完整藏文原文 · 德格版页 当前仅加载第 4 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་དུབ་པ་ངལ་སོས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་རྒྱལ་པོ་ཟས་གཙང་གིས་གསོལ་བའི་ཡི་གེ་ལགས་སོ་ཞེས་བཅོམ་ལྡན་འདས་ལ་ཡི་གེ་ཕུལ་བ་དང་། བཅོམ་ལྡན་འདས་ཉིད་ཀྱིས་བཞེས་ནས་བཀླགས་སོ། །བཀླགས་
D1.004.0092a01.01ནས་ཡི་གེ་མཐའ་གཅིག་ཏུ་བཞག་པ་དང་འཆར་ཀས་གསོལ་པ། བཅོམ་ལྡན་འདས་ཅི་ལགས་སེར་སྐྱའི་གཞིར་མི་བཞུད་དམ། བཅོམ་ལྡན་འདས་ཀྱིས་བཀའ་སྩལ་པ། འཆར་ཀ་འདོང་ངོ་། །འཆར་ཀ་སྔོན་བཅོམ་ལྡན་འདས་དང་ལྷག་པར་འདྲིས་པ་ཡིན་པས་དེ་སྔོན་གྱི་འདྲིས་པ་
D1.004.0092a02.01ཁོ་ནས་གསོལ་པ། བཅོམ་ལྡན་འདས་གལ་ཏེ་མི་བཞུད་དང་། བདག་གིས་མཐུས་བཀྲི་བར་བགྱི་ལགས་སོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་དེ་བཀའ་སྩལ་པ། གང་ཞིག་ཡུལ་གྱི་རྒྱ་མོར་མ་ཆགས་ཤིང་། །སྲེད་འགགས་བཀྲི་བ་ཡོད་པ་མ་ཡིན་
D1.004.0092a03.01པའི། །སངས་རྒྱས་སྤྱོད་ཡུལ་མཐའ་ཡས་མངའ་བ་དེ། །གཞི་མེད་ན་ནི་གང་གི་གཞི་ཡིས་བཀྲི། །གང་ཞིག་ཡུལ་གྱི་རྒྱ་མོར་མ་ཆགས་ཤིང་། །སྲེད་འགགས་བཀྲི་བ་ཡོད་པ་མ་ཡིན་པའི། །སངས་རྒྱས་མཐའ་ཡས་པ་ཡི་རྩལ་མངའ་དེ། །གཞི་མེད་ན་ནི་གང་གི་གཞི་
D1.004.0092a04.01ཡིས་བཀྲི། །གང་ཞིག་བཅོམ་ནས་བརྩེགས་པ་མེད་གྱུར་ཅིང་། །འཇིག་རྟེན་མ་བཅོམ་ཅུང་ཟད་ཡོད་མིན་པ། །སངས་རྒྱས་སྤྱོད་ཡུལ་མཐའ་ཡས་མངའ་བ་དེ། །གཞི་མེད་ན་ནི་གང་གི་གཞི་ཡིས་བཀྲི། །གང་ཞིག་བཅོམ་ནས་བརྩེགས་པ་མེད་གྱུར་ཅིང་། །འཇིག་རྟེན་མ་
D1.004.0092a05.01བཅོམ་ཅུང་ཟད་ཡོད་མིན་པ། །སངས་རྒྱས་མཐའ་ཡས་པ་ཡི་རྩལ་མངའ་དེ། །གཞི་མེད་ན་ནི་གང་གི་གཞི་ཡིས་བཀྲི། །ལན་ལ་སྤོབས་པ་མེད་ནས་གསོལ་པ། །བཅོམ་ལྡན་འདས་མཆི་སྟེ། རྒྱལ་པོ་ཟས་གཙང་ལ་རིག་པར་བགྱིའོ། །འཆར་ཀ་སངས་རྒྱས་ཀྱི་ཕོ་ཉ་ནི་འདི་
D1.004.0092a06.01ལྟ་བུ་མ་ཡིན་ནོ། །འཆར་ཀས་གསོལ་པ། བཅོམ་ལྡན་འདས་ཅི་འདྲ་བ་ཞིག་ལགས། རབ་ཏུ་བྱུང་བ་ཡིན་གྱིས་ཁྱོད་ཀྱང་རབ་ཏུ་བྱུང་ཤིག །བཅོམ་ལྡན་འདས་བདག་གིས་རྒྱལ་པོ་ཟས་གཙང་ལ་སླར་མཆི་བར་དམ་བཅས་ལགས་སོ། །བཅོམ་ལྡན་འདས་ཀྱིས་བཀའ་
D1.004.0092a07.01