完整藏文原文 · 德格版页 当前仅加载第 4 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་སྡུམས་བྱེད་འཁོར་དང་བཅས་པ་ནི་འདུག་གོ། །སྐྱེ་བོའི་ཚོགས་ནི་ཀུན་དུ་དོང་ངོ་། །མུ་གེ་ཆེན་པོ་ཉམ་ང་བ། དགོན་པ་སློང་མོ་པས་ཟས་རྙེད་པར་དཀའ་བ་བྱུང་བ་ལ་སངས་རྒྱས་བཅོམ་ལྡན་འདས་རྣམས་འབྱུང་བ་མེད་པ་ན་རང་སངས་རྒྱས་དམན་པ་དང་ངན་པ་ལ་
D1.004.0119b01.01སྙིང་བརྩེ་བ་ཅན། བས་མཐའི་གནས་མལ་བརྟེན་པ། འཇིག་རྟེན་གྱི་ཡོན་གནས་གཅིག་པུ་དག་འཇིག་རྟེན་དུ་འབྱུང་བར་འགྱུར་བས་དེའི་ཚེ་བཱ་རཱ་ཎ་སཱི་དང་ཧ་ཅང་ཡང་མི་རིང་བའི་བསྟི་གནས་ཞིག་ཏུ་རང་སངས་རྒྱས་ལྔ་བརྒྱ་གནས་སོ། །གང་གི་ཚེ་མུ་གེའི་དུས་ཀྱི་འཆི་བའི་འཇིགས་
D1.004.0119b02.01སུ་རུང་བས་སྐྱེ་བོའི་ཚོགས་སྐྲག་ནས་ཀུན་དུ་དོང་བ་དེའི་ཚེ་དེ་རྣམས་ཀྱི་བསོད་སྙོམས་ཆད་ནས་དེ་དག་ཐམས་ཅད་འདུས་ཏེ་ཁྱིམ་བདག་སྡུམས་བྱེད་གང་ན་བ་དེར་དོང་ནས་སྨྲས་པ། ཁྱིམ་བདག་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་བསོད་སྙོམས་རྒྱུན་དུ་སྦྱོར་རམ། དེས་སྨྲས་པ།
D1.004.0119b03.01མངན་ལ་རྨས་ཏེ་བགྱིའོ་ཞེས་དེས་མངན་བྱེད་པའི་མི་ལ་སྨྲས་པ། ཀྱེ་ནང་རྗེ་བདག་ཅག་གི་བང་མཛོད་ན་བདག་ཅག་དང་རབ་ཏུ་བྱུང་བ་ལྔ་བརྒྱ་པོ་གང་ཡིན་པ་འདི་རྣམས་ཀྱི་ལོ་བཅུ་གཉིས་ཀྱི་བཟའ་བ་དང་བཏུང་བ་ཡོད་དམ། དེས་སྨྲས་པ། དཔོན་པོ་མཆིས་སོ། །དེ་ནས་རང་
D1.004.0119b04.01སངས་རྒྱས་ལྔ་བརྒྱ་པོ་དེ་རྣམས་ལ་ཁས་བླངས་སོ། །ཁྱིམ་བདག་སྡུམས་བྱེད་ཀྱིས་རབ་ཏུ་བྱུང་བ་ལྔ་བརྒྱའི་བསོད་སྙོམས་སྦྱར་ཏོ་ཞེས་རང་སངས་རྒྱས་ལྔ་བརྒྱ་གཞན་དག་གིས་ཐོས་ནས་ཁྱིམ་བདག་སྡུམས་བྱེད་ཀྱི་དྲུང་དུ་དོང་སྟེ་ཕྱིན་ནས་ཁྱིམ་བདག་སྡུམས་བྱེད་ལ་འདི་སྐད་ཅེས་སྨྲས་
D1.004.0119b05.01སོ། །ཁྱིམ་བདག་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་བསོད་སྙོམས་ཀུན་དུ་སྦྱོར་རམ། དེས་སྨྲས་པ། འཕགས་པ་དག་ཕུལ་ལགས་བཞིན་དུ་ཡང་བསླང་ཅི་འཚལ། ཁྱིམ་བདག་དེ་རྣམས་ཀྱང་གཞན་ཡིན་ལ་བདག་ཅག་ཀྱང་གཞན་ཡིན་ནོ། །དེས་སྨྲས་པ། འཕགས་
D1.004.0119b06.01པ་གལ་ཏེ་དེ་ལྟ་ན་མངན་ལ་སྨྲས་ཏེ་བགྱིའོ་ཞེས་དེས་མངན་བྱེད་པའི་མི་ལ་སྨྲས་པ། ཀྱེ་ནང་རྗེ་བདག་ཅག་གི་བང་མཛོད་ན་བདག་ཅག་དང་རབ་ཏུ་བྱུང་བ་སྟོང་པོ་གང་ཡིན་པ་འདི་རྣམས་ཀྱི་ལོ་བཅུ་གཉིས་ཀྱི་བཟའ་བ་དང་། བཏུང་བ་ཡོད་དམ། དེས་སྨྲས་པ། དཔོན་པོ་
D1.004.0119b07.01