完整藏文原文 · 德格版页 当前仅加载第 4 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
རས་ཟུང་རེ་བསྐོན་ནས་བདག་དཔོན་པོར་བསྐོ་བར་གསོལ། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ཁྱེད་ཅག་གིས་མུ་ལྟོ་བ་ཐམས་ཅད་ཟན་བྱིན་ལ་རེ་རེ་ལ་རས་ཟུང་རེ་བསྐོན་ཏེ་འདི་དེ་རྣམས་ཀྱི་དཔོན་པོར་ཆུག་ཤིག །དེ་རྣམས་ཀྱིས་བཱ་རཱ་ཎ་སཱིར་དྲིལ་སྒྲོགས་
D1.004.0142a01.01སུ་བཅུག་པ། ལྷས་བཀའ་སྩལ་གྱིས་བཱ་རཱ་ཎ་སཱིའི་མུ་ལྟོ་བ་ཇི་སྙེད་པ་ཐམས་ཅད་སྐྱེད་མོས་ཚལ་ཆེ་གེ་མོ་ཞིག་ཏུ་འདུས་ཤིག །ངས་མུ་ལྟོ་བ་རྣམས་ལ་ཟས་སྦྱིན་ཞིང་རེ་རེ་ལ་ཡང་རས་ཟུང་རེ་བསྐོན་ནོ་ཞེས་བསྒྲགས་པ་དང་། དེ་དག་ཐམས་ཅད་འདུས་ནས་བློན་པོ་རྣམས་ཀྱིས་ཁ་ཟས་
D1.004.0142a02.01བསོད་པས་ཚིམ་པར་བྱས་ནས་རེ་རེ་ལ་ཡང་རས་ཟུང་རེ་བསྐོན་ཏེ་བསྒོ་བ། ལྷས་བཀའ་སྩལ་པ། དེང་ཕན་ཆད་ཁྱེད་ཅག་གི་རྒྱལ་པོར་མུ་ལྟོ་བ་འདི་བསྐོས་ཀྱིས། ཁྱེད་ཅག་གིས་འདིའི་ཚིག་བཞིན་དུ་བྱོས་ཤིག །དེ་རྣམས་ཁ་ཟས་བསོད་པས་ཚིམ་པར་བྱས་པ་དང་། རས་ཟུང་རེ་བསྐོན་པས་ཡི་
D1.004.0142a03.01རངས་ནས་སྨྲས་པ། ལྷས་ཇི་སྐད་བཀའ་སྩལ་པ་བཞིན་དུ་འཚལ་ལོ་ཞེས་མུ་ལྟོ་བ་དེ་དཔོན་པོར་གྱུར་ཏོ། །མུ་ལྟོ་བ་རྣམས་ནི་རང་བཞིན་གྱིས་བཀྲེས་སྐོམ་པས་ཟིལ་གྱིས་ནོན་པ་ཡིན་པས་ཚོང་འདུས་ནས་བཟའ་བ་དང་བཏུང་བ་འཕྲོག་པར་བྱེད་དོ། །དེ་རྣམས་རྒྱལ་པོས་བཀུར་ནས་ནི་ལྷག་པར་ཡང་
D1.004.0142a04.01དབྲོག་པར་བརྩམས་སོ། །ཚོང་རྡལ་གྱིས་འཚོ་བའི་ཚོགས་འཁྲུགས་ནས་དེས་རྒྱལ་པོ་ལ་གསོལ་པ་དང་། རྒྱལ་པོས་སྨྲས་པ། ཁྱེད་ཅག་སྲུང་བ་ལ་བག་ཡོད་པར་བྱོས་ལ་དེ་རྣམས་ལ་ནི་མ་རྡེག་ཤིག །ཇི་ཙམ་ན་མི་ཞིག་སྣུམ་ཁུར་དག་ཁྱེར་ནས་ཚོང་འདུས་ཀྱི་དབུས་ནས་སོང་བ་ལས་མུ་ལྟོ་
D1.004.0142a05.01བའི་དཔོན་པོ་དེས་དེ་ལ་ཕྲོགས་ནས་དེ་ཁྱེར་ཏེ་ཕྱོགས་དབེན་པ་ཞིག་ཏུ་སོང་བ་དང་། མུ་ལྟོ་བ་རྣམས་ཀྱིས་ཕྱིར་འབྲངས་ཏེ་དེ་རྣམས་ཀྱིས་དེ་ལ་གླགས་བལྟས་པ་ན་འབབ་ཆུ་བ་རི་ཀ་རྒལ་ནས་ཤིང་ཞིག་གི་དྲུང་དུ་འདུག་གོ། །སངས་རྒྱས་རྣམས་འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང་།
D1.004.0142a06.01ངན་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བ་ཡིན་པས། ཇི་ཙམ་ན་རང་སངས་རྒྱས་ཞིག་སྟེས་ཏེ་ཕྱོགས་དེར་འོངས་པ་དང་། དེས་དེ་ལུས་མཛེས་ཤིང་སེམས་དང་བ་དང་། སྤྱོད་ལམ་ཞི་བར་མཐོང་ནས་དེས་
D1.004.0142a07.01