完整藏文原文 · 德格版页 当前仅加载第 4 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
བཙལ་བ་ལས། དེའི་དྲུང་དུ་ཕྱིན་ནས་དེས་བསམས་པ། ད་ནི་དབྱུང་མི་ནུས་ཀྱིས་སང་ནང་པར་དབྱུང་བར་བྱའོ་སྙམ་མོ། །གླང་གིས་སྨྲས་པ། བདག་གི་མདུན་དུ་ཞགས་པ་ཞིག་ཞོག་ལ་བཞུད་ཅིག་དང་། གལ་ཏེ་ཝ་འོངས་
D1.004.0294a01.01པར་གྱུར་དང་། བདག་གི་རྭས་ཞགས་པ་བླངས་ཏེ་དེ་ལ་གདབ་པར་བགྱིའོ། །དེས་དེའི་མདུན་དུ་ཞགས་པ་ཞིག་བཞག་ནས་སོང་བ་དང་མཚན་མོ་ཇི་ཙམ་ན་ཝ་ཞིག་འོངས་ནས་དེས་སྨྲས་པ། པད་མའི་རྩ་བ་དང་། པད་མ་དཀར་པོ་དག་འབྱིན་པ་
D1.004.0294a02.01འདི་སུ་ཞིག །གླང་གིས་སྨྲས་པ། ཁོ་བོ་ཡིན་ནོ། །འདམ་གྱི་ནང་དུ་བྱིང་ནས་འདུག་གོ། །ཝས་བསམས་པ། བདག་ཟས་དང་ཕྲད་དོ་སྙམ་ནས་དེས་དེ་ལ་གཙེ་བར་བརྩམས་པ་དང་། གླང་གིས་སྨྲས་པ། ཁྱོད་ཕྱོགས་འདི་ནས་སོང་
D1.004.0294a03.01ཤིག །ཚུལ་མ་ཡིན་པས་སྡུག་བསྔལ་བར་གྱུར་ཏ་རེ། འོན་ཀྱང་དེ་ལྡོག་ཏུ་མ་བཏུབ་ནས་དེ་ཁོ་ན་བཞིན་དུ་འཚེ་བ་དང་། གླང་གིས་ཚིགས་སུ་བཅད་དེ་སྨྲས་པ། ཁོ་བོ་པད་མའི་རྩ་མི་འབྱིན། །ཁོ་བོ་པད་མ་དཀར་པོའང་མིན། །གལ་ཏེ་ཁྱོད་ནི་
D1.004.0294a04.01ཟ་འདོད་ན། །རྒྱབ་ཏུ་སོང་ལ་བཟའ་བར་གྱིས། །ཝས་བཟའ་སྙམ་ནས་རྒྱབ་ཏུ་ཞོན་པ་དང་། ཁྱུ་མཆོག་གི་རྭས་ཞགས་པ་བཏབ་པས་ཝའི་སྐེ་ནས་ཐོགས་ནས་ནམ་མཁའ་ལ་འཕྱང་བ་དང་། གླང་གིས་ཚིགས་སུ་བཅད་དེ་སྨྲས་པ། ཁྱོད་ཅི་གར་མཁན་
D1.004.0294a05.01ཛབ་ཀེ་བའམ། །འོན་ཏེ་གར་སློབ་ཁྱེའུ་ཞིག་ཡིན། །དགོན་པར་བྱ་དགའ་སྟེར་བ་མེད། །བཟོ་ནི་གྲོང་ཁྱེར་བསྟན་པར་གྱིས། །ཝས་ཀྱང་ཚིགས་སུ་བཅད་དེ་སྨྲས་པ། བདག་ནི་གར་མཁན་ཛབ་ཀེ་བའམ། །གར་སློབ་ཁྱེའུ་ནི་མ་ཡིན་ཏེ། །
D1.004.0294a06.01བརྒྱ་བྱིན་གྱིས་ནི་སྐས་བཙུགས་པས། །བདག་ནི་ཚངས་པའི་འཇིག་རྟེན་འགྲོ། །གླང་གིས་ཡང་ཚིགས་སུ་བཅད་དེ་སྨྲས་པ། བརྒྱ་བྱིན་གྱིས་ནི་སྐས་མ་བཙུགས། །ཚངས་པའི་འཇིག་རྟེན་སྨོས་ཅི་དགོས། །ཐབས་ཀྱི་ཞགས་པས་ཁྱོད་ཐོགས་
D1.004.0294a07.01