完整藏文原文 · 德格版页 当前仅加载第 4 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི། འོན་ཀྱང་དེ་རྣམས་ཀྱིས་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ཏེ། དེ་ལ་འདི་ནི་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་སྣང་བ་གཉིས་པ་ཡིན་ནོ། །
D1.004.0024a01.01འདི་ལྟ་སྟེ་ཤིང་སྐམ་ཁོང་སྟོང་ཆུ་མེད་པ་ཞིག་ཆུ་དང་ཐག་རིང་པོར་སྐམ་ལ་བཞག་པ་དང་། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་འོངས་ནས་དེས་དེ་ལ་གཙུབ་སྟན་བྱས་ཏེ། གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་སྐམ་ཞིང་ཁོང་སྟོང་ཡིན་པའི་ཕྱིར་མེ་འབྱུང་བ་
D1.004.0024a02.01དང་འབར་དུ་བཏུབ་པ་དེ་བཞིན་དུ་དགེ་སྦྱོང་ངམ་བྲམ་ཟེ་ཁ་ཅིག་འདོད་པ་རྣམས་ལ་ལུས་དང་སེམས་ཀྱིས་ཐག་སྲིང་བར་གནས་པ་དེ་རྣམས་ཀྱི་འདོད་པ་རྣམས་ལ་འདོད་པ་ལ་འདུན་པ་དང་། འདོད་པ་ལ་ཆགས་པ་དང་། འདོད་པ་ལ་དགའ་བ་དང་། འདོད་པ་ལ་ཞེན་པ་དང་། འདོད་
D1.004.0024a03.01པ་ལ་འཆུམས་པ་དང་། འདོད་པ་ལ་ལྷག་པར་ཞེན་པ་གང་ཡིན་པ་དེ་ནི་དེ་རྣམས་ཀྱི་སེམས་ཡོངས་སུ་གཏུགས་ཏེ་མི་གནས་པ་ཡིན་ནོ། །དེ་རྣམས་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་མོད་ཀྱི། འོན་ཀྱང་དེ་རྣམས་
D1.004.0024a04.01ཀྱིས་ཤེས་པར་ནུས། མཐོང་བར་ནུས་བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་ཏེ། དེ་ལ་འདི་ནི་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་སྣང་བ་གསུམ་པ་ཡིན་ནོ། །འདི་ལྟར་དེའི་ཚེ་བྱང་ཆུབ་སེམས་དཔའ་ལ་དཔེ་གསུམ་པ་སྣང་ནས་མ་ལ་བདག་གིས་
D1.004.0024a05.01ཏིལ་འབྲུ་གཅིག་གི་ཟས་བཟའ་བར་བྱའོ་ཞེས་དེ་ཏིལ་འབྲུ་གཅིག་གི་ཟས་གསོལ་ཏེ། ཇི་སྲིད་དེའི་མདངས་དེ་སྐུ་ལས་ཡལ་བར་མ་གྱུར་གྱི་བར་དུ་ཏིལ་འབྲུ་གཉིས་པའི་ཟས་མི་གསོལ་ཏེ། ཡལ་ནས་ཏིལ་འབྲུ་གཉིས་པའི་ཟས་དེ་གསོལ་བར་མཛད་དོ། །དེ་ཏིལ་འབྲུ་གཅིག་གི་ཟས་
D1.004.0024a06.01གསོལ་བས་ཡན་ལག་དང་ཉིང་ལག་རྣམས་ཤིན་ཏུ་སྐམས་པར་གྱུར་ཏོ། །ཏིལ་འབྲུ་གཅིག་ཇི་ལྟ་བར་འབྲས་འབྲུ་གཅིག་དང་། སྲན་ཀོལ་འབྲུ་གཅིག་དང་། རྒྱ་སྲན་འབྲུ་གཅིག་དང་། མོན་སྲན་གྲེའུ་འབྲུ་གཅིག་དང་། མོན་སྲན་སྡེའུ་འབྲུ་གཅིག་དང་། རྩྭའི་གདིང་བ་ལ་
D1.004.0024a07.01