完整藏文原文 · 德格版页 当前仅加载第 4 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་གྲོལ་ནས་ཐམས་ཅད་མཁྱེན་ཅིང་རྣམ་པ་ཐམས་ཅད་མཁྱེན་ཏེ། ཡེ་ཤེས་དང་ཤེས་བྱ་ཐམས་ཅད་ལ་དབང་བརྙེས་ནས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ཏེ་དམ་པའི་ཆོས་
D1.004.0117b01.01ཀྱི་རོས་ཚིམ་པར་མཛད་པ་དེ་ལ་ངོ་མཚར་ཅི་ཞིག་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་ཤིང་། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་
D1.004.0117b02.01དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་མ་གྲོལ་ཏེ། དེད་དཔོན་དུ་གྱུར་པ་ན་ལྔ་པོ་དག་འབྲོག་དགོན་པའི་ལམ་དུ་ཆུ་མེད་པས་སྲོག་དང་བྲལ་བའི་སྡུག་བསྔལ་དོག་པ་ཉམ་ང་བ་ཐོབ་པ་ན་ལྷ་རྣམས་ལ་བདེན་པ་གསོལ་ནས་དབང་ཕྱུག་ཆེན་པོས་ཆར་ཕབ་པའི་
D1.004.0117b03.01ཆུས་ཚིམ་པར་བྱས་པ་གང་ཡིན་པ་དེ་ཉོན་ཅིག །དགེ་སློང་དག་སྔོན་བྱུང་བ་དེད་དཔོན་ཐམས་ཅད་སྐྱོབ་ཅེས་བྱ་བ་ཚོང་པ་ལྔ་བརྒྱ་དང་ལྷན་ཅིག་ཏུ་ཚོང་བྱེད་ཅིང་འབྲོག་དགོན་པའི་ལམ་ཆུ་ཆུང་བ་ཞིག་ཏུ་ཞུགས་ནས་རིམ་གྱིས་འབིགས་བྱེད་ཅེས་བྱ་བའི་དགོན་པར་ཕྱིན་པ་དང་། ཚོང་
D1.004.0117b04.01པ་དེ་རྣམས་དེར་ཆུ་ཐམས་ཅད་ཀྱི་ཐམས་ཅད་དུ་ཟད་ནས་ཆུ་དང་བྲལ་ཡང་མནགས་ཏེ་དོང་བ་ལས། ཚོང་པ་ལྔ་ཙམ་ཆུ་མ་རྙེད་པས་ལྷག་པར་ཡི་བློང་བར་གྱུར་པའི་རྣམ་པ་དེ་ལྟ་བུ་དེ་དག་དེད་དཔོན་ཐམས་ཅད་སྐྱོབ་ཀྱིས་མཐོང་ནས་སྙིང་རྗེས་སེམས་བསྐྱོད་པས་ཁ་གྱེན་དུ་བལྟས་ཏེ་ལྷ་རྣམས་
D1.004.0117b05.01ལ་གསོལ་བ་བྱ་བར་བརྩམས་པ། ཞི་བ་དང་། ཆུ་ལྷ་དང་། ལུས་ངན་དང་། ཁྱབ་འཇུག་ལ་སོགས་པ་ལྷ་ཤེས་ལྡན་དག་གསོན་ཅིག །བདག་སེམས་ཅན་རྣམས་ལ་མཉམ་པར་སེམས་པའི་བདེན་པ་དང་བདེན་པའི་ཚིག་གང་ཡིན་པའི་བདེན་པ་དང་བདེན་པའི་ཚིག་
D1.004.0117b06.01འདིས་དབང་ཕྱུག་ཆེན་པོའི་ལྷས་ཆར་འབེབས་པར་གྱུར་ཅིག །བྱང་ཆུབ་སེམས་དཔའི་མཐུས་དབང་ཕྱུག་ཆེན་པོའི་གནས་གཡོས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་གྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས་དེས་བསམས་པ། སུ་ཞིག་གིས་དབང་ཕྱུག་ཆེན་
D1.004.0117b07.01