完整藏文原文 · 德格版页 当前仅加载第 4 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་མ་གྲོལ་ཏེ། དེད་དཔོན་དུ་གྱུར་པ་ན་རང་གི་སྲོག་ཡོངས་སུ་བཏང་ནས་འདི་དག་རྒྱ་མཚོ་ཆེན་པོ་ནས་བཏོན་ཏེ་རིན་པོ་ཆེ་རྣམས་ཀྱི་བགོ་བཤའ་བྱས་པ་གང་ཡིན་པ་
D1.004.0118b01.01དེ་ཉོན་ཅིག །དགེ་སློང་དག་སྔོན་བྱུང་བ་ན་དེད་དཔོན་ནོར་གྱི་ཤིང་རྟ་ཞེས་བྱ་བ་ཞིག་བྱུང་སྟེ། དེ་ཚོང་པ་ལྔ་ཞིག་དང་ལྷན་ཅིག་རྒྱ་མཚོ་ཆེན་པོར་དོང་བ་ན་དེ་རྣམས་དང་དེད་དཔོན་དེས་ཕན་ཚུན་བཤེས་པའི་གཏམ་སྨྲ་བར་བྱེད་པས་མཛའ་བར་གྱུར་ཏོ། །ཇི་ཙམ་ན་མཐར་གྱིས་རྒྱ་མཚོའི་
D1.004.0118b02.01འགྲམ་དུ་ཕྱིན་ནས་གྲུ་སོ་སོ་སྟ་གོན་བྱས་ནས་འཇུག་པའི་ཚེ་དེ་རྣམས་ཀྱིས་དེད་དཔོན་ནོར་གྱི་ཤིང་རྟ་ལ་སྨྲས་པ། དེད་དཔོན་བདག་ཅག་ནི་ཁྱོད་དང་བྲལ་ན་དགའ་བར་མི་འགྱུར་ལགས་སོ། །དེས་སྨྲས་པ། གལ་ཏེ་དེ་ལྟ་ན་འདིར་ཞུགས་ཤིག་དང་གྲུ་དོར་རོ། །དེ་རྣམས་དེར་ཞུགས་པ་
D1.004.0118b03.01དང་རླུང་ལངས་ནས་སྐྲག་པར་གྱུར་ཏོ། །ནོར་གྱི་ཤིང་རྟས་སྨྲས་པ། ཤེས་ལྡན་དག་མ་འཇིགས་ཤིག །གང་གི་ཚེ་གྲུ་ཞིག་པར་གྱུར་པ་དེའི་ཚེ་བདག་གི་མགུལ་དུ་འཇུས་ཤིག་དང་། བདག་གིས་ཁྱེད་ཅག་གདོན་ཏོ། །བྱང་ཆུབ་སེམས་དཔའ་རྣམས་ནི་བཟོའི་གནས་དང་ལས་ཀྱི་
D1.004.0118b04.01གནས་དེ་དང་དེ་དག་ལ་མཁས་པ་ཡིན་པས་དེས་ནི་རིན་པོ་ཆེ་ཆེན་པོ་ལ་འོས་པ་དག་མཆན་ཁུང་དུ་བཏགས་ནས་གྲུ་ཞིག་པ་ན་དེ་རྣམས་དེད་དཔོན་དེའི་མགུལ་དུ་འཇུས་ནས། དེས་དེ་རྣམས་ལུས་དུ་བཅིང་སྲོག་གི་ལྷག་མ་ཅུང་ཟད་ཅིག་ལུས་ཏེ་རྒྱ་མཚོའི་འགྲམ་དུ་ཕྱིན་པར་བྱས་སོ། །དེ་རྣམས་
D1.004.0118b05.01སྐམ་ལ་ཕྱིན་ཏེ་དེ་བཏང་བ་དང་། དེ་དབུགས་གཏན་ཆད་ནས་ཤིའོ། །དེ་རྣམས་ཀྱིས་དེ་ཆུ་ནས་སྐམ་ལ་ཕྱུང་བ་དང་། ཇི་ཙམ་ན་མཆན་ཁུང་ན་རིན་པོ་ཆེ་ཆེན་པོ་ལ་འོས་པ་དག་མཐོང་ནས་དེ་རྣམས་ཀྱིས་དེ་ཁྱེར་ཏེ་དོང་ངོ་། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དེད་དཔོན་
D1.004.0118b06.01ནོར་གྱི་ཤིང་རྟ་གང་ཡིན་པ་དེ་ནི་ང་ཉིད་ཡིན་ནོ། །ཚོང་པ་དེ་རྣམས་ནི་དགེ་སློང་ལྔ་པོ་འདི་དག་ཉིད་ཡིན་ཏེ། དེ་ན་ཡང་ངས་འདི་དག་རྒྱ་མཚོ་ཆེན་པོ་ནས་བཏོན་ཏེ་རིན་པོ་ཆེ་རྣམས་ཀྱི་བགོ་བཤའ་བྱས་སོ། །ད་ལྟར་ངས་འདི་དག་འཁོར་བའི་འབྲོག་དགོན་པ་ནས་བཏོན་ནས་དབང་པོ་དང་།
D1.004.0118b07.01