完整藏文原文 · 德格版页 当前仅加载第 4 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ལ། །ལུས་ཆེ་གཤོལ་མདའི་མཆེ་བར་ལྡན། །མ་ཏང་གར་སྐྱེས་སྟོད་པོ་ཆེ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཤིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི། སླར་ལོག་
D1.004.0080b01.01ན་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཐོ་གར་ཡུལ་གྱི་བུ་མོ་བརྒྱ། །རྣ་ཆ་དང་ནི་གདུབ་ཀོར་ཐོགས། །གསེར་གྱི་དཔུང་རྒྱན་ཐོགས་པ་ཡི། །མགྲིན་པ་རྒྱན་གྱིས་ལེགས་བརྒྱན་པ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་
D1.004.0080b02.01སྔར་སོང་ཤིག །སླར་མ་ལྡོག་ཤིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ལྷའི་བུ་དེ་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}ཁྱོད་སུ་ཞིག །ཁྱིམ་བདག་ཁོ་བོ་ནི་ཁྱོད་ཉིད་ཀྱི་གྲོགས་པོ་རྙིང་
D1.004.0080b03.01པ་བྲམ་ཟེའི་ཁྱེའུ་སྦྲང་རྩིའི་ཕུང་པོ་ཡིན་ཏེ། ཁོ་བོས་དགེ་སློང་ཤཱ་རིའི་བུ་དང་། མཽད་གལ་གྱི་བུ་གཉིས་ལ་སེམས་དད་པ་བསྐྱེད་ནས་ཤི་བ་དང་། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་ཏེ་ལྷོ་སྒོ་འདི་ཉིད་ལ་གཉུག་མར་གནས་སོ། །དེའི་ཕྱིར་ཁྱོད་ལ་ཁོ་བོས་འདི་སྐད་ཅེས་
D1.004.0080b04.01ཁྱིམ་བདག་སྤྱན་སྔར་སོང་ཤིག །སླར་མ་ལྡོག་ཤིག །ཁྱོད་སྤྱན་སྔར་སོང་ན་ལེགས་པར་འགྱུར་གྱི། སླར་ལོག་ན་ནི་མ་ཡིན་ནོ་ཞེས་སྨྲའོ། །དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། ཀྱེ་མའོ་སངས་རྒྱས་བཅོམ་ལྡན་འདས་ནི་མཆོག་མ་ཡིན་པ་མ་
D1.004.0080b05.01ཡིན་ཞིང་ཆོས་བཤད་པ་ཡང་མཆོག་མ་ཡིན་པ་མ་ཡིན་ཏེ། ད་ལྟར་བཅོམ་ལྡན་འདས་དེ་ལ་བལྟ་བར་ལྷ་ཡང་བརྩོན་པར་བྱེད་དོ་སྙམ་དུ་བསམས་ནས། བསིལ་བའི་ཚལ་གྱི་དུར་ཁྲོད་དུ་སོང་བ་དང་། དེའི་ཚེ་བཅོམ་ལྡན་འདས་གཙུག་ལག་ཁང་གི་ཕྱི་རོལ་བླ་གབ་མེད་པ་ན་འཆག་ཅིང་
D1.004.0080b06.01ལྷག་པར་ཡང་ཁྱིམ་བདག་མགོན་མེད་ཟས་སྦྱིན་འོང་བ་ལ་གཞེས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ཁྱིམ་བདག་གིས་ཡང་དག་པར་དགྱེས་པར་འགྱུར་བས་ཡང་དག་པར་དགྱེས་པར་བྱེད་དོ། །བཅོམ་
D1.004.0080b07.01