོ་ཐུག་སྦྲང་རྩི་ལྟར་མངར་བ་གསོལ་ནས་ཡོལ་གོ་དེ་བཀྲུས་ཏེ་ཆུ་ཀླུང་ནཻ་རཉྫ་ནར་བོར་བ་ཀླུ་རྣམས་ཀྱིས་བླངས་སོ། །འདི་ནི་ཆོས་ཉིད་ཡིན་ཏེ། ལྷ་རྣམས་ཀྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ནམ་མཁའ་ལྡིང་གི་ཆ་བྱད་དུ་སྤྲུལ་ཏེ། ཆུ་
D1.004.0027b01.01ཀླུང་ནཻ་རཉྫ་ན་དཀྲུགས་ནས་ཀླུ་སྐྲག་པར་བྱས་ཏེ་ཡོལ་གོ་དེ་ཕྲོགས་ནས་སུམ་བཅུ་རྩ་གསུམ་གྱི་ལྷ་རྣམས་ཀྱི་ནང་དུ་ཁྱེར་ཏེ་ཡོལ་གོའི་མཆོད་པ་ཆེན་པོ་བཙུགས་སོ། །དེ་ནས་བྱང་ཆུབ་སེམས་དཔས་དགའ་མོ་དང་། དགའ་སྟོབས་ལ་གསུངས་པ། སྦྱིན་པ་འདིས་ཅི་ཞིག་དོན་དུ་གཉེར།
D1.004.0027b02.01དེ་གཉིས་ཀྱིས་གསོལ་པ། བཅོམ་ལྡན་འདས་ཤཱཀྱ་རྣམས་ཀྱི་གཞོན་ནུ་གངས་རིའི་ངོས། ཆུ་བོ་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བར་བྱུང་བ་དེ་མཚན་མཁན་དང་ལྟས་མཁན་གྱི་བྲམ་ཟེ་རྣམས་ཀྱིས་འཁོར་ལོས་སྒྱུར་བའི་རྒྱལ་པོར་
D1.004.0027b03.01ལུང་བསྟན་པ་ཞིག་མཆིས་པ་དེ་སེམས་བསྐྱེད་པ་དང་ཞལ་ཟས་ཕུལ་བའི་དགེ་བའི་རྩ་བས་བདག་ཅག་གི་ཁྱིམ་ཐབ་ཏུ་གྱུར་ཅིག །བྱང་ཆུབ་སེམས་དཔས་གསུངས་པ། དེ་འདོད་པ་རྣམས་ལ་དོན་དུ་མི་གཉེར་བས་རབ་ཏུ་བྱུང་ཟིན་ནོ། །དེ་གཉིས་ཀྱིས་གསོལ་པ། བཅོམ་
D1.004.0027b04.01ལྡན་འདས་གལ་ཏེ་འདོད་པ་རྣམས་དོན་དུ་མི་གཉེར་ན། བསོད་པ་ཕུལ་བའི་བསོད་ནམས་ཅི་མཆིས་པས། །གྲགས་དང་ལྡན་པ་དོན་རྣམས་ཀུན་གྲུབ་པ། །མི་ཡི་མཆོག་གྱུར་བློ་མཆོག་ལྡན་པ་དེའི། །དོན་ཀུན་མྱུར་དུ་ཤིན་ཏུ་གྲུབ་གྱུར་ཅིག །བྱང་ཆུབ་སེམས་དཔས་དེ་བཞིན་
D1.004.0027b05.01དུ་གྱུར་ཅིག་ཅེས་གསུངས་ནས་འོ་ཐུག་སྦྲང་རྩི་ལྟར་མངར་བ་གསོལ་ཏེ། དབང་པོ་དྲུག་ཚིམ་ཞིང་སྟོབས་དང་མཐུ་ཐོབ་ནས་ཆུ་ཀླུང་ནཻ་རཉྫ་ནའི་འགྲམ་ན་ཕན་ཚུན་དུ་བཞུགས་པའི་ས་བཙལ་བ་དང་། ཇི་ཙམ་ན་རི་བྲགས་ཆེན་པོ་མེ་ཏོག་དང་འབྲས་བུ་སྣ་ཚོགས་དང་ལྡན་པ་ཞིག་གཟིགས་ནས།
D1.004.0027b06.01དེ་དེ་ལ་འཛེགས་ཏེ་ཕྱོགས་དབེན་ཞིང་གསལ་བའི་ས་ཕྱོགས་སུ་སྐྱིལ་མོ་ཀྲུང་བཅས་ཏེ་བཞུགས་སོ། །བཞུགས་མ་ཐག་ཏུ་རི་དེ་ཉིད་ཉིལ་ཏོ། །བྱང་ཆུབ་སེམས་དཔས་དགོངས་པ། ངེས་པར་བདག་གིས་ལས་སྐྱོན་ཅན་ཞིག་བྱས་ཏེ་དེས་ན་རི་འདི་ཉིལ་ཏོ་སྙམ་མོ། །ལྷ་རྣམས་ཀྱི་སེམས་
D1.004.0027b07.01