完整藏文原文 · 德格版页 当前仅加载第 4 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་འཆར་ཀ་མཆོག་ཏུ་ཉེ་བར་ཞི་བ་དང་། དུལ་བར་གནས་པ་དང་ལྡན་ཞིང་ཇི་སྐད་རྗེས་སུ་བསྟན་པའི་ཆོ་ག་བཞིན་ཡོངས་སུ་ལོངས་སྤྱད་དོ། །རྒྱལ་པོས་དེ་ལ་བརྟགས་ནས་ངོ་མཚར་སྐྱེས་ཏེ་སྨྲས་པ། འཆར་ཀ་ཅི་གཞོན་ནུ་དོན་ཐམས་ཅད་གྲུབ་པ་ཡང་འདི་འདྲ་བ་ཉེ་བར་ཞི་བ་ཡིན་
D1.004.0093b01.01ནམ། འཆར་ཀས་སྨྲས་པ། ལྷ་བདག་གི་དུལ་བ་དང་ཉེ་བར་ཞི་བ་ནི་ཅུང་ཟད་ཙམ་ལགས་སོ། །དཔེར་ཇི་ལྟ་བུ་རི་རབ་དང་ཡུངས་འབྲུ་བཞིན་ནོ། །རྒྱ་མཚོ་དང་རྨིག་རྗེས་བཞིན་ནོ། །ཉི་མ་དང་སྲིན་བུ་མེ་ཁྱེར་བཞིན་ནོ། །ནམ་མཁའ་དང་པད་མའི་རྩ་བའི་བུ་ག་བཞིན་ནོ། །རྒྱལ་
D1.004.0093b02.01པོ་ཟས་གཙང་གིས་སྨྲས་པ། འཆར་ཀ་གཞོན་ནུ་དོན་ཐམས་ཅད་གྲུབ་པ་ཡང་འདི་འདྲ་ཞིང་ཆ་བྱད་འདི་འདྲ་འམ། ལྷ་འདི་འདྲ་ཞིང་ཆ་ཞིང་ཆ་བྱད་འདི་འདྲའོ། །རྒྱལ་པོ་ཟས་གཙང་བརྒྱལ་ནས་ས་ལ་འགྱེལ་བ་དང་། ཆུ་མང་དུ་བཏབ་ནས་དབུགས་སླར་བྱུང་སྟེ་སྨྲས་པ། འཆར་ཀ་
D1.004.0093b03.01གཞོན་ནུ་དོན་ཐམས་ཅད་གྲུབ་པ་བྱོན་ནམ། འཆར་ཀས་སྨྲས་པ་བྱོན་ནོ། །དུས་ཇི་སྲིད་ན་དགུང་བདུན་ལོན་ནའོ། །རྒྱལ་པོ་ཟས་གཙང་གིས་བློན་པོ་རྣམས་ལ་བསྒོ་བ་ཤེས་ལྡན་དག་གཞོན་ནུ་དོན་ཐམས་ཅད་གྲུབ་པ་བྱོན་པར་འགྱུར་གྱིས་རྒྱལ་པོའི་ཁབ་དང་ཕོ་བྲང་བྱི་དོར་བྱོས་ཤིག །
D1.004.0093b04.01འཆར་ཀས་སྨྲས་པ། ལྷ་བཅོམ་ལྡན་འདས་ནི་ཕོ་བྲང་དུ་བཞུགས་པར་མི་མཛད་དོ། །རྒྱལ་པོས་སྨྲས་པ་གང་དུ་བཞུགས། འཆར་ཀས་སྨྲས་པ། དགོན་པའམ་གཙུག་ལག་ཁང་དུའོ། །རྒྱལ་པོ་ཟས་གཙང་གིས་སྨྲས་པ། འཆར་ཀ་གཙུག་ལག་ཁང་ཅི་འདྲ་བ་ཡིན།
D1.004.0093b05.01ཚེ་དང་ལྡན་པ་འཆར་ཀས་རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་རི་མོར་བྲིས་ཏེ་བསྟན་ཏོ། །དེ་ནས་རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ནྱ་གྲོ་དྷའི་ཀུན་དགའ་ར་བར་རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་གཙུག་ལག་ཁང་ཆེན་པོ་བཅུ་དྲུག་དང་། ཁང་ཕྲན་དྲུག་བཅུ་རྩིག་
D1.004.0093b06.01ཏུ་ཆུག་ཤིག །ལྷ་བཀའ་བཞིན་འཚལ་ཞེས་བློན་པོ་རྣམས་ཀྱིས་རྒྱལ་པོ་ཟས་གཙང་ལས་མཉན་ནས་ནྱ་གྲོ་དྷའི་ཀུན་དགའ་ར་བར་རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་གཙུག་ལག་ཁང་ཆེན་པོ་བཅུ་དྲུག་དང་། ཁང་ཕྲན་དྲུག་བཅུ་རྩིག་ཏུ་བཅུག་གོ། །དེ་ནས་བཅོམ་ལྡན་འདས་ཀྱིས་
D1.004.0093b07.01