完整藏文原文 · 德格版页 当前仅加载第 4 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་ཕྱིན་ནས་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དགེ་སློང་གི་དགེ་འདུན་དང་
D1.004.0260b01.01ཐུགས་དུལ་བ་ཉེ་བར་ཞི་བ་ཇི་ལྟ་བུ་དང་ལྡན་པ་དེ་བཞིན་དུ་གཞོན་ནུ་འཆར་བྱེད་བཟང་པོ་ཡང་སེམས་དུལ་བ་དང་། ཉེ་བར་ཞི་བ་དེ་འདྲ་བ་དང་ལྡན་པར་གྱུར་ཅིག །རྒྱལ་པོ་ཆེན་པོ་རང་ཉིད་དགའ་བར་རབ་ཏུ་བསྟན་པ་ལེགས་སོ་ལེགས་སོ། །རྒྱལ་པོ་ཆེན་པོ་རང་གི་སྟན་ལ་
D1.004.0260b02.01འདུག་ཤིག །དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ལུས་འཕགས་མའི་བུ་མ་ག་དྷཱའི་རྒྱལ་པོ་མ་
D1.004.0260b03.01སྐྱེས་དགྲས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་བ་ལྟ་ན་བདག་ཕྱོགས་འགའ་ཞིག་ཞུ་ལགས་སོ། །རྒྱལ་པོ་ཆེན་པོ་ཅི་དང་ཅི་འདོད་པ་ཞུས་ཤིག །བཙུན་པ་ལས་ཀྱི་གནས་དང་བཟོའི་གནས་ཐ་དད་པ་
D1.004.0260b04.01གང་དག་ལགས་པ་འདི་ལྟ་སྟེ། །ཕྲེང་རྒྱུད་པ་དང་། སྨྱུག་མ་མཁན་དང་། གདན་པ་དང་། རྩྭ་ཐུན་དང་། འདུལ་མཁན་དང་། གླང་པོ་ཆེ་ལ་འཚལ་བ་དང་། རྟ་ལ་འཚལ་བ་དང་། ཤིང་རྟ་མཁན་དང་། རལ་གྲིའི་ཐབས་དང་། གཞུའི་འཛིན་སྟངས་པ་དང་།
D1.004.0260b05.01ཞབས་འབྲིང་བ་བགྱིད་པ་དང་། །གོ་རེ་ལོང་དང་། བྲོ་ག་ལེན་པ་དང་། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང་། མཉེས་པར་བགྱིད་པ་དང་། སྐྲ་མཁན་དང་། ཁྲུས་མཁན་དེ་རྣམས་རང་རང་གི་བཟོའི་གནས་དང་། ལས་ཀྱི་གནས་
D1.004.0260b06.01རྣམས་ཀྱིས་བགྱི་བ་བགྱིད་ཅིང་སྦྱིན་པ་དག་སྩོལ། བསོད་ནམས་དག་བགྱིད་ལ་གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པས་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་པ་དེ་ལྟ་བུ་རྣམས་ལ་ཡང་དག་པར་མཐོང་བའི་
D1.004.0260b07.01