完整藏文原文 · 德格版页 当前仅加载第 4 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་དཔའ་བོ་ལ་དཔའ་བོའི་ལན་བྱིན་ཅིག །དེ་རྣམས་ཀྱིས་སྨྲས་པ། བདག་ཅག་ཀྱང་དཔའ་བོ་ཡིན་ནོ་ཞེས་སྡེ་དཔོན་གྱིས་མི་རྒོད་ལྔ་བརྒྱ་བཏང་བ་དང་དེས་དེ་རྣམས་བསད་དོ། །དེ་བཞིན་དུ་ཉི་ཤུ་ཞིག་འོངས་པ་དེ་དེ་རྣམས་ཀྱང་བསད་དེ། ཇི་ཙམ་ན་ཐམས་
D1.004.0258a01.01ཅད་བསད་ནས་ཆོམ་རྐུན་པའི་སྡེ་དཔོན་འབའ་ཞིག་ལུས་པ་དང་དེས་རལ་གྲི་བླངས་ཏེ་མདུན་དུ་བསྡད་དོ། །དེས་མདའ་འཕངས་པར་བརྩམས་པ་ན་དེའི་རལ་གྲིས་གཏུབས་སོ། །ཇི་ཙམ་ན་དེས་མདའ་ལྔ་བརྒྱ་འཕངས་པ་དེ་དག་ཐམས་ཅད་དེས་གཏུབས་ནས་མདའ་གཅིག་ཅིག་ལུས་ཏེ་
D1.004.0258a02.01དེས་དེ་མ་འཕངས་པ་དང་། དེ་ནས་བུ་མོ་དེས་སྨྲས་པ། མདའ་བཞག་སྟེ་ཅི་བགྱི་འཕོངས་ཤིག །དེས་སྨྲས་པ། མདའ་འདི་འབའ་ཞིག་ལུས་ཏེ་འདི་འཕངས་ན་ཁོ་བོ་བསད་ནས་ཁྱོད་ཀྱང་ཕྲོགས་པར་འགྱུར་རོ། །དེ་ནས་བུ་མོ་དེས་ལུས་ཀྱི་སྒྱུར་སྟངས་ཀྱིས་ལན་བུ་བཅོས་
D1.004.0258a03.01པར་བརྩམས་པ་ན། དེ་ལ་ཆོམ་རྐུན་པའི་སྡེ་དཔོན་རྟོག་པར་བྱེད་པ་ན་དེས་དེའི་གནད་དུ་མདས་བསྣུན་པ་དང་། དེ་འཆི་ཀ་ན་ཚིགས་སུ་བཅད་དེ་སྨྲས་པ། ཤིང་རྟ་ཅན་གྱིས་བདག་མ་བསད། །འདོད་ཆགས་སྡིག་པའི་སེམས་ཀྱིས་ནི། །བདག་ནི་གཡུལ་གྱི་དབུས་ཞུགས་
D1.004.0258a04.01ནས། །བག་མེད་བཞིན་ལ་ལྟ་བས་བསད། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཤིང་རྟ་ཅན་གང་ཡིན་པ་དེ་ནི་ཤཱ་རིའི་བུ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བུ་མོ་གང་ཡིན་པ་དེ་ནི་མཽད་གལ་གྱི་བུ་ཡིན་ནོ། །དེའི་ཚེ་དེའི་དུས་ཀྱི་ཆོམ་རྐུན་པའི་སྡེ་དཔོན་གང་
D1.004.0258a05.01ཡིན་པ་དེ་ནི་ལྷ་སྦྱིན་ཡིན་ཏེ། དེ་ན་ཡང་འདི་གཉིས་ཀྱིས་དེ་ལ་གླགས་བཙལ་བ་ལས་གླགས་རྙེད་དོ། །ད་ལྟར་ཡང་འདི་གཉིས་ཀྱིས་དེ་ལ་གླགས་བཙལ་བ་ལས་གླགས་རྙེད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འཚོ་བྱེད་གཞོན་ནུས་བསྐྱེད་ཀྱི་ཨ་མྲའི་
D1.004.0258a06.01ཚལ་ན་དབྱར་བཞུགས་པར་ཞལ་གྱིས་བཞེས་སོ། །དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་དབྱར་ཉེ་བར་སྒྲུབ་པར་དབྱར་ཟླ་འབྲིང་པོའི་ཉ་དབུ་མ་དེ་ཉིད་ཀྱི་མཚན་མོ་ཡིན་པར་ཤེས་ཤིང་མངོན་པའི་ཟླ་ཉི་མོ་ལ་བློན་པོའི་ཚོགས་ཀྱིས་ཡོངས་སུ་བསྐོར་ཏེ་
D1.004.0258a07.01