完整藏文原文 · 德格版页 当前仅加载第 4 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
སྲས་ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དོ། །ཁྱིམ་བདག་གི་
D1.004.0203a01.01བུ་དེ་ནི་སངས་རྒྱས་ཞེས་བྱའོ། །དེས་སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས་བ་སྤུའི་ཁུང་ཐམས་ཅད་གཡོས་ཤིང་མངོན་པར་དད་པ་དེས་སྣོད་དུ་བཙོས་པ་ལྔ་བརྒྱ་པོ་དེ་ཉིད་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་ཕུལ་ལོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་དེ་ལས་
D1.004.0203a02.01བསོད་སྙོམས་བླངས་ནས་ཇི་ལྟར་སེམས་མཉམ་པར་བཞག་ན་ཙམ་པ་ནས་མི་སྣང་བར་གྱུར་ཏེ། རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པར་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། དེས་བཅོམ་ལྡན་འདས་ལ་བསོད་སྙོམས་ཕུལ་ཏེ་བཅོམ་ལྡན་འདས་ཀྱིས་
D1.004.0203a03.01གསོལ་པར་བརྩམས་པ་ན། མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་སྣོད་ནས་བཙོས་པ་ཕྱི་མ་ཤོས་ཁྱེར་ཏེ་བཅོམ་ལྡན་འདས་ཀྱི་སྤྱན་སྔར་སོང་བ་དང་། ཇི་ཙམ་ན་འོད་མའི་ཚལ་ཐམས་ཅད་ཁ་ཟས་ཀྱི་དྲི་ཞིམ་པོ་རྣམ་པ་སྣ་ཚོགས་ཀྱིས་ཁྱབ་པར་མཐོང་ནས་དེས་བསམས་
D1.004.0203a04.01པ། གདོན་མི་ཟ་བར་ལྷ་རྣམས་ཀྱི་དབང་པོ་བརྒྱ་བྱིན་ནམ། ལྷ་གཞན་དག་གིས་བཅོམ་ལྡན་འདས་ལ་བསོད་སྙོམས་ཕུལ་ཏེ། འདི་ལྟར་འོད་མའི་ཚལ་འདི་ཁ་ཟས་ཀྱི་དྲི་ཞིམ་པོ་རྣམ་པ་སྣ་ཚོགས་ཀྱིས་ཁྱབ་པར་གྱུར་ཏོ་སྙམ་དུ་བསམས་ནས་བཅོམ་ལྡན་འདས་ལ་འདི་སྐད་ཅེས་གསོལ་
D1.004.0203a05.01ཏོ། །བཙུན་པ་བཅོམ་ལྡན་འདས་ལ་ལྷ་རྣམས་ཀྱི་དབང་པོ་བརྒྱ་བྱིན་ནམ། ལྷ་གཞན་དག་གིས་བསོད་སྙོམས་ཕུལ་བའམ་ཅི་ལགས་ན། འདི་ལྟར་འོད་མའི་ཚལ་འདི་ཞལ་ཟས་ཀྱི་དྲི་བདའ་བ་སྣ་ཚོགས་ཀྱིས་ཁྱབ་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་
D1.004.0203a06.01ཆེན་པོ་ལྷ་རྣམས་ཀྱི་དབང་པོ་བརྒྱ་བྱིན་གྱིས་ཀྱང་མ་ཡིན་ལ། ལྷ་གཞན་རྣམས་ཀྱིས་ཀྱང་མ་ཕུལ་ཏེ། དེ་ལྟ་མོད་ཀྱི་ཁྱོད་ཉིད་ཀྱི་ཡུལ་ཙམ་པ་ན་གྲུ་འཛིན་གྱི་བུ་ཉི་མ་རེ་རེ་ལྔ་བརྒྱའི་སྟོན་མོ་སྣོད་ནས་འཚེད་ཅིང་སྦྱོར་བ་ཡོད་དེ། དེ་ལས་དགེ་སློང་མཽད་གལ་གྱི་བུས་བླངས་སོ། །བཅོམ་
D1.004.0203a07.01