完整藏文原文 · 德格版页 当前仅加载第 4 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཉེ་བ་འཁོར་ཁྱོད་ཅིའི་ཕྱིར་ཤིན་ཏུ་མི་དགའ་བས་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་ཉེ་བ་འཁོར་གྱིས་སྨྲས་པ། བཙུན་པ་ཤཱ་རིའི་བུ་གང་གི་ཕྱིར་ད་ལྟར་གཞོན་ནུ་འདི་དག་རིགས་དང་། འབྱོར་པ་དང་། ལང་ཚོ་ལ་བབ་ཅིང་ཆུང་མ་
D1.004.0106a01.01དང་ལྡན་ལ། མཛོད་དང་བང་མཛོད་ཀྱིས་རྒྱས་པ་ཡང་སྤངས་ནས་རབ་ཏུ་འབྱུང་ན། བདག་རྒྱན་འདི་ཙམ་ལ་ཆགས་པ་ནི་ཚུལ་མ་ཡིན་པས་སྡུག་བསྔལ་བར་འགྱུར་རོ། །གལ་ཏེ་བདག་རིགས་ངན་དུ་མ་སྐྱེས་ན་བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་
D1.004.0106a02.01ཆུ་བོ་ལས་རྒལ་བ་དང་། སྦྱོར་བ་ལས་ཡང་དག་པར་འདའ་བར་བྱ་བའི་ཕྱིར་བརྩལ་བ་དང་འབད་པ་ལ་བརྩོན་པར་བགྱི་བ་ཞིག་ན། བདག་ཅིའི་ཕྱིར་སེམས་ཁོང་དུ་ཆུད་པར་མི་འགྱུར། ཚེ་དང་ལྡན་པ་ཤཱ་རིའི་བུས་སྨྲས་པ། བཞིན་{བཟངས་,བཟང་}ཐུབ་པའི་དབང་པོའི་གསུང་རབ་འདི་ལ་ནི་
D1.004.0106a03.01རིགས་སྙིང་པོར་བྱེད་པ་མ་ཡིན། རུས་སྙིང་པོར་བྱེད་པ་མ་ཡིན། རྒྱུད་སྙིང་པོར་བྱེད་པ་མ་ཡིན། ཐོས་པ་སྙིང་པོར་བྱེད་པ་མ་ཡིན་ཏེ། འདི་ལྟར་ཐུབ་པའི་དབང་པོའི་གསུང་རབ་འདི་ལ་ནི་སྒྲུབ་པ་སྙིང་པོར་བྱེད་པ་ཡིན་ནོ། །དེ་བཞིན་གཤེགས་རྣམས་རིགས་དང་ནི། །རྒྱུད་དང་
D1.004.0106a04.01རུས་ལ་རྟོག་མི་མཛད། །འདས་ནས་ཡུན་རིང་ལོན་པ་ཡི། །ལས་རྣམས་ལ་ནི་རྟོག་པར་མཛད། །གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འདོད་ན་ཚུར་བཅོམ་ལྡན་འདས་ཀྱི་སྤྱན་སྔར་འདོང་དང་། ཁྱོད་བཅོམ་
D1.004.0106a05.01ལྡན་འདས་ཀྱིས་རབ་ཏུ་འབྱིན་པར་འགྱུར་རོ།། །།འདུལ་བ་གཞི། བམ་པོ་དགུ་བཅུ་རྩ་གཉིས་པ། དེས་ཁས་བླངས་སོ། །དེ་ནས་ཚེ་དང་ལྡན་པ་ཤཱ་རིའི་བུས་འབྲེག་མཁན་ཉེ་བ་འཁོར་ཁྲིད་དེ་བཅོམ་ལྡན་འདས་གང་ན་བ་དེར་དོང་ནས་ཕྱིན་པ་དང་། བཅོམ་ལྡན་འདས་
D1.004.0106a06.01ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཉེ་བ་འཁོར་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་། བསྙེན་པར་རྫོགས་པ་དགེ་སློང་གི་དངོས་པོ་འཚལ་ལགས་ན་ཐུགས་བརྩེ་བ་ཉེ་བར་གཟུང་སྟེ།
D1.004.0106a07.01