完整藏文原文 · 德格版页 当前仅加载第 4 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པ་ན་ཡིད་གཉིས་སུ་གྱུར་ཏེ། དེ་རྔོན་པས་འཇིགས་པ་དང་། འཇིག་རྟེན་པ་གཞན་གྱིས་འཇིགས་པས་འཚེར་ཞིང་སྐྲག་པས་སྤྱོད་དོ། །འདི་ནི་ཆོས་ཉིད་ཡིན་ཏེ། འཇིག་རྟེན་ཆགས་ནས་རིང་པོར་མ་ལོན་པ་ན་དུད་འགྲོ་རྣམས་ཀྱང་མིའི་སྐད་དུ་སྨྲ་
D1.004.0177a01.01ནུས་པ་ཡིན་ནོ། །དེ་ནས་བྱ་རོག་ཅིག་དེའི་དྲུང་དུ་འོངས་ནས་དེས་དེ་དང་ལྷན་ཅིག་བཤེས་ཤིང་འདྲེ་བའི་གཏམ་བྱས་ནས་སྨྲས་པ། ཀྱེ་ཞང་པོ་ཁྱོད་ཅིའི་ཕྱིར་འདི་ལྟར་འཚེར་ཞིང་སྐྲག་པས་སྤྱོད། དེས་སྨྲས་པ། ཚ་བོ་བདག་གི་ལུས་སྐལ་བ་དང་ལྡན་པ་འདི་ལ་འཇིག་རྟེན་
D1.004.0177a02.01ཐམས་ཅད་འདོད་པ་སྐྱེད་པས་ཁོ་བོ་འཇིག་རྟེན་གྱིས་འཇིགས་ཤིང་རྔོན་པས་འཚེར་ཞིང་སྐྲག་པས་སྤྱོད་དོ། །དེས་སྨྲས་པ། ཞང་པོ་བདག་ཀྱང་དེ་བས་ཀྱང་འུག་པས་འཇིགས་པས་གཅིག་ལ་གཅིག་བསྲུང་བར་བྱ་སྟེ། བདག་གིས་ནི་ཁྱོད་ཉིན་པར་བསྲུང་ངོ་། །ཁྱོད་ཀྱིས་ནི་
D1.004.0177a03.01བདག་མཚན་མོ་སྲུངས་ཤིག་ཅེས་དེ་གཉིས་ཀྱིས་དེ་ལྟར་དམ་བཅས་ནས་གནས་སོ། །ཇི་ཙམ་ན་མི་ཞིག་དགྲས་ལག་པ་ཕྱིང་ཀ་ལོག་ཏུ་བཅིང་བས་དམ་དུ་བཅིངས་ནས་ཆུ་གསར་དུ་བབ་པ་ཤུགས་དྲག་པོའི་དབའི་ནང་དུ་བོར་ཏེ། དེ་དེས་ཁྱེར་བ་ན་ཉམ་ཐག་པའི་ང་རོས་སྙིང་རྗེ་རྗེ་
D1.004.0177a04.01སྐད་དུ་སྨྲེ་སྔགས་འདོན་པར་བྱེད་དེ། གང་གིས་དེ་རིང་བདག་གི་སྲོག །འཇིག་རྟེན་རྙེད་དཀའ་སྦྱིན་འགྱུར་བ། །བདག་གིས་དེ་ཡི་དྲན་བྱ་ཞིང་། །དེ་ཡི་གོར་རེ་ལོང་ཡང་བྱ། །སྟེས་དབང་གིས་{རི་དགས་,རི་དྭགས་}ཀྱི་དཔོན་པོ་དེའི་སྙིང་རྗེའི་བསམ་པས་{རི་དགས་,རི་དྭགས་}ཀྱི་ཚོགས་ཀྱིས་
D1.004.0177a05.01ཡོངས་སུ་བསྐོར་ཏེ། འབབ་ཆུའི་འགྲམ་དུ་ཉེ་བར་སོང་ངོ་། །དེ་ནས་མི་འོ་དོད་འབོད་པ་ཐོས་ནས་{རི་དགས་,རི་དྭགས་}དེ་རྣམས་ནི་ཀུན་དུ་བྲོས་སོ། །འདི་ནི་ཆོས་ཉིད་ཡིན་ཏེ། བྱང་ཆུབ་སེམས་དཔའ་རྣམས་ནི་ལུས་ཀྱིས་ལོག་པར་ལྟུང་བ་ཡིན་ཡང་སེམས་ཀྱིས་མ་ཡིན་པས་{རི་དགས་,རི་དྭགས་}ཀྱི་
D1.004.0177a06.01དཔོན་པོ་དེ་སྙིང་རྗེས་བརླན་པའི་སྙིང་གིས་མོད་ལ་འབབ་ཆུ་དེའི་ནང་དུ་འཇུག་པར་བརྩམས་པ་ན་བྱ་རོག་ཀྱང་དེ་དང་སྔོན་དམ་བཅས་པའི་ཡིད་ཀྱིས་ཀུན་དུ་བསྲུང་བའི་ཕྱིར། དེའི་ཕྱི་བཞིན་འབྲང་བས་དེས་མི་དེ་དབྱུང་བའི་ཕྱིར་འབད་པ་བྱེད་པར་རིག་ནས་འདི་སྐད་ཅེས་སྨྲས་སོ། །རི་
D1.004.0177a07.01