完整藏文原文 · 德格版页 当前仅加载第 4 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ནའོ། །དེ་མཆོག་ཏུ་ཡ་མཚན་སྐྱེས་ནས་དེས་སྨྲས་པ། ཁྱེད་པི་བང་ལེན་པ་ལ་བྱང་བ་ཡིན་ནོ། །ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། གཞོན་ནུ་དོན་ཅི་ཞིག་ལ་འོངས། མ་འགགས་པས་སྨྲས་པ། ལྷ་རྒྱལ་པོ་ཟས་གཙང་གིས་དྲིལ་སྒྲོགས་སུ་བཅུག་པ་ཤཱཀྱ་རྣམས་
D1.004.0103b01.01ལ་ཁྱིམ་རེ་ནས་རེ་རེ་རབ་ཏུ་བྱུང་ཤིག་པར་བསྒོ་བས་དེ་ཁྱོད་ཀྱིས་མཁྱེན་པར་མཛོད་ཅིག་རབ་ཏུ་འབྱུང་ངོ་། །རྒྱལ་པོས་སྨྲས་པ། གལ་ཏེ་དེ་ལྟ་ན་ཁོ་བོ་ཡང་རབ་ཏུ་འབྱུང་སྟེ། གྲོས་བྱ་བ་ཡོད་ཀྱིས་ཁྱོད་དེ་རིང་འདི་ཉིད་དུ་གནས་ཐོབ་ཤིག །དེ་དེ་ཉིད་དུ་གནས་བཏབ་བོ། །མ་ལ་
D1.004.0103b02.01འཆའ་བས་རིམས་བག་གི་དྲི་ཅན་གྱི་གོས་ཀྱིས་བཏིང་ཞིང་མེ་ཏོག་གི་སིལ་མས་བཀྲམ་པའི་མལ་དུ་མ་འགགས་པ་ཉལ་བ་དང་། དེའི་འོག་ན་མེ་ཏོག་གི་རྩ་བ་ཡོད་པའི་རེག་པ་དེའི་ཉམས་སུ་ཚོར་ནས་སྨྲས་པ། ཅི་འདིའི་འོག་ན་རྡོ་ཕྲེའུ་ཡོད་དམ། དེ་རྣམས་ཀྱིས་བརྟག་པར་
D1.004.0103b03.01བརྩམས་པ་ན་མེ་ཏོག་གི་རྩ་བ་ཞིག་མཐོང་ནས་དེ་རྣམས་མཆོག་ཏུ་ངོ་མཚར་སྐྱེས་སོ། །མ་འགགས་པ་མཚན་མོ་མི་བདེ་བཞིན་ཉལ་ནས་ནམ་ནངས་སོ། །རྒྱལ་པོས་སྨྲས་པ། མ་འགགས་པ་ཅི་ག་བདེ་བར་གཉིད་ལོག་གམ། དེས་སྨྲས་པ། ལྷ་བདེ་བར་གཉིད་མ་ལོག་གོ །
D1.004.0103b04.01རྒྱལ་པོས་སྨྲས་པ། ཅིའི་ཕྱིར། མ་འགགས་པས་སྨྲས་པ། ལྷ་རིམས་བག་གི་དྲི་ཅན་གྱི་གོས་བཏིང་བར་མེ་ཏོག་གི་སིལ་མ་བཀྲམ་པའི་མེ་ཏོག་གི་རྩ་བས་ལུས་གནད་ལགས་སོ། །རྒྱལ་པོས་མལ་འཆའ་བ་བཀུག་ནས་ཁྱོད་ཀྱིས་རིམས་བག་གི་དྲི་ཅན་གྱི་གོས་བཏིང་སྟེ་
D1.004.0103b05.01ཅི་བྱ། མལ་འཆའ་བས་སྨྲས་པ། ལྷ་བདག་ལ་དཀོར་བས་གཏད་པ་ལགས་སོ། །རྒྱལ་པོས་དཀོར་བ་བཀུག་ནས་སྨྲས་པ། ཁྱོད་ཀྱིས་རིམས་བག་གི་དྲི་ཅན་གྱི་གོས་ཕོག་སྟེ་ཅི་བྱ། དེས་སྨྲས་པ། ལྷ་བདག་ལ་ཐག་པས་གཏད་པ་ལགས་སོ། །རྒྱལ་པོས་ཐག་པ་
D1.004.0103b06.01བཀུག་ནས་སྨྲས་པ། ཁྱོད་ཀྱིས་ཅིའི་ཕྱིར་རིམས་བག་གི་དྲི་ཅན་གྱི་གོས་དབུལ། ཐ་ག་པས་སྨྲས་པ། ལྷ་སྣམ་བུ་འཐག་པའི་འཕྲོ་ཅུང་ཞིག་ལུས་པ་ན་བདག་རིམས་ཀྱིས་ཐེབས་བཞིན་བགྱིས་པ་ལགས་སོ། །རྒྱལ་པོས་སྨྲས་པ། གཞོན་ནུ་ཁྱོད་ཀྱིས་ཇི་ལྟར་
D1.004.0103b07.01