完整藏文原文 · 德格版页 当前仅加载第 4 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་རྔོན་པ་ཞིག་{རི་དགས་,རི་དྭགས་}འཆོར་དུ་ཆས་པ་དེས་དེ་མཐོང་ནས་སྨྲས་པ། གྲོགས་པོ་ཁྱོད་དུས་འདི་སྲིད་ཅིག་ལོན་ན་གང་ནས་འདིར་འོངས། ཁྱོད་ཀྱི་བུ་སྨད་ནི་ཁྱོད་དུས་མ་ཡིན་པར་ཆར་ཞག་བདུན་བབ་པས་གཅན་གཟན་གྱིས་བསད་པར་མ་གྱུར་གྲང་ཞེས་སྐྲག་པར་གྱུར་ནས་ཤིན་ཏུ་སྨྲེ་
D1.004.0182b01.01སྔགས་འདོན་ཏོ། །དུས་མ་ཡིན་པའི་ཆར་ཞག་བདུན་བབ་པས་བྱ་དང་། {རི་དགས་,རི་དྭགས་}ཀྱང་དུ་མ་ཤི་ན་ཁྱོད་ཇི་ལྟར་ཤོར། དེས་ཇི་ལྟར་གྱུར་པ་རྒྱས་པར་སྨྲས་པ་དང་། དེས་སྨྲས་པ། གྲོགས་པོ་དོམ་དེ་གང་ན་འདུག་པའི་ཕུག་དེ་སྨྲོས་ཤིག །དེས་སྨྲས་པ། ནེའུ་ཟླ་ཅིས་
D1.004.0182b02.01འཚོ་ཡང་བླ། སླར་ནགས་ཁྲོད་དུ་མི་འགྲོའོ། །དེས་དེ་ལ་ཇི་ལྟར་ཁས་ལེན་པར་འགྱུར་བ་དེ་ལྟར་ཤའི་སྐལ་བ་སུམ་ཉིས་སྦྱིན་པས་བསླུས་པ་དང་ལམ་མཚོན་པའི་ཕྱིར་སོང་སྟེ། ཇི་ཙམ་ན་རིམ་གྱིས་བདག་ཉིད་ཆེན་པོའི་དོམ་དེ་གང་ན་གནས་པའི་ཕུག་དེར་ཕྱིན་ཏོ། །དེ་ནས་སྙིང་
D1.004.0182b03.01རྗེ་མེད་པ་ལ་གནས་པ་བྱས་པ་མི་གཟོ་བས་སྨྲས་པ། ཕུག་འདི་ན་དོམ་གནས་སོ། །དེ་ནས་རྔོན་པ་ཕ་རོལ་གྱི་སྲོག་ལ་གནོད་པ་བྱེད་པས་ཕུག་དེར་མེ་བཏང་ངོ་། །དེ་ནས་བདག་ཉིད་ཆེན་པོའི་དོམ་དེ་དུ་བས་སུབས་པའི་ཡིད་དང་མིག་མཆིས་མས་གང་བས་ཚིགས་སུ་བཅད་དེ་
D1.004.0182b04.01སྨྲས་པ། བདག་ནི་རི་ཡི་སུལ་གནས་ཏེ། །རྩ་བ་འབྲས་བུ་ཆུ་འཐུང་ཞིང་། །སེམས་ཅན་ལ་ནི་ཕན་བློ་ཡིས། །སུ་ལ་གནོད་པ་ཅི་ཞིག་བྱས། །འཆི་བའི་དུས་ལ་བབ་གྱུར་པས། །ད་ནི་ཅི་ཡང་བྱར་མེད་དེ། །ལུས་ཅན་འདོད་དང་མི་འདོད་པའི། །ལས་ཀྱི་
D1.004.0182b05.01རྗེས་སུ་འབྲང་བར་བྱ། །ཞེས་སྨྲས་ནས་ཤིའོ། །དེ་ནས་དེ་རྣམས་ཀྱིས་བཤས་ཏེ་ཤ་བགོས་ནས་བྱས་པ་ཆུད་གཟོན་པའི་མི་དེ་ལ་སྨྲས་པ། ཤའི་སྐལ་བ་སུམ་ཉིས་ལོང་ཤིག །དེས་བླང་ངོ་ཞེས་ལག་པ་གཉིས་བརྐྱང་བ་དང་ས་ལ་ལྷུང་ངོ་། །དེ་ནས་རྔོན་པ་དེ་རྣམས་
D1.004.0182b06.01ཀྱིས་དེ་ལྟར་མ་རུང་བ་དེ་མཐོང་ནས་ཀྱི་ཧུད་ཀྱི་ཧུད་ཅེས་སྨྲས་ཏེ། རང་རང་གི་སྐལ་བ་ཡང་བོར་ནས་དོང་ངོ་། །ཤིན་ཏུ་ཡ་མཚན་དུ་གྱུར་པ་དེ་སྐྱེ་བོའི་ཚོགས་ཆེན་པོས་ཐོས་ནས་ཕྱོགས་དེར་འདུས་སོ། །རྒྱལ་པོ་ཚངས་སྦྱིན་ཡང་ཡ་མཚན་སྐྱེས་ནས་དེ་ཉིད་དུ་འོངས་སོ། །
D1.004.0182b07.01