完整藏文原文 · 德格版页 当前仅加载第 4 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ཡི་ཤིང་རྟ་རྫུ་འཕྲུལ་རྐང་། །ཡང་དག་རྩོལ་བའི་བཞོན་པ་ཡིས། །ས་ཀུན་རྣམ་པར་རྒྱུ་ན་ཡང་། །ཉོན་མོངས་ཚེར་མས་གནོད་པ་མེད། །རྒྱལ་པོ་ཟས་གཙང་གིས་གསོལ་བ། །དཔའ་བོ་སྔོན་ནི་ཀ་ཤི་ཀའི། །ན་བཟའ་མནབས་ན་མཛེས་པ་ལས། །ངུར་
D1.004.0097a01.01སྨྲིག་རྩུབ་པོའི་གོས་མནབས་པ། །ཇི་ལྟར་ཁྱོད་ཀྱི་སྐུ་ཡིས་བཟོད། །བཅོམ་ལྡན་འདས་ཀྱིས་བཀའ་སྩལ་པ། །རྒྱལ་པོ་ང་ཡི་གོས་ནི་ངོ་ཚ་ཤེས། །ང་ཡི་བགོ་བསྣམ་སྦྱར་ཏེ། །དེ་བགོས་ཐུབ་པ་ཞི་བ་རྣམས། །ནགས་ཁྲོད་ན་ནི་མཛེས་པར་འགྱུར། །རྒྱལ་པོ་ཟས་གཙང་
D1.004.0097a02.01གིས་གསོལ་པ། །འདི་ལྟར་ཁྱོད་སྔོན་གསེར་གྱི་གཞོང་པ་ལས། །དུ་མའི་རོ་ལྡན་འབྲས་ཆན་གསོལ་བ་ལས། །འདི་ལྟར་གཙོ་བོ་ད་ལྟའི་བསོད་སྙོམས་ནི། །ཕལ་པ་གསོལ་བ་ཇི་ལྟར་མགུར་དུ་མཆི། །བཅོམ་ལྡན་འདས་ཀྱིས་བཀའ་སྩལ་པ། །ཟས་ཀྱི་སྲེད་པ་ཐམས་
D1.004.0097a03.01ཅད་སྤངས་ནས་ནི། །ངེས་པར་བྱུང་དང་མཉམ་པར་བཞག་ལྡན་པའི། །ང་ནི་ཆོས་ཀྱི་རོ་མཆོག་གསོལ་མོད་ཀྱི། །འཇིག་རྟེན་ཀུན་ལ་བརྩེ་ཕྱིར་ང་སྤྱོད་དོ། །རྒྱལ་པོ་ཟས་གཙང་གིས་གསོལ་པ། །མགུར་དུ་བདེ་བ་མང་བགྱིད་པའི། །དགུན་སྐྱེམས་ཁ་རའི་ཆབ་གསོལ་
D1.004.0097a04.01ན། །རྙོག་པ་ཅན་ལ་དྲོ་བ་ཡི། །ཆབ་ནི་ཇི་ལྟ་ཞིག་ཏུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །མི་ཡི་བདག་པོ་གང་འཐུངས་ན། །བདག་ལ་བཏུང་བ་ཐམས་ཅད་ནི། །དུག་དང་འདྲ་བར་སྣང་གྱུར་པ། །ཆོས་ཀྱི་རོ་མཆོག་ང་བཏུང་ངོ་། །རྒྱལ་པོ་ཟས་
D1.004.0097a05.01གཙང་གིས་གསོལ་པ། །འདི་ལྟར་ཁྱོད་སྔོན་བསིལ་ཁང་གཞལ་མེད་ཁང་། །ཁང་{བཟངས་,བཟང་}སྟེང་ན་ཇི་ལྟའི་དུས་བཞིན་བཞུགས། །ད་ལྟ་གཅིག་པུ་ནགས་ཁྲོད་ཁྱོད་བཞུགས་པ། །བློ་{བཟངས་,བཟང་}ཇི་ལྟར་བསྙེངས་པ་མེད་པར་བཞུགས། །བཅོམ་ལྡན་འདས་ཀྱིས་བཀའ་
D1.004.0097a06.01སྩལ་པ། །གཽ་ཏམ་འཇིགས་པའི་རྩ་བ་གང་ཡིན་དེ། །དྲི་མ་བག་ཆགས་བཅས་པར་ངས་སྤངས་པས། །ང་ནི་མྱ་ངན་འཇིགས་པ་མེད་གནས་ཏེ། །ང་ལ་འདི་ན་འཇིགས་པ་ཅུང་ཟད་མེད། །རྒྱལ་པོ་ཟས་གཙང་གིས་གསོལ་པ། །ཁྱོད་སྔོན་ཁྲུས་ཁང་ཤིན་ཏུ་ཡིད་
D1.004.0097a07.01