完整藏文原文 · 德格版页 当前仅加载第 4 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྐྱེ་བོ་དང་། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེ་དུས་གཞན་ཞིག་ན་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་
D1.004.0112a01.01མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་གཟུགས་བཟང་ཞིང་མཛེས་པ། བལྟ་ན་སྡུག་པ། ཡན་ལག་གི་མཆོག་ཐམས་ཅད་དང་ལྡན་པ་ཞིག་བཙས་སོ། །བཙས་ནས་དེའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་
D1.004.0112a02.01མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷ་ཡུལ་དབུས་ཀྱི་ཡུལ་ཆོས་ཀྱིས་ནི་གཟུགས་བཟང་ཞིང་མཛེས་པ་བལྟ་ན་སྡུག་པ་ལགས་ན་དེ་མཛེས་དགའ་ཞེས་འདོགས་ལགས་ལ། ཁྱེའུ་འདི་ཡང་གཟུགས་བཟང་ཞིང་མཛེས་པ་བལྟ་ན་སྡུག་ཅིང་ཡུལ་ཀ་ཤིའི་རྒྱལ་པོའི་
D1.004.0112a03.01སྲས་ཀྱང་ལགས་པས་ཁྱེའུའི་མིང་ཀ་ཤི་མཛེས་དགའ་ཞེས་བགྱི་བར་གདགས་སོ་ཞེས་དེའི་མིང་ཀ་ཤི་མཛེས་དགའ་ཞེས་བྱ་བར་བཏགས་སོ། །ཁྱེའུ་ཀ་ཤི་མཛེས་དགའ་མ་མ་བརྒྱད་པོ་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་
D1.004.0112a04.01མ་གཉིས་དང་། རྩེན་གྲོགས་ཀྱི་མ་མ་གཉིས་ཏེ་མ་མ་བརྒྱད་ལ་རྗེས་སུ་གཏད་ནས་དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་པོ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་
D1.004.0112a05.01ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །ཡང་རྒྱལ་པོ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་ཏེ། གང་གི་ཉི་མ་ལ་བཙས་པ་དེ་
D1.004.0112a06.01ཉིད་ཀྱི་ཉི་མ་ལ་བཱ་རཱ་ཎ་སཱིར་ཡུལ་མི་དང་གྲོང་མི་འཐབ་མོ་ཆེན་པོ་བྱུང་ངོ་། །དེ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །བཙུན་མོའི་ཚོགས་ཀྱིས་སྨྲས་པ། ལྷ་འདི་བཙས་པ་ན་བཱ་རཱ་ཎ་སཱིར་གྲོང་མི་དང་ཡུལ་མི་རྣམས་
D1.004.0112a07.01