完整藏文原文 · 德格版页 当前仅加载第 4 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་པ་བླ་མ་ཇི་ལྟར་ཁོ་བོ་ཕ་མ་ལོང་བ་གཉིས་གསོ་བ་དང་། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་དུས་སུ་བསོད་སྙོམས་འབུལ་བར་ཁྱོད་མི་ཤེས་སམ། དེས་པ་དགའ་སྐྱོང་ཁྱོད་རབ་ཏུ་བྱུང་ཡང་རུང་མ་བྱུང་ཡང་རུང་། རེ་ཞིག་ཁོ་བོ་ནི་རབ་
D1.004.0127a01.01ཏུ་འབྱུང་ངོ་། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་རྫ་མཁན་དགའ་སྐྱོང་གིས་འདི་སྐད་ཅེས་གསོལ་ཏོ། །བཙུན་པ་བྲམ་ཟེའི་ཁྱེའུ་བླ་མ་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་
D1.004.0127a02.01འཚལ་ན། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། དེ་རབ་ཏུ་དབྱུང་བ་དང་བསྙེན་པར་རྫོགས་པར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་འོད་སྲུང་གིས་རྫ་མཁན་དགའ་སྐྱོང་ལ་ཅང་མི་གསུང་བས་གནང་ངོ་། །དེ་ནས་རྫ་མཁན་དགའ་
D1.004.0127a03.01སྐྱོང་གིས་ཡང་དག་པར་རྫོགས་པའི་སངས་རྒྱས་འོད་སྲུང་ཅང་མི་གསུང་བས་གནང་བར་རིག་ནས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་སྟན་ལས་ལངས་ནས་སོང་ངོ་། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་
D1.004.0127a04.01གིས་རྫ་མཁན་དགའ་སྐྱོང་སོང་ནས་རིང་པོ་མ་ལོན་པར་ཐུགས་སུ་ཆུད་ནས་བྲམ་ཟེའི་ཁྱེའུ་བླ་མ་རབ་ཏུ་ཕྱུང་བསྙེན་པར་རྫོགས་པར་མཛད་དེ། བཻ་བྷི་ཊིང་གར་ཇི་ཙམ་བཞེད་ཀྱི་བར་དུ་བཞུགས་ནས་བཱ་རཱ་ཎ་སཱི་ཀ་ཤི་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་བཱ་རཱ་ཎ་
D1.004.0127a05.01སཱིར་བྱོན་ནས་བཱ་རཱ་ཎ་སཱིའི་དྲང་སྲོང་སྨྲ་བའི་{རི་དགས་,རི་དྭགས་}ཀྱི་ནགས་ན་བཞུགས་སོ། །རྒྱལ་པོ་ཀྲྀ་ཀཱིས་ཡང་དག་པར་རྫོགས་པའི་སངས་རྒྱས་འོད་སྲུང་ཀ་ཤི་ནས་ལྗོངས་རྒྱུ་ཞིང་གཤེགས་པ་དང་། བཱ་རཱ་ཎ་སཱིར་བྱོན་ནས། བཱ་རཱ་ཎ་སཱིའི་དྲང་སྲོང་སྨྲ་བའི་{རི་དགས་,རི་དྭགས་}ཀྱི་ནགས་ན་བཞུགས་སོ་
D1.004.0127a06.01ཞེས་ཐོས་སོ། །ཐོས་ནས་ཀྱང་བཱ་རཱ་ཎ་སཱི་ནས་བྱུང་སྟེ། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་ནས་ཕྱིན་པ་དང་། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་
D1.004.0127a07.01