完整藏文原文 · 德格版页 当前仅加载第 4 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
དྲུང་དུ་འོངས་ནས་གཉེན་དུ་འབྲེལ་བས་སྨྲས་ཏེ་འདུག་གོ། །དེར་ཡང་རྒྱལ་པོའི་མི་རྣམས་ཀྱིས་བཙལ་ཏེ་དེ་རྣམས་ཀྱིས་དེ་གཟུང་བར་བརྩམས་པ་ལས་དེས་རིའི་གཡང་ས་ནས་བདག་ཉིད་མཆོངས་སོ། །དེ་མཆོངས་པ་དང་མི་ཞིག་གིས་གཙུག་པུད་ནས་བཟུང་བ་ལས་གཙུག་
D1.004.0236a01.01པུད་བྱུང་ནས་དེ་ལྷུང་ངོ་། །དེ་རྣམས་ཀྱིས་བསམས་པ་འདི་ནི་ཤི་བས་འདོང་ངོ་ཞེས་གཙུག་པུད་ཁྱེར་ཏེ་རྒྱལ་པོའི་དྲུང་དུ་སོང་ནས། དེ་རྣམས་ཀྱིས་སྨྲས་པ། ལྷ་ཉ་པའི་ཁྱེའུ་སྙན་དངགས་མཁན་དེ་བཀུམ་ནས་གཙུག་པུད་ཀྱང་འདི་ལགས་སོ། །རྒྱལ་པོ་མགུ་ནས་དེས་དེ་རྣམས་ལ་ལོངས་སྤྱོད་
D1.004.0236a02.01ཀྱིས་བགོ་བཤའ་བྱས་སོ། །དེ་ནས་དྲང་སྲོང་གི་སྐྱེད་མོས་ཚལ་ན་གནས་པའི་ལྷ་གང་ཡིན་པ་དེས་དྲང་སྲོང་དེ་ལ་སྨྲས་པ། ཁྱོད་ཀྱི་ཚ་བོ་ནི་སྡུག་བསྔལ་མི་བཟད་པ་དོག་པ་ཉམ་ང་བ་ཐོབ་ན་མ་དགོངས་སམ། དེས་སྨྲས་པ། གལ་ཏེ་བདག་གིས་མ་བསམས་པར་གྱུར་ན་དེ་རིང་ཉིད་དུ་སྲོག་དང་
D1.004.0236a03.01བྲལ་བར་འགྱུར་རོ། །དྲང་སྲོང་དེ་ནི་རིག་སྔགས་དང་གསང་སྔགས་འཆང་བ་ཡིན་ཏེ། གང་གིས་ནི་སྐྱེས་པ་བུད་མེད་དུ་འགྱུར་ཞིང་ཕྱིར་ཡང་སྐྱེས་པར་འགྱུར་བ་དེ་ལྟ་བུའི་རིག་སྔགས་ཤེས་པས་དེས་དེ་ལ་རིག་སྔགས་དེ་བསླབས་ཏེ་སྨྲས་པ། ད་ནི་སོང་ལ་འཇིགས་པ་དང་བག་ཚ་བ་མེད་པས་འདུག་
D1.004.0236a04.01ཤིག །དེས་རིག་སྔགས་ཀྱིས་དཔེས་བསྐྲུན་པར་མི་ནུས་པའི་བུད་མེད་ཀྱི་ཆ་བྱད་དུ་མངོན་པར་སྤྲུལ་ནས་བཱ་རཱ་ཎ་སཱིར་སོང་སྟེ། རྒྱལ་པོའི་སྐྱེད་མོས་ཚལ་ན་འདུག་པ་སྐྱེད་མོས་ཚལ་གྱི་སྲུང་མས་མཐོང་ནས་མཆོག་ཏུ་ངོ་མཚར་སྐྱེས་ཏེ་དེས་མྱུར་བ་མྱུར་བར་སོང་ནས་རྒྱལ་པོ་ཉི་མའི་མུ་ཁྱུད་ལ་སྨྲས་པ།
D1.004.0236a05.01ལྷ་སྐྱེད་མོས་ཚལ་ན་བུད་མེད་གཟུགས་ཕུན་སུམ་ཚོགས་པ་དར་ལ་བབ་བ་ཞིག་མཆིས་སོ། །དེས་བསྒོ་བ་ཁྲིད་དེ་ཤོག་ཤིག །དེས་དཔལ་གྱི་འབྱོར་བ་ཆེན་པོས་བླངས་ཏེ་རྒྱལ་པོའི་ཕོ་བྲང་དུ་ཁྲིད་ནས་དེ་ལ་རྒྱལ་པོ་ཉི་མའི་མུ་ཁྱུད་ལྷག་པར་ཆགས་པར་གྱུར་པ་དང་དེས་སྐབས་རྙེད་ནས་དབེན་པ་ན་
D1.004.0236a06.01འདུག་པ་ལ་བསད་དེ་སླར་ཡང་རིག་སྔགས་བཟླས་ཏེ་སྐྱེས་པར་གྱུར་པ་དང་། དེ་ནས་རང་ཉིད་ཀྱིས་ཅོད་པན་བཅིངས་ཏེ་བློན་པོ་ཕྱུགས་འདུག་ལ་གོ་བར་བྱས་ནས་རྒྱལ་སྲིད་ལ་འདུག་གོ། །ལྷས་ཚིགས་སུ་བཅད་དེ་སྨྲས་པ། གང་གིས་མགོ་མ་བཅད་པ་དེ་བསད་མིན། ཕྱིར་ཡང་ལངས་ནས་
D1.004.0236a07.01