完整藏文原文 · 德格版页 当前仅加载第 4 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་གཞི། བམ་པོ་བརྒྱ་རྩ་གཉིས་པ། བློན་པོ་རྣམས་ཀྱིས་མ་སྐྱེས་དགྲ་ལ་སྨྲས་པ། ལྷ་རྒྱལ་པོ་བགྲེས་པོ་ནི་ནོངས་སོ། །དེས་ཐོས་ནས་བརྒྱལ་ཏེ་ས་ལ་འགྱེལ་བ་དང་། ཆུས་གཏོར་ནས་དབུགས་སླར་བྱུང་ནས་མྱ་ངན་གྱི་ཁང་པར་ཞུགས་ཏེ་འདུག་གོ། །དེའི་མྱ་ངན་
D1.004.0219b01.01བསལ་བར་སུས་ཀྱང་མི་ནུས་ནས་བློན་པོ་རྣམས་ཀྱིས་དེའི་མྱ་ངན་བསལ་བ་བརྩལ་བར་བརྩམས་པ་ལས། ཇི་ཙམ་ན་ལྷོ་ཕྱོགས་ནས་གར་མཁན་ཞིག་འོངས་ནས། བློན་པོ་རྣམས་ཀྱིས་དེ་དེའི་མདུན་དུ་གར་བྱེད་དུ་བཅུག་ཀྱང་མ་སྐྱེས་དགྲ་ཡིད་མི་བདེ་བ་ཉིད་པས་སུས་ཀྱང་དེ་ལ་ལེགས་
D1.004.0219b02.01སོ་ཞེས་བྱ་བ་མ་བྱིན་ནས། གར་མཁན་ཕྱིར་བྱུང་བ་དང་བཅོམ་ལྡན་འདས་ཀྱང་ཕྱོགས་དེར་གཤེགས་སོ། །དེས་བཅོམ་ལྡན་འདས་མཐོང་ནས་དེས་བསམས་པ། སྐྱེས་བུ་དམ་པ་འདི་ལྟ་བུ་དག་ལ་བྱས་དང་དེས་བདག་ལ་ལེགས་སོ་ཞེས་བྱ་བ་བྱིན་པ་ཞིག་སྙམ་སྟེ། དེ་བཅོམ་ལྡན་
D1.004.0219b03.01འདས་ལ་སེམས་མངོན་པར་དད་པས་རྫ་རྔ་ཆེན་པོ་བརྡུངས་སོ། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞལ་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་།
D1.004.0219b04.01བཙོད་ཀ་དག་བྱུང་ནས་ཁ་ཅིག་ནི་འོག་ཏུ་འགྲོ། ཁ་ཅིག་ནི་སྟེང་དུ་འགྲོ་ལ། གང་དག་འོག་ཏུ་དོང་བ་དེ་དག་ནི་སེམས་ཅན་དམྱལ་བ་ཡང་སོས་དང་། ཐིག་ནག་དང་། བསྡུས་འཇོམས་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་
D1.004.0219b05.01དང་། ཆུ་བུར་ཅན་དང་། ཆུ་བུར་རྡོལ་བ་ཅན་དང་། སོ་ཐམས་ཐམས་དང་། ཀྱི་ཧུད་ཟེར་དང་། ཨ་ཅུ་ཟེར་དང་། ཨུཏྤལ་ལྟར་གས་པ་དང་། པད་མ་ལྟར་གས་པ་དང་། པད་མ་ལྟར་གས་པ་ཆེན་པོར་སོང་སྟེ། སེམས་ཅན་དམྱལ་བ་ཚ་བ་གང་ཡིན་པ་དེ་དག་ནི་བསིལ་
D1.004.0219b06.01བར་གྱུར་ཏེ་འབབ་པར་བྱེད་ལ། སེམས་ཅན་དམྱལ་བ་གྲང་བ་གང་ཡིན་པ་དེ་དག་ཏུ་དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དམྱལ་བ་དེ་དག་གི་གནོད་པའི་བྱེ་བྲག་དག་རྒྱུན་གཅོད་པར་བྱེད་ཅིང་དེ་དག་འདི་སྙམ་དུ་ཤེས་ལྡན་དག་ཅི་བདག་ཅག་འདི་ནས་ཤི་འཕོས་སམ་འོན་
D1.004.0219b07.01