完整藏文原文 · 德格版页 当前仅加载第 4 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟེན་དགོས། གློ་བུར་དུ་འོངས་པ་ཐམས་ཅད་མཆོད་པ་ལ་ནི་འབད་དགོས་ལ། དེ་ན་ཡང་ང་གདོན་མི་ཟ་བར་ཅི་ནུས་ཀྱིས་སྦྱིན་པ་གཏོང་སྟེ་དེ་ལ་ཁྱོད་ཀྱིས་ཅུང་ཟད་ཀྱང་མི་འགྱོད་པར་བྱ་དགོས་སོ། །དེ་བས་ན་རེ་ཞིག་ད་དུང་ཡང་ལེགས་པར་སོམས་ཤིག་རྒྱགས་སྦྱིན་མས་སྨྲས་པ། རྗེའི་
D1.004.0194b01.01སྲས་བདག་རྔོ་ཅི་ཐོག་གིས་རྗེའི་སྲས་ཀྱི་རྗེས་སུ་སྒྲུབ་ལགས་སོ། །བྱང་ཆུབ་སེམས་དཔའ་སྨྲས་པ། གལ་ཏེ་དེ་ལྟ་ན་དམ་བཅས་པ་དེ་དག་ཁྱོད་ཀྱིས་དྲན་པར་བྱོས་ཤིག །དེ་ནས་བྱང་ཆུབ་སེམས་དཔའ་ཕའི་དྲུང་དུ་སོང་ནས་མགོ་བོས་ཕྱག་བྱས་ཏེ། ཡབ་ཅིག་བདག་གིས་སྦྱིན་
D1.004.0194b02.01པར་གླང་ཆེན་སྩལ། །ནོངས་པ་གང་ལགས་ས་བདག་བཟོད་པར་གསོལ། །བདག་ནི་གྲོང་ནས་དགོན་པར་མཆི་ལགས་ཀྱི། །མི་ཡི་དབང་པོ་ཕྱག་མཛོད་སྟོངས་མ་གྱུར། །དེ་ནས་རྒྱལ་པོ་བུ་དང་བྲལ་བའི་སྡུག་བསྔལ་གྱིས་དབུགས་ཀྱིས་བརྣངས་ཏེ་སྐད་འདར་འདར་བོས་སྨྲས་པ།
D1.004.0194b03.01བུ་སྦྱིན་པའི་བློ་བོར་ལ་འདུག་ཤིག །བྱང་ཆུབ་སེམས་དཔས་སྨྲས་པ། ས་ནི་རི་དང་བཅས་པར་ཡང་། །གལ་ཏེ་ལྡོག་པར་འགྱུར་གདའ་ཡིས། །ས་བདག་བདག་ནི་སྦྱིན་པ་ལས། །སེམས་ནི་ལྡོག་པར་མི་བགྱིད་དོ། །ཞེས་སྨྲས་ནས་སོང་ངོ་། །དེ་ནས་བུ་དང་། བུ་མོ་དང་།
D1.004.0194b04.01ཆུང་མ་དང་ལྷན་ཅིག་ཤིང་རྟའི་ནང་དུ་ཞུགས་ཏེ་གྲོང་ཁྱེར་དམ་པ་དེ་ནས་བྱུང་ནས་ཕོ་བྲང་འཁོར་གྱི་མི་དང་ཡུལ་མི་མྱ་ངན་བྱེད་པ་བརྒྱ་སྟོང་རྗེས་སུ་འབྲང་བཞིན་དུ་སོང་ངོ་། །དེ་ནས་མི་ཞིག་གིས་ངུ་ཞིང་སྨྲེ་སྔགས་འདོན་པའི་སྒྲ་དེ་ཡང་ཐོས། སྐྱེ་བོའི་ཚོགས་ཆེན་པོ་གྲོང་ཁྱེར་གྱི་སྒོར་བྱུང་བ་ཡང་
D1.004.0194b05.01མཐོང་ནས་མི་ཞིག་ལ་དྲིས་པ། ཀྱེ་ནང་རྗེ་སྐྱེ་བོའི་ཚོགས་ཆེན་པོ་འདི་ཆོ་ངེས་འདེབས་པ་ཅི་ལས་གྱུར་དེས་སྨྲས་པ། ཤེས་ལྡན་ཅི་མི་ཤེས་སམ། འདི་ལྟར་མི་ཡི་དབང་པོ་ཉིད་ཀྱི་སྲས་པོ་མཆེ་བ་བཟང་། །བརྟན་པའི་ངང་ཚུལ་རབ་ཏུ་སྦྱིན་ལ་དགའ་བ་འདི་ནས་སྤྱུགས། དེ་ནི་བུ་དང་ཆུང་མར་
D1.004.0194b06.01བཅས་ཏེ་ནགས་མཐར་ཆས་པ་ལ། །ཕོ་བྲང་འཁོར་བ་རྣམས་འདུས་ཤིན་ཏུ་སྙིང་རྗེས་ཆོ་ངེས་འདེབས། །དེ་ནས་བྱང་ཆུབ་སེམས་དཔས་གྲོང་ཁྱེར་དམ་པ་དེ་ནས་བྱུང་བའི་ཕོ་བྲང་འཁོར་བ་རྣམས་ལ་ཅི་རིགས་པར་མངོན་དུ་སོང་ནས་སྨྲས་པ། ཤེས་ལྡན་དག་སླར་དེང་ཤིག །སླར་
D1.004.0194b07.01