完整藏文原文 · 德格版页 当前仅加载第 4 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་ཆེན་འབྱིན་བྱེད་ལ། །དགའ་བའི་ཡིད་ཀྱིས་གོས་ཀྱི་གཡབ་མོས་འདེབས་བྱེད་ཅིང་། །ཁ་ཅིག་བྱང་ཆུབ་སེམས་དཔའ་ལ་ནི་སྟོད་བྱེད་དེ། །ནམ་མཁའ་ལ་ནི་སོར་མོ་བརྒྱ་ཕྲག་སྒྱུར་བར་བྱེད། །ཁ་ཅིག་དག་ནི་སྒོ་རྣམས་འབྱེད་བྱེད་ཅིང་། །མེ་ཏོག་མན་དཱ་ར་
D1.004.0013a01.01བས་འཐོར་བར་བྱེད། །ཁ་ཅིག་དག་ནི་བཅིབས་པའི་རྐང་འཛིན་ཅིང་། །བདེ་བར་གཤེགས་པ་རྟོག་ཅིང་རྗེས་བཞིན་འབྲང་། །ཁ་ཅིག་དག་ཀྱང་གཡས་ནས་རྗེས་བཞིན་འབྲང་། །གཡོན་ནས་འགྲོ་བ་དག་ཀྱང་རྗེས་བཞིན་འབྲང་། །བརྒྱ་བྱིན་དེ་བཞིན་ཚངས་པར་བཅས་པ་དང་། །
D1.004.0013a02.01ལུས་ངན་བདག་ཉིད་ཤུལ་ནི་མཚོན་པར་བྱེད། །ཟླ་བ་ཉ་བ་རྒྱུ་སྐར་ཚོགས་ཀྱིས་ལྟར། །བདག་ཉིད་ཆེན་པོ་ལྷ་ཚོགས་མདུན་བདར་ནས། །དཀའ་ཐུབ་ནགས་ནི་ཐུབ་རྣམས་དགྱེས་བྱེད་པ། །འཕགས་པ་དགྱེས་པའི་ནགས་སུ་ཐུགས་དགྱེས་གཤེགས། །དེ་ནས་བྱང་ཆུབ་སེམས་
D1.004.0013a03.01དཔའ་གྲོང་ཁྱེར་སེར་སྐྱའི་གཞི་ནས་ཕྱིར་བྱུང་བ་དང་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་ཡིད་དགའ་བས་སྤྲོ་བ་བསྐྱེད་པ། གྲོགས་པོ་ཁྱོད་ཡུན་རིང་པོ་ནས་ནམ་ཞིག་ནང་བགེགས་ལས་ཐར་ཏེ་དཀའ་ཐུབ་ཀྱི་ནགས་སུ་འགྲོ་བར་འགྱུར་སྙམ་དུ་དགོངས་པ་སྐྱེད་པ་གང་ལགས་པ་དེ་དེང་
D1.004.0013a04.01དུ་ཡོངས་སུ་རྫོགས་པ་ལགས་ཀྱིས། ནམ་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་དེའི་ཚེ། བདག་ཅག་ལ་ཡང་དགོངས་ཤིག །བྱང་ཆུབ་སེམས་དཔས་དེ་བཞིན་དུ་བྱའོ་ཞེས་དམ་བཅས་ནས་སྐུ་ཐམས་ཅད་ཀྱིས་གཡས་
D1.004.0013a05.01ཕྱོགས་སུ་གླང་པོ་ཆེའི་ལྟ་སྟངས་ཀྱིས་གཟིགས་ནས། སངས་རྒྱས་རྣམས་ཀྱིས་བསྟན་པ་ཡི། །ལམ་གྱི་མཆོག་ནི་མ་ཐོབ་པར། །གྲོང་ཁྱེར་སེར་སྐྱའི་གཞིར་ནི་སླར། །ང་ནི་འཇུག་པར་མི་བྱའོ། །ཞེས་གསུངས་སོ། །དེ་ནས་བྱང་ཆུབ་སེམས་དཔའ་ཐུན་གཉིས་ཀྱི་དཔག་ཚད་བཅུ་
D1.004.0013a06.01གཉིས་སུ་བྱོན་ནས་བཅིབས་པ་ལས་བབས་ཏེ་རྒྱན་བཀྲོལ་ནས་འདུན་པ་ལ་བཀའ་སྩལ་པ། འདུན་པ་རྒྱན་དང་རྟ་ཁྱེར་ལ་སླར་སོང་ཤིག །འདིར་སྨྲས་པ། ཁ་ལོ་སྒྱུར་ཁྱོད་ང་ཡི་རྟ་འདི་དང་། །རྒྱན་འདི་རྣམས་ཀྱང་གཉེན་པ་དག་ལ་བྱིན། །ང་ནི་འདོད་པ་རྒྱ་ཆེན་སྤངས་ནས་སུ། །ད་ལྟར་
D1.004.0013a07.01