完整藏文原文 · 德格版页 当前仅加载第 4 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་པ། བདག་འདས་ནས་ཉི་མའི་མུ་ཁྱུད་རྒྱལ་པོར་འགྱུར་ཏེ། དེས་གདོན་མི་ཟ་བར་ཆོས་ལྡན་མ་བསད་པར་མི་འགྱུར་བར་འདིར་ཡེ་ཇི་ལྟར་བྱ་བའི་དུས་ལ་བབ། ཡང་བསམས་པ། བློན་པོ་ཕྱུགས་འདུག་འདི་ལ་བདག་གིས་ལོངས་སྤྱོད་བཟང་པོ་དག་གིས་
D1.004.0234a01.01བགོ་བཤའ་བྱས་ཤིང་སྤྱན་རས་ཀྱིས་བཙས་པ་ཡིན་གྱིས་འདི་ལ་ཆོས་ལྡན་མ་གཏད་དོ་སྙམ་ནས་དེས་ཕྱུགས་འདུག་བཀུག་སྟེ་བསྒོ་བ། ངའི་བཙུན་མོ་དམ་པ་ནི་ཆོས་ལྡན་མ་ཡིན་ལ། བློན་པོའི་མཆོག་ནི་ཁྱོད་ཡིན་ཏེ། ངས་ལུས་ཀྱི་གནས་སྐབས་ཤེས་ན་གདོན་མི་ཟ་བར་ང་སྲོག་དང་
D1.004.0234a02.01འབྲལ་བར་འགྱུར་གྱིས། ཁྱོད་ཀྱིས་ང་ལ་སྡུག་པར་སེམས་ན་ཉི་མའི་མུ་ཁྱུད་ཀྱིས་ཆོས་ལྡན་མ་ཇི་ལྟར་ཡང་སྲོག་དང་ཕྲལ་བར་མི་འགྱུར་བ་དེ་ལྟར་གྱིས་ཤིག་དེས་སྨྲས་པ། ལྷ་དེ་ཙམ་ཡང་རྔོ་མི་ཐོག་གམ། ལྷ་ཐུགས་ལས་ཆུང་ངུར་མཛོད་ཅིག་དང་ཇི་ལྟར་མི་བཀུམ་པ་དེ་ལྟར་བགྱིའོ། །
D1.004.0234a03.01བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །རྒྱལ་པོ་སྲ་རྩི་ལྡན་ཤི་ནས་དེ་གདུགས་དང་། རྒྱལ་མཚན་དང་། བ་དན་ལ་སོགས་པ་བཟང་པོ་རྣམས་ཀྱིས་བཀུར་སྟི་ཆེར་བྱས་
D1.004.0234a04.01ཏེ་བསྲེགས་སོ། །ཉི་མའི་མུ་ཁྱུད་རྒྱལ་པོའི་རྒྱལ་སྲིད་ཆེན་པོའི་དབང་བསྐུར་བས་དབང་བསྐུར་ཏོ། །དེས་བློན་པོ་རྣམས་ལ་བསྒོ་བ། ཆོས་ལྡན་མ་སོད་ཅིག །ཕྱུགས་འདུག་གིས་སྨྲས་པ། ལྷ་མ་བརྟགས་པར་བཀུམ་སྟེ་ཅི་རུང་། ཅི་ཁྱེའུར་བཙའ་བར་འགྱུར་རམ། འོན་ཏེ་བུ་
D1.004.0234a05.01མོར་འགྱུར་སུས་འཚལ། གལ་ཏེ་ཁྱེའུ་བཙས་པར་གྱུར་ན། དེ་ཉིད་དགུམ་མོད། རྒྱལ་པོ་ཉི་མའི་མུ་ཁྱུད་ཀྱིས་སྨྲས་པ། དེ་བཞིན་དུ་གྱིས་ལ་ཁྱོད་ཁོ་ནས་སྲུངས་ཤིག །དེས་ཁྱིམ་དུ་བཞག་པ་ན་ཟླ་བ་བརྒྱད་དམ་དགུ་ལོན་ནས་ཁྱེའུ་ཞིག་བཙས་སོ། །དེ་ཉིད་ཀྱི་ཉི་མ་ལ་ཉ་པའི་ཆུང་
D1.004.0234a06.01མ་ཞིག་ལ་བུ་མོ་ཞིག་བཙས་སོ། །དེས་བཙས་མ་ཐག་ཁོ་ནར་ཉ་པའི་ཆུང་མ་ལ་ནོར་གྱིས་བྲིད་དེ་བརྗེས་ནས་ཕྱུགས་འདུག་གིས་རྒྱལ་པོ་ལ་སྨྲས་པ། ལྷ་ཆོས་ལྡན་མ་ལ་བུ་མོ་ཞིག་བཙས་ལགས་སོ། །ལེགས་པ་ཞིག་སྨྲས་སོ། །ཁྱེའུ་དེ་ཉ་པའི་ཆུང་མས་བསྣུན་བསྙོད་གསོས་ཏེ་
D1.004.0234a07.01