完整藏文原文 · 德格版页 当前仅加载第 4 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་འཚལ་བ་དང་། ལྡང་བ་དང་། ཐལ་མོ་སྦྱར་བ་དང་། འདུད་པའི་ལས་གང་ལགས་པ་བགྱིད་ལགས་པས་དེ་ཉིད་ལ་བདག་གིས་དེ་དག་བགྱི་ཞིང་། ཇི་སྲིད་འཚོའི་བར་དུ་དེ་ལ་འདི་ལྟ་སྟེ་ཆོས་གོས་དང་། བསོད་སྙོམས་དང་། གནས་མལ་དང་། ནད་ཀྱི་རྐྱེན་སྨན་གྱི་ཡོ་བྱད་
D1.004.0267b01.01རྣམས་ཀྱིས་བསྟབ་པར་བགྱིའོ། །རྒྱལ་པོ་ཆེན་པོ་དེ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟར་ན་བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་
D1.004.0267b02.01འབྲས་བུ་བསྟན་ལགས་སོ། །རྒྱལ་པོ་ཆེན་པོ་དཔེར་ན་ཁྱོད་ཀྱི་ཡུལ་འདི་ན་ཁྱིམ་བདག་ཞིང་པ་སྐྲུན་པ་སྐྱེད་པ་རྒྱལ་པོའི་བང་མཛོད་འཕེལ་བར་བྱེད་པ་ཞིག་ཡོད་པ་དེས་ཁྱོད་སྟེང་གི་ཁང་{བཟངས་ཀྱི་,བཟང་གི་}གཞི་ལ་འདུག་ནས་སྐྱེས་པ་མེད་པར་རོལ་མོས་རྩེ་བར་བྱེད། དགའ་བར་བྱེད། དགའ་མགུར་
D1.004.0267b03.01སྤྱོད་པར་བྱེད་པ་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་འདི་ཡང་མི་ཡིན་ལ། བདག་ཀྱང་མི་ཡིན་པ་ལས་གཞན་དུ་ན་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་སྔོན་བསོད་ནམས་དག་བྱས་ཤིང་བསགས་པ་དེས་ནད་
D1.004.0267b04.01ལྟར་སྟེང་གི་ཁང་{བཟངས་ཀྱི་,བཟང་གི་}གཞིར་སོང་ནས་སྐྱེས་པ་མེད་པའི་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱིས། མ་ལ་བདག་གིས་ཀྱང་དགེ་བ་ཅུང་ཟད་ཡང་དག་པར་བླངས་ཏེ་གནས་པར་བྱའོ་སྙམ་ཞིང་བདག་གིས་དགེ་བའི་ཆོས་ཅི་ཞིག་ཡང་དག་པར་བླངས་ཏེ་
D1.004.0267b05.01གནས་པར་བྱ་སྙམ་པ་ལས། མ་ལ་བདག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་ནས། དེས་དེ་ལྟར་ཐག་བཅད་དེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་
D1.004.0267b06.01ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ་སྲོག་གཅོད་པ་ལས་སླར་ལོག །མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། ཕྲ་མ་དང་། ཚིག་རྩུབ་པོ་དང་། ཚིག་ཀྱལ་པ་དང་། བརྣབ་སེམས་དང་། གནོད་སེམས་
D1.004.0267b07.01