完整藏文原文 · 德格版页 当前仅加载第 4 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུང་བཟེད་དང་། ཆོས་གོས་དང་། ལྷུང་བཟེད་ཀྱི་སྣོད་དང་། ཆུ་ཚགས་དང་། སྐ་རགས་དང་། ལུང་འབོགས་པ་དང་། ཀློག་ཏུ་གཞུག་པ་དང་། འདོན་དུ་གཞུག་པ་དང་། རྣལ་འབྱོར་དང་། ཡིད་ལ་བྱེད་པས་ཉེ་བར་བསྡུ་ཞིང་རིམ་གྲོ་བྱའོ། །ཚེ་དང་ལྡན་པ་ལྷ་སྦྱིན་ཐབས་དེ་ནི་
D1.004.0165b01.01བདེན་པ་ཞིག་ཡོད་དོ། །དེ་ན་ལྷ་སྦྱིན་གྱིས་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བརྩམས་སོ། །དགེ་སློང་གནས་བརྟན་གནས་བརྟན་རྣམས་ཀྱིས་ལྷ་སྦྱིན་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བསྐྱོད་པ་ཉིད་ཚོར་ནས་སྐབས་དེ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་
D1.004.0165b02.01ཀྱིས་བཅོམ་ལྡན་འདས་ལ་གསོལ་པ། བཙུན་པ་ལྷ་སྦྱིན་ནི་དགེ་འདུན་མཐུན་པ་དབྱེ་བའི་སླད་དུ་རྟུལ་བ་བགྱིད་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་ལྷ་སྦྱིན་དང་། དེ་ལྟ་བུ་དང་མཐུན་པ་གཞན་སུ་ཡང་རུང་བ་ལ་
D1.004.0165b03.01བཞམས་ཏེ་བསྒོ་བར་བྱའོ། །བསྒོ་བ་ཡང་འདི་ལྟར་བྱ་སྟེ། ལྷ་སྦྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག །ལྷ་སྦྱིན་ཁྱོད་དགེ་འདུན་དང་མཐུན་པར་གྱིས་ཤིག །
D1.004.0165b04.01དགེ་འདུན་མཐུན་མི་ཕྱེད། ཀུན་ཏུ་དགའ། མི་རྩོད། མཆོག་གཅིག་འདོན་པ་གཅིག་ཅིང་། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་རོ་ཞེས་བསྒོ་ཤིག །དགེ་སློང་དེ་རྣམས་ཀྱིས་ལྷ་སྦྱིན་བཞམས་
D1.004.0165b05.01ཏེ་བསྒོ་བ་དང་། དེ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}ནོ་ཞེས་རྗེས་སུ་ཐ་སྙད་འདོགས་པར་བྱེད་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ་བདག་ཅག་གིས་ལྷ་སྦྱིན་
D1.004.0165b06.01ལ་བཞམས་ཏེ་བསྒོ་ལགས་ན། དེ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་ཐ་སྙད་འདོགས་པར་བགྱིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་ལྷ་སྦྱིན་དང་།
D1.004.0165b07.01