完整藏文原文 · 德格版页 当前仅加载第 4 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བྱེད་ངོ་མཚར་ཆེ་བ་ཅི་ཡིན། བཅོམ་ལྡན་འདས་པ་རྣམས་རན་སྤྱོད་ཅིང་ཆབ་འཚལ་བ་དེ་ལས་བདུད་རྩི་འདི་འབྱུང་ལ། དེ་ལས་ཀྱང་བསྒྲལ་བའི་སྨན་མར་ལྕགས་མདའ་ཞེས་བགྱི་བ་འབྱུང་ལགས་སོ། །འཚོ་བྱེད་ཡ་མཚན་ཆེ་བ་ཅི་ཡིན། བཅོམ་ལྡན་འདས་སངས་རྒྱས་
D1.004.0173b01.01བྱུང་བ་དང་། དམ་པའི་ཆོས་བཤད་པ་དང་། དགེ་འདུན་ལེགས་པར་སྒྲུབ་པ་ལགས་སོ། །ཤེས་པ་ཅི་ཡིན། བཅོམ་ལྡན་འདས་སྐྱེ་བ་མཆིས་ན་གདོན་མི་འཚལ་བར་འགུམ་ལགས་སོ། །མི་ཤེས་པ་ཅི་ཡིན། བཅོམ་ལྡན་འདས་གང་ཞིག་གང་དུ་འགུམ་པ་དེ་མ་འཚལ་
D1.004.0173b02.01ལགས་སོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་དགོངས་ཏེ་བཀའ་སྩལ་པ་འཚོ་བྱེད་ཀྱིས་འཚལ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་
D1.004.0173b03.01སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པ་ན་ཡང་འདིས་ངའི་དགོངས་ཏེ་བཀའ་སྩལ་པ་ཤེས་པར་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་རི་འོར་ཞིག་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་གནས་པ་དེས་རིགས་མཉམ་པ་ལས་ཆུང་མ་
D1.004.0173b04.01བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་པ་དང་བུ་མོ་ཞིག་
D1.004.0173b05.01བཙས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས་གདུ་བུ་ཅན་ཞེས་བྱ་བར་མིང་བཏགས་སོ། །དེ་ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་ཏེ། དེ་ཡང་རིགས་དང་མཐུན་པར་མིང་བཏགས་
D1.004.0173b06.01སོ། །དེས་བསམས་པ། བདག་ཅག་ལ་བུ་ལོན་དེད་པ་དང་ནོར་འཕྲོག་པ་བཙས་ཀྱིས་ཟོང་ཁྱེར་ཏེ་ཡུལ་གྱི་མཐར་འགྲོའོ། །དེས་ཡང་བསམས་པ། བདག་གི་ཆུང་མ་འདི་དར་ལ་བབ་པའི་གཟུགས་དང་ལང་ཚོ་ལ་བབ་པས། བདག་གིས་འདི་ལ་ཀཱར་ཥཱ་པ་ཎ་མང་པོ་གཏད་དེ་སོང་ན་སྐྱེས་
D1.004.0173b07.01