完整藏文原文 · 德格版页 当前仅加载第 4 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལས་ཡོངས་སུ་ཉམས་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གདོལ་པ་གང་ཡིན་པ་དེ་ནི་འོད་སྲུང་སྟོབས་བཅུ་ལྡན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་
D1.004.0172a01.01འདི་རིག་སྔགས་ལས་ཡོངས་སུ་ཉམས་པར་གྱུར་ཏོ། །ད་ལྟར་ཡང་འདི་རྫུ་འཕྲུལ་ལས་ཡོངས་སུ་ཉམས་པར་གྱུར་ཏོ། །དགེ་སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། ཅི་ནས་ཀྱང་བྱས་པ་གཟོ་བ་དང་བྱས་པ་ཚོར་བ་ཅན་དུ་བྱ་སྟེ། ཆུང་ངུ་བྱས་པ་ཡང་ཆུད་མི་གཟན་ན་
D1.004.0172a02.01མང་པོ་ལྟ་སྨོས་ཀྱང་ཅི་དགོས་ཏེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་ཇི་ཙམ་བཞེད་ཀྱི་བར་དུ་རྒྱལ་པོའི་ཁབ་ཏུ་བཞུགས་ནས། དགེ་སློང་རྣམས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས་ག་ཡཱ་གང་ན་བ་
D1.004.0172a03.01དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་ག་ཡཱར་བྱོན་ནས་ག་ཡཱ་ན་བཞུགས་སོ། །རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ལ་འབྲས་སཱ་ལུ་སོག་མའི་སྦུབས་སུ་སྨིན་པ་ཤིང་རྟ་ལྔ་བརྒྱ་ཙམ་དབུལ་བ་བཏང་བ་དང་། ལྷ་སྦྱིན་གྱིས་མ་སྐྱེས་དགྲ་ལ་སྨྲས་
D1.004.0172a04.01པ། རྒྱལ་པོ་བགྲེས་པོ་དགེ་སྦྱོང་གཽ་ཏ་མ་ལ་ཅི་འདྲ་བར་བྱ་བ་བྱེད་པ་གཟིགས་ལ། བདག་ཅག་ལྗོངས་རྒྱུ་ཞིང་མཆི་བ་ན་བདག་ཅག་ལ་ཡང་བསོད་སྙོམས་ཀྱིས་མི་བྲེལ་བར་གྱིས་ཤིག །ལྷ་སྦྱིན་ཡང་འཁོར་ལྔ་བརྒྱས་བསྐོར་ཏེ་ལྗོངས་རྒྱུ་ཞིང་འདོང་བ་དང་། ལྷ་སྦྱིན་ལ་རྒྱལ་པོ་མ་
D1.004.0172a05.01སྐྱེས་དགྲས་འབྲས་སཱ་ལུ་སོག་མའི་སྦུབས་སུ་སྨིན་པ་ཤིང་རྟ་ལྔ་བརྒྱ་ལམ་དུ་བསྐུར་བ་དགེ་སློང་རྣམས་ཀྱིས་མཐོང་ནས་བསམས་པ། ཤིང་རྟ་ལྔ་བརྒྱ་ཙམ་པོ་འདི་སུ་ཞིག་ལས་འོངས་སྙམ་སྟེ། དེ་རྣམས་ངོ་མཚར་སྐྱེས་ནས་ལམ་ནས་འགྲོ་བའི་མི་དག་ལ་དྲིས་པ་དང་དེ་རྣམས་ཀྱིས་རྒྱས་པར་
D1.004.0172a06.01སྨྲས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ་བཙུན་པ་རྒྱལ་པོ་མ་སྐྱེས་དགྲ་སྣོད་མ་ལགས་པས་སྣོད་མ་ལགས་པར་ཆར་ཕབ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་མ་སྐྱེས་
D1.004.0172a07.01