完整藏文原文 · 德格版页 当前仅加载第 4 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་ལྡན་གྱིས་བགྱིའོ་ཞེས་དེ་རྣམས་འདུས་ནས་ཤཱཀྱའི་རྒྱལ་པོ་བཟང་ལྡན་རྒྱལ་སྲིད་ཀྱི་དབང་ཕྱུག་ལ་དབང་བསྐུར་རོ། །དེ་ནས་རྒྱལ་པོ་ཟས་གཙང་གིས་དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ། གདན་
D1.004.0101b01.01བཤམས་ཤིང་ནོར་བུའི་ཆུ་སྣོད་བཞག་ནས་བཅོམ་ལྡན་འདས་ལ་སྤྱན་འདྲེན་གྱིས་གདུགས་ཚོད་གསོལ་པ། བཙུན་པ་བཅོམ་ལྡན་འདས་གདུགས་ཚོད་ལགས་ན། ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས་ལྷུང་བཟེད་
D1.004.0101b02.01དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས་རྒྱལ་པོ་ཟས་གཙང་གི་བཀད་ས་གང་ན་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་
D1.004.0101b03.01ཟས་གཙང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་རང་གི་ལག་ནས་
D1.004.0101b04.01བསྟབས་ཤིང་ཚིམ་པར་བྱས་ཏེ། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་གསེར་གྱི་བྱ་མ་བུམ་བླངས་ཏེ། བཅོམ་ལྡན་འདས་ལ་ནྱ་གྲོ་ངྷའི་ཀུན་དགའ་ར་བ་ཕུལ་ལོ། །བཅོམ་ལྡན་འདས་ཀྱིས་ཡན་ལག་ལྔ་དང་ལྡན་པའི་གསུང་དབྱངས་
D1.004.0101b05.01ཀྱིས་ཡོན་བསྔོ་བ་མཛད་པ། སྦྱིན་པའི་བསོད་ནམས་གང་ཡིན་འདིས། །ཤཱཀྱ་རྣམས་ཀྱིས་བསམས་པ་ཡི། །ཡིད་ལ་རེ་བ་རྫོགས་ནས་ནི། །རྟག་པའི་གནས་ནི་ཐོབ་པར་ཤོག །དེ་ནས་བཅོམ་ལྡན་འདས་སེར་སྐྱའི་གཞི་ཤིང་ནྱ་གྲོ་ངྷའི་ཀུན་དགའ་ར་བ་ན་བཞུགས་སོ། །
D1.004.0101b06.01དེ་བཞིན་དུ་གནས་བརྟན་རྣམས་ཀྱིས་ཀྱང་མདོ་སྡེ་ལ་བཅོམ་ལྡན་འདས་སེར་སྐྱའི་གཞི་ཤིང་ནྱ་གྲོ་ངྷའི་ཀུན་དགའ་ར་བ་ན་བཞུགས་སོ་ཞེས་གདགས་པར་བྱས་སོ། །བཅོམ་ལྡན་འདས་སེར་སྐྱའི་གཞི་དེ་ཉིད་ན་བཞུགས་ནས་ཉི་མ་གཅིག་ནི་རྒྱལ་པོའི་ཕོ་བྲང་དུ་གདུགས་ཚོད་གསོལ།
D1.004.0101b07.01