完整藏文原文 · 德格版页 当前仅加载第 4 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
དབུ་སྐྲ་བྲེགས་ཤིང་ན་བཟའ་ངུར་སྨྲིག་མནབས་ཏེ་དཀའ་ཐུབ་ཀྱི་ནགས་སུ་ཕན་ཚུན་རྒྱུ་ཞིང་དྲང་སྲོང་ངན་སྤོང་གི་བུའི་བསྟི་གནས་སུ་གཤེགས་པ་དང་། དེའི་ཚེ་དྲང་སྲོང་ངན་སྤོང་གི་བུ་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག་པ་དེ་ལྟ་བུ་དེ་བྱང་ཆུབ་སེམས་དཔས་གཟིགས་
D1.004.0015b01.01ནས་གསུངས་པ་དྲང་སྲོང་ཆེན་པོ་ཅིའི་ཕྱིར་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག །དེས་གསོལ་པ། བདག་གི་བསྟི་གནས་འདི་ན་ཤིང་ཏ་ལ་རྣམས་གསེར་གྱི་ལོ་མ་དང་། མེ་ཏོག་དང་། འབྲས་བུ་ཆགས་པ་ལས་དེ་རྣམས་སྔ་མཁོ་བཞིན་དུ་མ་གྱུར་ཏོ། །བྱང་ཆུབ་
D1.004.0015b02.01སེམས་དཔས་གསུངས་པ། དྲང་སྲོང་ཆེན་པོ་གང་གི་མཐུས་བསྟི་གནས་འདི་ནི་ཤིང་ཏ་ལ་རྣམས་གསེར་གྱི་ལོ་མ་དང་། མེ་ཏོག་དང་། འབྲས་བུར་ལྡན་པ་དེ་རྒ་བ་དང་། ན་བ་དང་། འཆི་བ་ཡང་དག་པར་མཐོང་ནས་ཡིད་བྱུང་སྟེ་དཀའ་ཐུབ་ཀྱི་ནགས་སུ་གནས་པས་སོ། །གལ་
D1.004.0015b03.01ཏེ་དེས་རྒ་བ་དང་། ན་བ་དང་། འཆི་བ་ཡང་དག་པར་མཐོང་ནས་ཡིད་བྱུང་སྟེ་དཀའ་ཐུབ་ཀྱི་ནགས་སུ་གནས་པར་མ་གྱུར་ན། སྐྱེད་མོས་ཚལ་འདི་དེའི་ཡིན་པར་འགྱུར་བ་ཞིག །དེ་སྐད་ཅེས་གསུངས་པ་དང་། དྲང་སྲོང་ཆེན་པོ་ངན་སྤོང་གི་བུས་བྱང་ཆུབ་སེམས་དཔའ་ལ་བརྟག་
D1.004.0015b04.01པར་བརྩམས་སོ། །དེ་ནས་གཟུགས་བཟང་ཞིང་ཞི་བའི་ཆ་བྱད་དུ་མཐོང་ནས་ཡུན་རིང་དུ་བརྟགས་ཏེ་ངོ་མཚར་སྐྱེས་ནས་གསོལ་པ། ཀྱེ་རབ་ཏུ་བྱུང་བ་དེ་ཁྱོད་ཁོ་ན་མ་ལགས་གྲང་། བྱང་ཆུབ་སེམས་དཔས་གསུངས་པ། དྲང་སྲོང་ཆེན་པོ་དེ་ལྟར་ངེས་སོ། །ད་ནས་ངན་སྤོང་གི་བུ་
D1.004.0015b05.01ཡ་མཚན་སྐྱེས་པའི་མིག་བགྲད་དེ་བལྟས་ནས། བྱང་ཆུབ་སེམས་དཔའ་ཐོག་མར་གདན་ལ་སྤྱན་དྲངས་ཏེ་མེ་ཏོག་དང་། འབྲས་བུ་བསྟབས་སོ། །དེ་ལྟར་ཀུན་དུ་དགྱེས་པར་བྱས་པ་དང་བྱང་ཆུབ་སེམས་དཔས་སྐད་ཅིག་གཅིག་བཞེས་ནས་གསུངས་པ། དྲང་སྲོང་ཆེན་པོ་འདི་
D1.004.0015b06.01ནས་གྲོང་ཁྱེར་སེར་སྐྱའི་གཞིར་ཇི་སྲིད་ཡོད། དེས་གསོལ་པ། དཔག་ཚད་བཅུ་གཉིས་མཆིས་སོ། །བྱང་ཆུབ་སེམས་དཔས་དགོངས་པ། གྲོང་ཁྱེར་སེར་སྐྱའི་གཞི་ཉེའོ། །འདིར་གནས་པ་ནི་རུང་བ་མ་ཡིན་ཏེ། ཤཱཀྱ་རྣམས་ཀྱིས་གྲོང་གི་འཁྲུག་པ་བྱེད་པར་འགྱུར་གྱིས།
D1.004.0015b07.01