完整藏文原文 · 德格版页 当前仅加载第 4 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་དེ་ནི་ངའི་ཀུན་དགའ་ར་བ་ནི་མ་ཡིན་ཏེ། སྐྱེད་མོས་ཚལ་ཡིན་མོད་ཀྱི་དེ་ངའི་ཡིན་ནོ། །ཁྱིམ་བདག་མགོན་མེད་ཟས་སྦྱིན་གྱིས་ལན་གཉིས་ལན་གསུམ་དུ་ཡང་གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུ་བདག་ལ་ཀུན་དགའ་ར་བ་ན་
D1.004.0083a01.01སྩོལ་ཅིག །བདག་གིས་དེར་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་ལགས་སོ། །ཁྱིམ་བདག་ཀུན་དགའ་ར་བ་དེ་གསེར་བྱེ་བ་གཤིབས་ཀྱང་ང་མི་གཏོད་དོ།། །།འདུལ་བ་གཞི། བམ་པོ་དགུ་བཅུ་པ། ཡང་ཁྱིམ་བདག་མགོན་མེད་ཟས་སྦྱིན་གྱིས་
D1.004.0083a02.01གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུས་ཀུན་དགའ་ར་བའི་རིན་ཐང་བཀུམ་ལགས་ཀྱིས་དབྱིག་དང་། གསེར་བཞེས་ཤིག །ཀུན་དགའ་ར་བ་ནི་བདག་གི་ལགས་སོ། །རིན་ཐང་སུས་བཅད། ཁྱོད་ཀྱིས་རིན་ཐང་བཀུམ་མོད། དེ་གཉིས་རིན་ཐང་བཅད་དོ། །རིན་
D1.004.0083a03.01ཐང་མ་བཅད་དོ་ཞེས་རྩོད་པར་གྱུར་ནས་ཞལ་ཆེ་གཅོད་པའི་མི་གང་ན་བ་དེར་དོང་བ་དང་། བར་སྐབས་དེར་འཇིག་རྟེན་སྐྱོང་བ་བཞི་འདི་སྙམ་དུ་སེམས་ཏེ། ཁྱིམ་བདག་མགོན་མེད་ཟས་སྦྱིན་འདི་ནི་བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་པར་བརྩོན་གྱིས་དེའི་གྲོགས་བྱའོ་སྙམ་ནས་དེ་
D1.004.0083a04.01ནས་ཞལ་ཆེ་གཅོད་པའི་མིར་བདག་ཉིད་མངོན་པར་སྤྲུལ་ནས་དགོས་པའི་ཕྱིར་འདུས་སོ། །ཁྱིམ་བདག་མགོན་མེད་ཟས་སྦྱིན་དང་གཞོན་ནུ་རྒྱལ་བྱེད་གཉིས་ཞལ་ཆེ་གཅོད་པ་སྣ་ཆེན་པོ་ལ་གཏོགས་པའི་དྲུང་དུ་སོང་ནས། དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཞལ་ཆེ་གཅོད་
D1.004.0083a05.01པ་སྣ་ཆེན་པོ་ལ་གཏོགས་པ་རྣམས་ལ་དོན་དེ་རྒྱས་པར་སྨྲས་པ་དང་། དེ་རྣམས་ཀྱིས་སྨྲས་པ། གཞོན་ནུ་ཀུན་དགའ་ར་བའི་རིན་ཐང་བཅད་ཟིན་གྱིས་གསེར་ལོང་ཤིག །ཀུན་དགའ་ར་བ་ནི་ཁྱིམ་བདག་གི་ཡིན་ནོ། །དེ་ཅང་མི་སྨྲ་བར་འདུག་གོ། །དེ་ནས་ཁྱིམ་བདག་མགོན་
D1.004.0083a06.01མེད་ཟས་སྦྱིན་གྱིས་ཤིང་རྟ་དང་། རྒྱ་དང་། གཟེབ་དང་། རྔ་མོ་དང་། གླང་དང་། བོང་བུ་རྣམས་ལ་གསེར་མང་པོ་བཀལ་ཏེ་འོངས་ནས་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་གཤིབ་པར་བརྩམས་པ་དང་། ས་ཕྱོགས་འགའ་ཞིག་མ་ཡོག་པས་མ་བཀྲམ་པ་ཉིད་དུ་འདུག་གོ། །
D1.004.0083a07.01