完整藏文原文 · 德格版页 当前仅加载第 4 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སངས་རྒྱས་སུ་འཇིག་རྟེན་དུ་སྒྲ་རྣམ་པར་གྲགས་པར་འགྱུར་བ་དེ་ལྷ་ཁུམ་ཤིག །ལྷ་བས་གཙོ་བོ་བས་ཆེས་གཙོ་བོར་འགྱུར་དུ་མཆིའོ་ཞེས་ཁྱེད་ཅག་དེ་སྐད་མ་སྨྲ་ཤིག །དེ་ཅིའི་ཕྱིར་ཞེ་ན། གྲོང་པ་དག་ཤཱཀྱ་རྣམས་ཀྱི་གཞོན་ནུ་ཞེས་བྱ་བ་ནས་བྱུང་བ་ཞེས་བྱ་བའི་བར་གོང་མ་
D1.004.0068b01.01བཞིན་དུ་སྟེ། གལ་ཏེ་འཁོར་ལོས་སྒྱུར་བའི་རྒྱལ་པོར་གྱུར་ན་དེའི་གཡོག་བྱའོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་གྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་རྫོགས་པའི་
D1.004.0068b02.01སངས་རྒྱས་སུ་འཇིག་རྟེན་དུ་སྒྲ་རྣམ་པར་གྲགས་པར་གྱུར་ན་དེའི་ཉན་ཐོས་སུ་ཁས་བླང་བར་བྱའོ། །དེ་ནས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟེང་གི་ཁང་{བཟངས་ཀྱི་,བཟང་གི་}གཞི་ལ་འདུག་ནས་སྨོན་པའི་གཞི་ལྔ་སྨོན་པར་བྱེད་དེ། ཀྱེ་མ་བདག་གི་ཡུལ་དུ་འཇིག་རྟེན་གྱི་སྟོན་པ་
D1.004.0068b03.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འབྱུང་བ་
D1.004.0068b04.01དང་། དེ་ལ་ཡང་བལྟ་བའི་ཕྱིར་བདག་ཉེ་བར་འགྲོ་བ་དང་། ཉེ་བར་སོང་བ་ན་དེས་ཀྱང་བདག་ལ་ཆོས་བཤད་པ་དང་། བདག་གིས་ཀྱང་ཆོས་བཤད་པ་དེ་ཤེས་པ་དང་། བདག་གིས་ཆོས་ཤེས་ནས་བསླབ་པ་བཅས་ཤིང་བསླབ་པ་དེ་ཡང་བདག་གིས་བླངས་ཏེ་གནས་ཀྱང་ཅི་མ་རུང་སྙམ་མོ། །
D1.004.0068b05.01དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་དེ་སྟེང་གི་ཁང་{བཟངས་ཀྱི་,བཟང་གི་}གཞི་ལ་འདུག་ནས་སྨོན་པའི་གཞི་ལྔ་སྨོན་པར་བྱེད་དེ། ཀྱེ་མའོ་བདག་གི་ཡུལ་དུ་འཇིག་རྟེན་གྱི་སྟོན་པ་དེ་བཞིན་གཤེགས་པ་
D1.004.0068b06.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འབྱུང་བ་དང་། དེ་ལ་ཡང་བལྟ་བའི་
D1.004.0068b07.01