完整藏文原文 · 德格版页 当前仅加载第 4 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་པའི་ཉིན་པར་བྱའོ། །དེ་ནས་ཁྱིམ་བདག་མགོན་མེད་ཟས་སྦྱིན་དགའ་བ་དང་མགུ་བ་སྐྱེས་ནས་མུ་སྟེགས་ཅན་རྣམས་གང་ན་བ་དེར་སོང་སྟེ་ཕྱིན་ནས་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་འཕགས་པ་ཤཱ་རིའི་བུ་ན་རེ་དེ་བཞིན་དུ་བྱ་སྟེ། འོན་ཀྱང་ཞག་བདུན་
D1.004.0084b01.01པའི་ཉིན་པར་བྱའོ་ཞེས་ཟེར་རོ། །དེ་རྣམས་ཀྱིས་བསམས་པ་འདི་ལ་རྒྱུ་གཉིས་ཡོད་པར་འགྱུར་ཏེ། ཡང་ན་ནི་དེ་འབྲོས་འདོད་དོ། །ཡང་ན་ནི་དེ་ཕྱོགས་ཚོལ་ལོ། །དེ་མ་ཡིན་ན་དུས་དེར་གདབ་ཅི་དགོས། བདག་ཅག་ཀྱང་ཕྱོགས་བཙལ་ལོ་ཞེས་དེ་རྣམས་ཕྱོགས་བཙལ་བར་
D1.004.0084b02.01བརྩམས་ཏེ་དེ་རྣམས་ཀྱིས་ཕྱོགས་བཙལ་བ་དང་། ཀུན་དུ་རྒྱུ་མིག་དམར་མཐོང་ནས་དེ་ལ་དེ་རྣམས་ཀྱིས་སྨྲས་པ། ཁྱོད་དང་བདག་ཅག་ནི་ཚངས་པ་མཚུངས་པར་སྤྱོད་པ་ཡིན་གྱིས། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་བདག་ཅག་གིས་བརྩད་པའི་ཕྱིར་བཀུག་ན་དེ་ཕྱོགས་ཚོལ་
D1.004.0084b03.01གྱིས། ཁྱོད་ཀྱང་བདག་ཅག་གི་གྲོགས་གྱིས་ཤིག །དུས་ཇི་ཙམ་ཞིག་ན། འདི་ནས་ཞག་བདུན་གྱི་ཉིན་པར་རོ། །རུང་གིས་དེ་བཞིན་དུ་བྱ་སྟེ། གང་གི་ཚེ་ཁྱེད་ཅག་འདུས་པར་གྱུར་པ་དེའི་ཚེ་ཁོ་བོ་ལ་སྦྲོན་ཅིག །མུ་སྟེགས་ཅན་རྣམས་བག་ཚ་བ་དང་སེམས་ཁྲལ་སྐྱེས་ནས་
D1.004.0084b04.01ཉིན་རེ་ཞིང་ཕྱོགས་ཚོལ་བ་དང་། ཉི་མ་བགྲང་བར་བྱེད་དོ། །ཇི་ཙམ་ན་ཞག་བདུན་ལོན་པ་དང་། ཁྱིམ་བདག་མགོན་མེད་ཟས་སྦྱིན་གྱིས་བླ་གབ་མེད་པའི་ས་ཕྱོགས་ཡངས་པར་སྟན་ཤོམ་དུ་བཅུག་གོ། །ཚེ་དང་ལྡན་པ་ཤཱ་རིའི་བུའི་ཆེད་དུ་ཡང་སེང་གེའི་ཁྲི་བཤམས་སོ། །
D1.004.0084b05.01ཡུལ་སྣ་ཚོགས་ན་གནས་པའི་མུ་སྟེགས་ཅན་རྣམས་དང་། མཉན་ཡོད་ན་གནས་པའི་སྐྱེ་བོའི་ཚོགས་དང་། དེའི་ཉེ་འཁོར་ན་གནས་པའི་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་ཁ་ཅིག་ནི་ངོ་མཚར་སྐྱེས། ཁ་ཅིག་ནི་སྔོན་གྱི་དགེ་བའི་རྩ་བས་བསྐུལ་ནས་འདུས་སོ། །དེ་ནས་ཚེ་
D1.004.0084b06.01དང་ལྡན་པ་ཤཱ་རིའི་བུ་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པས་མདུན་དུ་བདར་ཏེ་རྩོད་པའི་དཀྱིལ་འཁོར་དུ་ཞུགས་ནས་གདུལ་བའི་སྐྱེ་བོ་རྣམས་ལ་བལྟས་ཏེ་འཛུམ་པ་སྔོན་དུ་བཏང་ནས་སྤྱོད་ལམ་ཞི་བས་སེང་གེའི་ཁྲི་ལ་འཛེགས་ནས་འདུག་གོ། །འཁོར་ཐམས་ཅད་སེམས་
D1.004.0084b07.01