完整藏文原文 · 德格版页 当前仅加载第 4 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་དང་ལྡན་པ། ཆོས་བཞིན་གྱིས་རྒྱལ་སྲིད་བྱེད་དུ་འཇུག་སྟེ། རྒྱལ་པོ་དེ་ཡང་དད་པ་བཟང་བ། དགེ་བའི་བསམ་པ་ཅན། བདག་དང་གཞན་ལ་ཕན་པར་ཞུགས་པ། སྙིང་རྗེ་ཅན། བདག་ཉིད་ཆེན་པོ་ཆོས་འདོད་པ། སྐྱེ་དགུ་ལ་བྱམས་པ་ཞིག་ཡོད་པ་དེ་དུས་གཞན་
D1.004.0192b01.01ཞིག་ན་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་ཁྱེའུ་གཟུགས་བཟང་བ། མཛེས་
D1.004.0192b02.01པ། བལྟ་ན་སྡུག་པ། པགས་པའི་མདོག་གསེར་འདྲ་བ། མགོ་བོ་གདུགས་ལྟར་འདུག་པ། དཔུང་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཇར་བ། སྣའི་གཟངས་མཐོ་བ། །ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །བཙས་ནས་དེའི་
D1.004.0192b03.01བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། ཁྱེའུ་འདི་རྒྱལ་པོ་ཐམས་ཅད་ཀྱི་བཤེས་གཉེན་ཀྱི་སྲས་ཡིན་པས་དེ་བས་ན་ཁྱེའུའི་མིང་ཐམས་ཅད་སྒྲོལ་ཞེས་བྱ་བར་གདགས་སོ། །ཞེས་བཏགས་ནས་ཁྱེའུ་
D1.004.0192b04.01ཐམས་ཅད་སྒྲོལ་མ་མ་བརྒྱད་པོ་བང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་དང་། མ་མ་བརྒྱད་ལ་རྗེས་སུ་གཏད་ནས་དེ་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་
D1.004.0192b05.01དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིད་པར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། གྲངས་དང་། རྩིས་དང་། ལག་རྩིས་ལ་ཉེ་བར་ཞུགས་ཤིང་རྒྱལ་པོ་
D1.004.0192b06.01རྒྱལ་རིགས་སྤྱི་བོ་ནས་དབང་བསྐུར་བ་ཡུལ་གྱི་འབྱོར་བ་དང་། མཐུ་དང་། བརྩོན་འགྲུས་ཐོབ་པ། ས་ཆེན་པོའི་དཀྱིལ་འཁོར་མངོན་པར་ཟིལ་གྱིས་མནན་ཏེ་གནས་པ་རྣམས་ཀྱི་བཟོའི་གནས་དང་ལས་ཀྱི་གནས་ཐ་དད་པར་གྱུར་པ་གང་དག་ཡིན་པ་འདི་ལྟ་སྟེ། གླང་པོ་
D1.004.0192b07.01