完整藏文原文 · 德格版页 当前仅加载第 4 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་ལྷ་སྦྱིན་བྱས་པ་མི་གཟོ་བ་དང་། བྱས་པ་མི་ཚོར་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདས་པའི་དུས་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་
D1.004.0176a01.01བ་དེ་ཉོན་ཅིག། །།སྡོམ་ལ། ཀཽ་ཤི་དབང་ཕྱུག་ཆེན་པོའི་སྡེ། །ཨ་མྲ་དང་ནི་ཤིང་སྟ་མོ། །དོམ་གཉིས་ཤི་བའི་རྒྱལ་པོ་དང་། །ཉམས་པར་བྱས་དང་ཛུ་ཛུ་ཀ། །དགེ་སློང་དག་སྔོན་བྱུང་བ་གྲོང་རྡལ་མེད་པའི་དགོན་པའི་གནས་སྐྱེད་མོས་ཚལ་མེ་ཏོག་དང་འབྲས་
D1.004.0176a02.01བུ་རྣམ་པ་སྣ་ཚོགས་དང་། ཆུ་ཕུན་སུམ་ཚོགས་པ་ཞིག་ཡོད་དེ། དེ་ན་ཀཽ་ཤི་ཀ་དང་རུས་གཅིག་པའི་དྲང་སྲོང་འབྲས་བུ་ལྷུང་བ་ལ་ལོངས་སྤྱོད་པ། ཟས་སུ་རྩ་བ་དང་། ཆུ་དང་། འབྲས་བུ་ཟ་བ། པགས་པ་དང་ཤིང་ཤུན་གྱོན་པ་ཞིག་གནས་ཏེ། དེའི་བསྟི་གནས་
D1.004.0176a03.01ཀྱི་ཉེ་འཁོར་དུ་{རི་དགས་,རི་དྭགས་}དང་བྱ་རྣམས་འདྲིས་པས་ཅི་བདེར་འཁོད་དོ། །དེ་དང་ཧ་ཅང་ཡང་མི་རིང་བར་བལ་གླང་མོ་ཞིག་ཕྲུ་གུ་བྱུང་སྟེ། དེ་བུ་བྱུང་མ་ཐག་ཏུ་སེང་གེའི་སྒྲ་སྒྲོགས་ནས་དེ་འཇིགས་སྔངས་ནས་ཕྲུ་གུ་བོར་ཏེ་གཅིན་རྟུག་ཤོར་ནས་བྲོས་སོ། །རེ་ཞིག་ཅིག་ན་དྲང་སྲོང་
D1.004.0176a04.01དེ་བསྟི་གནས་ནས་བྱུང་ནས་བསྟི་གནས་ཀྱི་ཉེ་འཁོར་གྱི་ཕྱོགས་སུ་ལྟ་ཞིང་སོང་བ་ལས་ཇི་ཙམ་ན་གླང་པོ་ཆེའི་ཕྲུ་གུ་གསར་དུ་བྱུང་མ་ཐག་པ་མ་དང་བྲལ་བ་དེ་མཐོང་ངོ་། །དེ་ནས་དྲང་སྲོང་དེ་སྙིང་རྗེས་བསྐྱོད་པའི་སྙིང་གིས་དེའི་མ་བཙལ་བའི་ཕྱིར་བསྒྲིམ་པའི་མིག་གིས་ཀུན་ཏུ་ལྟ་བར་
D1.004.0176a05.01བརྩམས་པ་ན། གང་གི་ཚེ་གནས་ཐམས་ཅད་ན་མི་སྣང་བ་དེའི་ཚེ་དེ་ཁྱེར་ནས་བསྟི་གནས་སུ་ཞུགས་ཏེ། དེས་དེ་བུ་བཞིན་དུ་བསྣུན་བསྙོད་དེ་བསྐྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་དྲང་སྲོང་དེའི་བསྟི་གནས་སུ་གནོད་པ་བྱེད་དེ་མེ་ཏོག་གི་ཤིང་རྣམས་
D1.004.0176a06.01འབྱིན་པར་བྱེད། འབྲས་བུའི་ཤིང་རྣམས་ཡལ་ག་གཅོག་པར་བྱེད་ཅིང་དེ་དག་དང་གནོད་པ་གཞན་ཡང་སྟོང་ཕྲག་དག་བྱེད་དོ། །དྲང་སྲོང་དེས་དེ་ལ་བསྡིགས་ཏེ། དྲང་སྲོང་དེས་བསྡིགས་པ་ན་དེ་ཞུམ་ཞུམ་པོར་བྱས་ཏེ་འདུག་གོ། །གང་གི་ཚེ་འདོད་ཆགས་སྐྱེས་
D1.004.0176a07.01