完整藏文原文 · 德格版页 当前仅加载第 4 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་བར་གྱུར་ཏོ། །ད་ལྟར་ཡང་འདི་རྐང་པའི་མཐིལ་ལ་འཁོར་ལོའི་རྟགས་དོན་དུ་གཉེར་བའི་ཕྱིར་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བར་གྱུར་ཏོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་གནོད་སྦྱིན་
D1.004.0222b01.01ཀུམ་བི་རའི་གནས་ན་བཞུགས་སོ། །ལྷ་སྦྱིན་གྱིས་ཡང་མ་སྐྱེས་དགྲ་ལ་སྨྲས་པ། ཁོ་བོས་ཁྱོད་ནི་རྒྱལ་སྲིད་ལ་བཞག་ན་ཁྱོད་ཀྱིས་ཁོ་བོ་སངས་རྒྱས་སུ་གཞུག་མ་ནུས་ཀྱིས། ད་ནི་ཁོ་བོས་དགེ་སྦྱོང་གཽ་ཏ་མ་སྲོག་དང་དབྲལ་གྱིས་ཁྱོད་ཀྱིས་སུས་བསད་དམ། གང་དུ་
D1.004.0222b02.01བསད་པ་མ་སྨྲ་ཤིག །དེས་སྨྲས་པ། དེ་བཞིན་དུ་གྱིས་ཤིག །ཇི་ཙམ་ན་ལྷོ་ཕྱོགས་ནས་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཞིག་འོངས་ནས་ལྷ་སྦྱིན་གྱིས་དེ་བཀུག་ནས་སྨྲས་པ། ཀྱེ་སློབ་དཔོན་ཁྱོད་ཀྱིས་མི་ལྔ་བརྒྱས་འཕེན་པ་དེ་ལྟ་བུའི་སྒྱོགས་ནུས་སམ། དེས་
D1.004.0222b03.01སྨྲས་པ། འཕགས་པ་ནུས་སོ། །དེས་དེ་ལ་མུ་ཏིག་གི་དོ་ཤལ་བརྒྱ་སྟོང་རི་བ་བྱིན་ཞིང་མི་སྟོང་གི་གླ་ཡང་བྱིན་ནས་སྨྲས་པ། གནས་གང་ན་བཅོམ་ལྡན་འདས་བཞུགས་པ་དེའི་དྲང་ཐད་ཀྱི་བྱ་རྒོད་ཀྱི་ཕུང་པོའི་རིའི་སྟེང་དེར་སྒྱོགས་ཆོས་ཤིག །སྒྱོགས་འཕེན་པའི་མི་ལྔ་བརྒྱ་པོ་དེ་དག་
D1.004.0222b04.01ཀྱང་འཁོད་དུ་བཅུག་གོ། །གནས་གཞན་ཞིག་ཏུ་ཉིས་བརྒྱ་ལྔ་བཅུ་འཁོད་དུ་བཅུག་ནས་བསྒོ་བ། ཁྱེད་ཅག་གལ་ཏེ་དགེ་སྦྱོང་གཽ་ཏ་མ་སྒྱོགས་ཀྱིས་མ་སོད་ན་ཁྱེད་ཀྱིས་སོད་ཅིག་དེའི་དོན་དུ་གནས་གཞན་དང་གཞན་དུ་ཡང་མི་རྣམས་འཁོད་དུ་བཅུག་ནས་ཐམས་ཅད་ལ་བསྒོ་བ། ཁྱེད་ཅག་
D1.004.0222b05.01གང་གི་གོར་དགེ་སྦྱོང་གཽ་ཏ་མ་འོངས་དང་དེ་དག་གིས་སོད་ཅིག །བདག་ཉིད་ཀྱང་ཕྱོགས་གཞན་ཞིག་ཏུ་འདུག་ནས་འདི་རྣམས་ཀྱིས་ཤོར་དང་བདག་གིས་བསད་དོ་སྙམ་མོ། །ཇི་ཙམ་ན་མི་ལྔ་བརྒྱས་སྒྱོགས་འཕང་བར་བརྩམས་ཏེ་སྨྲས་པ། སུའི་ཕྱིར་སྒྱོགས་འཕང་། ཇི་ཙམ་ན་སངས་རྒྱས་
D1.004.0222b06.01བཅོམ་ལྡན་འདས་ཤོད་ན་བཞུགས་པ་མཐོང་ནས་དེ་རྣམས་ཀྱིས་སྨྲས་པ། ཤེས་ལྡན་དག་བདག་ཅག་རང་གི་སྲོག་བཏང་བ་ནི་བླའི་ལྷ་དང་མིས་མཆོད་པའི་སངས་རྒྱས་བཅོམ་ལྡན་འདས་བགྲོངས་པ་ནི་དེ་ལྟ་མ་ཡིན་གྱིས་སྒྱོགས་བོར་རོ་ཞེས་དེ་རྣམས་ཀྱིས་སྒྱོགས་བོར་ནས་བྱ་རྒོད་ཀྱི་ཕུང་པོའི་རི་ལ་
D1.004.0222b07.01