完整藏文原文 · 德格版页 当前仅加载第 4 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་ཅིང་མངོན་པའི་སྟོན་པ་གསུམ་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ལུང་སྟོན་པ་ཕུན་སུམ་ཚོགས་པ་མ་ཡིན་བཞིན་དུ་བདག་གིས་ལུང་སྟོན་པ་ནི་ཕུན་སུམ་ཚོགས་པ་ཡིན་ཏེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་
D1.004.0164a01.01ལྷན་ཅིག་གནས་པའི་རྒྱུས་སོ་སོར་ཤེས་ནས་སྟོན་པ་ཤེས་ལྡན་འདི་ནི་ལུང་སྟོན་པ་ཕུན་སུམ་ཚོགས་པ་མ་ཡིན་བཞིན་དུ་བདག་གི་ལུང་སྟོན་པ་ནི་ཕུན་སུམ་ཚོགས་པ་ཡིན་ཏེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་ཅེས་སྨྲས་ན། དེས་
D1.004.0164a02.01ན་འདིའི་ཡིད་ལ་མི་འབབ་པར་འགྱུར་བས་སྟོན་པ་དེ་ལ་ཡིད་དུ་མི་འོང་བར་འགྱུར་བ་དེ་བདག་ཅག་གིས་གླེངས་ཏེ་ཅི་རུང་སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང་། འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ནད་གསོས་
D1.004.0164a03.01ཀྱི་རྐྱེན་སྨན་དང་། ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ལུང་སྟོན་པ་ཕུན་སུམ་ཚོགས་པའི་སྒོ་ནས་རྗེས་སུ་སྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ལུང་སྟོན་པ་ཕུན་སུམ་ཚོགས་པའི་སྒོ་ནས་རྗེས་སུ་སྲུང་བར་རེ་བ་ཡིན་ཏེ། འདི་ནི་
D1.004.0164a04.01འཇིག་རྟེན་ན་ཡོད་ཅིང་མངོན་པའི་སྟོན་པ་བཞི་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ཆོས་འདུལ་བ་ཉེས་པར་འཆད་བཞིན་དུ་བདག་གི་ཆོས་འདུལ་བ་ནི་ལེགས་པར་བཤད་པ་ཡིན་ཏེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་
D1.004.0164a05.01རྒྱུས་སོ་སོར་ཤེས་ནས་སྟོན་པ་ཤེས་ལྡན་འདི་ནི་ཆོས་འདུལ་བ་ཉེས་པར་འཆད་བཞིན་དུ་བདག་གི་ཆོས་འདུལ་བ་ནི་ལེགས་པར་བཤད་པ་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་སྨྲས་ན། དེས་ན་འདིའི་ཡིད་ལ་མི་འབབ་པར་
D1.004.0164a06.01འགྱུར་བས་སྟོན་པ་དེ་ལ་ཡིད་དུ་མི་འོང་བར་འགྱུར་བ་གང་ཡིན་པ་དེ་བདག་ཅག་གིས་གླེངས་ཏེ་ཅི་རུང་། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང་འདི་བདག་ཅག་ལ་འདི་ལྟ་སྟེ་ཆོས་གོས་དང་། བསོད་སྙོམས་དང་། གནས་མལ་དང་། ནད་གསོས་ཀྱི་རྐྱེན་སྨན་དང་། ཡོ་བྱད་རྣམས་
D1.004.0164a07.01