完整藏文原文 · 德格版页 当前仅加载第 4 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་གང་ཡིན་པ་དེ་ལ་བྲམ་ཟེའི་ཁྱེའུ་ཁྱོད་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་
D1.004.0157a01.01ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས་ཇི་ལྟར་བདག་གི་མཁན་པོ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་ཐོས་པ་མང་བ། ཐོས་པ་འཛིན་པ། ཐོས་པ་བསགས་པ་རྣམས་ཀྱི་མཆོག་ཏུ་ལུང་བསྟན་པ་དེ་བཞིན་དུ་བདག་ཀྱང་ཤཱཀྱའི་
D1.004.0157a02.01རྒྱལ་པོའི་ཡང་རྒྱལ་པོ་བཅོམ་ལྡན་འདས་ཤཱཀྱ་ཐུབ་པ་དེས་ཐོས་པ་མང་བ། ཐོས་པ་འཛིན་པ། ཐོས་པ་བསགས་པ་རྣམས་ཀྱི་མཆོག་ཏུ་ལུང་བསྟན་པར་གྱུར་ཅིག་ཅེས་བཏབ་བོ། །སྨོན་ལམ་དེའི་དབང་གིས་ད་ལྟར་ངས་ཐོས་པ་མང་བ། ཐོས་པ་འཛིན་པ། ཐོས་པ་བསགས་པ་
D1.004.0157a03.01རྣམས་ཀྱི་མཆོག་ཏུ་ལུང་བསྟན་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་དུའོ།། །།སྡོམ་ལ། རྫུ་འཕྲུལ་སྟོན་པ་གསུམ་སྨྲ་དང་། །གཏུམ་བྱེད་རིག་པ་ག་ཡཱ་
D1.004.0157a04.01དང་། གང་གི་ཕྱིར་ནི་གནོད་པ་དང་། །སེམས་ཅན་རྣ་བ་ཁྱི་ཡིན་ནོ། །བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་མུ་གེའི་དགོན་པ་ཉམ་ང་བ་སློང་མོ་བས་ཟས་རྙེད་པར་དཀའ་བ་བྱུང་ངོ་། །དེ་ན་དགེ་སློང་རྫུ་འཕྲུལ་ཐོབ་པ་གང་
D1.004.0157a05.01ཡིན་པ་དེ་རྣམས་ནི་འཛམ་བུ་ཞེས་བྱ་བའི་མིང་གིས་འཛམ་བུའི་གླིང་ཞེས་བྱ་བར་བཏགས་པ་གང་ཡིན་པ་དེ་ལས་ཤིང་འཛམ་བུའི་སྙེ་མ་ཁ་དོག་དང་དྲི་དང་རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་པར་བྱེད་ཅིང་། ལྷག་མ་ཡང་དགེ་སློང་ཡོད་པ་
D1.004.0157a06.01རྣམས་ལ་འགོད་པར་བྱེད་དོ། །གཞན་ཡང་འདིའི་ཉེ་འཁོར་ན་བིལ་པའི་ཚལ་ལམ། ཀ་པིད་ཐའི་ཚལ་ལམ། སྐྱུར་རྩིའི་ཚལ་གང་ཡིན་པ་དེ་ལས་སྐྱུར་རྩིའི་འབྲས་བུ་ཁ་དོག་དང་དྲི་དང་རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་པར་བྱེད་
D1.004.0157a07.01