完整藏文原文 · 德格版页 当前仅加载第 4 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་བོར་ཏེ་དོང་བ་ལས། རིམ་གྱིས་བཱ་རཱ་ཎ་སཱིར་ཕྱིན་ནས་འཇིག་རྟེན་པའི་དགྲ་བཅོམ་པ་གང་ཡིན་པ་དེ་ལ་བརྟེན་ནས་རབ་ཏུ་བྱུང་སྟེ། ལྔ་པོ་དེ་རྣམས་བློ་མཐུན་ཞིང་ལྷན་ཅིག་འགྲོགས་ལ་ཀུན་དུ་དགའ་བས་རྩོད་པ་མེད་པར་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་
D1.004.0026a01.01ན་གནས་པས་ལྔ་སྡེ་ལྔ་སྡེ་ཞེས་བྱ་བར་གྱུར་ཏོ། །བྱང་ཆུབ་སེམས་དཔས་རིམ་གྱིས་ལུས་ཀྱི་སྟོབས་དང་། མཐུ་དང་བརྩོན་འགྲུས་ཡང་དག་པར་བསྐྱེད་ནས་རིམ་གྱིས་སྡེ་ཅན་གྱི་གྲོང་ཁྱེར་དུ་གཤེགས་སོ། །དེ་ན་གྲོང་ཁྱེར་གྱི་དཔོན་པོ་སྡེ་ཅན་ཞེས་བྱ་བ་དེ་ལ་བུ་མོ་གཉིས་ཡོད་དེ། དགའ་
D1.004.0026a02.01མོ་དང་། དགའ་སྟོབས་མའོ། །དེ་གཉིས་ཀྱིས་ཤཱཀྱ་རྣམས་ཀྱི་གཞོན་ནུ་གངས་རིའི་ངོས་ཆུ་བོ་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བར་བྱུང་བ་དེ་མཚན་མཁན་དང་ལྟས་མཁན་གྱི་བྲམ་ཟེ་རྣམས་ཀྱིས་འཁོར་ལོས་སྒྱུར་བའི་རྒྱལ་པོར་འགྱུར་
D1.004.0026a03.01རོ་ཞེས་ལུང་བསྟན་པ་དེ་ཡང་གཟུགས་བཟང་བ། བལྟ་ན་སྡུག་པ། མཛེས་པ། མཚན་ཐམས་ཅད་དང་ལྡན་པ། སྐྱེ་བོ་ཐམས་ཅད་ཀྱི་ཡིད་འཕྲོག་པ་ཡིན་པས་བུད་མེད་གང་གིས་ལོ་བཅུ་གཉིས་སུ་འདི་ལྟ་བུའི་བརྟུལ་ཞུགས་ཡང་དག་པར་བླངས་ཏེ་སྤྱོད་པ་དེའི་ཁྱིམ་ཐབ་ཏུ་འགྱུར་
D1.004.0026a04.01རོ་ཞེས་ཐོས་སོ། །ཐོས་ནས་ཀྱང་བུད་མེད་ནི་སྐྱེས་པ་ལ་མངོན་པར་དགའ་བ་ཡིན་པས་དེ་གཉིས་ཀྱིས་ལོ་བཅུ་གཉིས་སུ་དཀའ་ཐུབ་བླངས་ཏེ་དེ་རྫོགས་པར་བྱས་ནས་དེ་རྫོགས་པ་དང་། ལན་བཅུ་དྲུག་ཏུ་སྙིང་ཁུར་བྱས་པའི་འོ་ཐུག་སྦྲང་རྩི་ལྟར་མངར་བས་དྲང་སྲོང་དཀའ་ཐུབ་ཀྱིས་ཡོངས་
D1.004.0026a05.01སུ་དུབ་པ་གློ་བུར་དུ་འོངས་པ་ལ་འབུལ་བར་བྱེད་དོ། །དེ་གཉིས་ཀྱིས་བ་སྟོང་བཞོས་ནས་བ་སྟོང་པོ་དེ་ཉིད་ལ་བླུད་དོ། །དེ་ནས་བ་སྟོང་པོ་དེ་དག་ཉིད་བཞོས་ནས་ལྔ་བརྒྱ་ལ་བླུད་དོ། །དེ་ནས་ལྔ་བརྒྱ་པོ་དེ་དག་བཞོས་ནས་ལྔ་བརྒྱ་པོ་དེ་དག་ཉིད་ལ་བླུད་དོ། །དེ་ནས་ལྔ་བརྒྱ་པོ་དེ་དག་བཞོས་
D1.004.0026a06.01ནས་ཉིས་བརྒྱ་ལྔ་བཅུ་ལ་བླུད་དོ། །དེ་ནས་ཉིས་བརྒྱ་ལྔ་བཅུ་པོ་དེ་དག་ཉིད་བཞོས་ནས་ཉིས་བརྒྱ་ལྔ་བཅུ་པོ་དེ་དག་ལ་བླུད་དོ། །དེ་ནས་ཉིས་བརྒྱ་ལྔ་བཅུ་པོ་དེ་དག་ཉིད་བཞོས་ནས་བརྒྱ་ཉི་ཤུ་རྩ་ལྔ་ལ་བླུད་དོ། །དེ་ནས་བརྒྱ་ཉི་ཤུ་རྩ་ལྔ་པོ་དེ་དག་བཞོས་ནས་བརྒྱ་ཉི་ཤུ་རྩ་ལྔ་པོ་དེ་དག་ཉིད་ལ་བླུད་
D1.004.0026a07.01