完整藏文原文 · 德格版页 当前仅加载第 4 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འདུག་གོ། །ཚངས་པ་ཡང་འོངས་ནས་དེ་དང་ཉེ་བ་ཞིག་ཏུ་འདུག་གོ། །དེ་གཉིས་ཀྱིས་བརྒྱ་བྱིན་ལ་སྦྱིན་པ་སྦྱིན་པར་བརྩམས་པ་དང་། དེས་སྨྲས་པ། ཅི་བདག་ལ་སྦྱིན་ནམ། འོན་ཏེ་བདག་པས་ཆེས་ཁྱད་པར་དུ་འཕགས་པ་གང་ཡིན་པ་དེ་ལ་སྦྱིན་དེ་གཉིས་ཀྱིས་སྨྲས་པ།
D1.004.0027a01.01ཁྱོད་པས་ཆེས་ཁྱད་པར་འཕགས་པ་གང་ཡིན་པ་དེ་ལ་ཕུལ་ལོ། །དེས་སྨྲས་པ། ཚངས་པ་འདི་ནི་བདག་བས་ཆེས་ཁྱད་པར་དུ་འཕགས་པ་ཡིན་གྱིས་དེ་ལ་ཕུལ་ཅིག །དེ་གཉིས་ཀྱིས་དེ་ལ་སྦྱིན་པར་བརྩམས་པ་དང་། དེས་སྨྲས་པ། ཅི་བདག་ལ་སྦྱིན་ནམ། འོན་ཏེ་བདག་བས་
D1.004.0027a02.01ཆེས་ཁྱད་པར་དུ་འཕགས་པ་གང་ཡིན་པ་དེ་ལ། དེ་གཉིས་ཀྱིས་སྨྲས་པ། ཁྱོད་པས་ཆེས་ཁྱད་པར་དུ་འཕགས་པ་གང་ཡིན་པ་དེ་ལ་དབུལ་ལོ། །དེས་སྨྲས་པ། གནས་གཙང་མའི་རིས་ཀྱི་ལྷ་འདི་དག་ནི་བདག་བས་ཆེས་ཁྱད་པར་དུ་འཕགས་པ་ཡིན་གྱིས་དེ་དག་ལ་ཕུལ་ཅིག །
D1.004.0027a03.01དེ་གཉིས་ཀྱིས་དེ་དག་ལ་སྦྱིན་པར་བརྩམས་པ་དང་། དེ་དག་གིས་ཀྱང་སྨྲས་པ། ཅི་བདག་ཅག་ལ་སྦྱིན་ནམ། འོན་ཏེ་བདག་ཅག་བས་ཆེས་ཁྱད་པར་དུ་འཕགས་པ་གང་ཡིན་པ་དེ་ལ། དེ་གཉིས་ཀྱིས་སྨྲས་པ། ཁྱེད་བས་ཆེས་ཁྱད་པར་དུ་འཕགས་པ་གང་ཡིན་པ་དེ་ལའོ། །དེ་
D1.004.0027a04.01དག་གིས་སྨྲས་པ། བྱང་ཆུབ་སེམས་དཔའ་བཅོམ་ལྡན་འདས་འདི་ཆུ་ཀླུང་ནཻ་རཉྫ་ནར་ཞུགས་ནས་སྐུ་ཁྲུས་མཛད་དེ་ཉམ་ཆུང་བ་ཉིད་ཀྱིས་བཞེངས་མི་སྤྱོད་པ་ཞིག་ཡོད་དེ། དེ་བདག་ཅག་པས་ཆེས་ཁྱད་པར་དུ་འཕགས་པ་ཡིན་གྱིས་དེ་ལ་ཕུལ་ཅིག །དེ་གཉིས་དེའི་དྲུང་དུ་ཆས་པ་དང་། དེའི་
D1.004.0027a05.01ཚེ་ལྷ་རྣམས་ཀྱིས་ཤིང་ཨརྫུ་ནའི་ཡལ་ག་བཏུད་ནས་བཏུད་པ་ལ་བྱང་ཆུབ་སེམས་དཔའ་འཇུས་ཏེ་ཆུ་ཀླུང་ནཻ་རཉྫ་ན་ནས་བྱུང་ནས་ཆོས་གོས་བགོས་ཏེ་ཆུ་ཀླུང་ནཻ་རཉྫ་ནའི་འགྲམ་ན་བཞུགས་སོ། །དེ་ནས་དེ་གཉིས་ཀྱིས་གུས་པ་དང་བསམ་པ་དྲག་པོས་དེ་ལའོ་ཐུག་སྦྲང་རྩི་ལྟར་མངར་བ་དེ་
D1.004.0027a06.01ཕུལ་ལོ། །བྱང་ཆུབ་སེམས་དཔས་ཀྱང་དེ་གཉིས་རྗེས་སུ་གཟུང་བའི་ཕྱིར་བཞེས་སོ། །བཞེས་ནས་གསུངས་པ། ཅི་ཡོལ་གོ་འདི་ཡང་ཡོངས་སུ་བཏང་ངམ། དེ་གཉིས་ཀྱིས་གསོལ་པ། བཅོམ་ལྡན་འདས་འདི་ཡང་ཡོངས་སུ་བཏང་ལགས་སོ། །དེ་ནས་བྱང་ཆུབ་སེམས་
D1.004.0027a07.01