完整藏文原文 · 德格版页 当前仅加载第 4 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་སྨྲས་པ། ཀྱེ་ནང་རྗེ་ཁྱོད་ཀྱིས་ཉེས་ཏེ། གལ་ཏེ་ཁྱོད་ཀྱིས་ལན་བརྒྱར་སྨྲས་པར་གྱུར་ན་ཡང་། ངས་ཀྱང་ཁྱོད་ཀྱི་ཁ་གསེར་གྱིས་ལན་བརྒྱ་བཀང་བར་འགྱུར་བ་ཞིག །དེ་ནས་ཁྱིམ་བདག་གྲུ་འཛིན་གྱིས་མི་དེའི་ཁ་གསེར་གྱིས་ལན་གསུམ་བཀང་ནས་དཀོར་པ་ལ་ཁྱེའུ་དཀན་
D1.004.0201b01.01དབབ་པའི་རིན་གསེར་བྱེ་བ་ཉི་ཤུ་བྱིན་ཅིག་ཅེས་སྤྲིང་ངོ་། །ཁྱིམ་བདག་གྲུ་འཛིན་དགའ་བ་དང་ཡིད་བདེ་བས་རྒྱལ་པོའི་དྲུང་དུ་སོང་ནས་ལྷ་བདག་གི་ཁྱེའུ་ཞིག་བཙས་སོ། །རྒྱལ་པོས་སྨྲས་པ་ལེགས་སོ། །ངས་དེ་ལ་ཙམ་པ་གཞི་དང་བཅས་པ་དང་། གླང་པོ་ཆེ་བདུན་གྱི་ཚོགས་
D1.004.0201b02.01སྦྱིན་ནོ། །ཁྱིམ་བདག་གྲུ་འཛིན་གྱིས་རྒྱལ་པོ་གཟུགས་ཅན་སྙིང་པོ་ལ་བལྟས་ཏེ་ཙམ་པར་འོངས་ནས་དེ་ནས་ཁྱིམ་བདག་གི་གཉེན་རྣམས་ཀྱིས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །གཞན་དག་
D1.004.0201b03.01གིས་སྨྲས་པ། ཁྱེའུ་འདི་རྒྱུ་སྐར་གྲོ་བཞིན་ལ་བཙས་ལ་འདི་བཙས་པ་ན་ཕས་ཀྱང་དཀན་དབབ་པའི་རིན་དུ་གསེར་བྱེ་བ་ཉི་ཤུ་བྱིན་པས། དེ་བས་ན་ཁྱེའུའི་མིང་གྲོ་བཞིན་སྐྱེས་བྱེ་བ་ཉི་ཤུ་པ་ཞེས་བྱ་བར་གདགས་སོ་ཞེས་དེའི་མིང་གྲོ་བཞིན་སྐྱེས་བྱེ་བ་ཉི་ཤུ་པ་ཞེས་བྱ་བར་བཏགས་ཏེ། ཁྱེའུ་གྲོ་བཞིན་སྐྱེས་
D1.004.0201b04.01བྱེ་བ་ཉི་ཤུ་པ་མ་མ་བརྒྱད་ལ་རྗེས་སུ་གཏད་དེ། པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ཏེ། དེ་མ་མ་བརྒྱད་པོ་དག་གིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་
D1.004.0201b05.01དང་གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྐྱེད་པར་བྱེད། སྲིང་བར་བྱེད་ཅིང་རྫིང་ན་གནས་པའི་པད་མ་བཞིན་མྱུར་དུ་སྐྱེད་པར་བྱེད་དེ། དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། གྲངས་དང་། རྩིས་དང་། ལག་རྩིས་དང་། དབྱུང་བ་དང་། གཞུག་པ་དང་། གཞག་
D1.004.0201b06.01པ་ལ་ཉེ་བར་ཞུགས་ཤིང་། བརྟག་པ་བརྒྱད་པོ་གཞི་བརྟག་པ་དང་། གོས་བརྟག་པ་དང་། རིན་པོ་ཆེ་བརྟག་པ་དང་། ཤིང་བརྟག་པ་དང་། གླང་པོ་ཆེ་བརྟག་པ་དང་། རྟ་བརྟག་པ་དང་། གཞོན་ནུ་བརྟག་པ་དང་། གཞོན་ནུ་མ་བརྟག་པ་དང་། འབྱེད་པ་དང་། ཀློག་པ་ལ་མཁས་
D1.004.0201b07.01