完整藏文原文 · 德格版页 当前仅加载第 4 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་ཕྱག་དར་ཁྲོད་པའི་ཤ་ནའི་རས་རྣམས་དགྲམ་དུ་གསོལ། དེ་ལ་བཅོམ་ལྡན་འདས་ཀྱིས་ཕྱག་དར་ཁྲོད་པའི་ཤ་ནའི་རས་དག་
D1.004.0064a01.01བཀྲམ་མོ། །ལྟེང་རྒྱས་འོད་སྲུང་རལ་པ་ཅན་བསྟི་གནས་ན་འཆག་པ་ན་རྡོ་ལེབ་ཆེ་ལ་རིང་བ་དག་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། རྡོ་ལེབ་ཆེ་ལ་རིང་བ་འདི་དག་སྔོན་ནི་མེད་ན་རྡོ་ལེབ་ཆེ་ལ་རིང་བ་འདི་དག་ད་སུ་ཞིག་གིས་ཁྱེར་ཏེ་འོངས་སྙམ་མོ། །དེ་ནས་ལྟེང་རྒྱས་
D1.004.0064a02.01འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་བསྟི་གནས་ན་འཆག་པ་ན་རྡོ་ལེབ་ཆེ་ལ་རིང་བ་དག་ཅིག་མཐོང་ངོ་། །མཐོང་ནས་ཀྱང་བདག་
D1.004.0064a03.01འདི་སྙམ་དུ་སེམས་ཏེ། རྡོ་ལེབ་ཆེ་ལ་རིང་བ་འདི་དག་སྔོན་ནི་མ་མཆིས་ན་རྡོ་ལེབ་ཆེ་ལ་རིང་བ་འདི་དག་ད་སུ་ཞིག་གིས་འཚལ་ཏེ་མཆིས་སྙམ་བགྱིད་དོ། །འོད་སྲུང་འདིར་ངས་ཕྱག་དར་ཁྲོད་པའི་ཤ་ནའི་རས་དག་ཅིག་བརྙེས་སོ། །དེ་ནས་ང་འདི་སྙམ་དུ་དགོངས་ཏེ། ཕྱག་དར་ཁྲོད་པའི་ཤ་
D1.004.0064a04.01ནའི་རས་གང་དུ་བཀྲུ་སྙམ་པ་དང་། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་ངའི་དགོངས་པ་ཤེས་ནས་བྲག་ཅིག་ལས་རྡོ་ལེབ་ཆེ་ལ་རིང་བ་ཞིག་བླངས་ཏེ། ང་གང་ན་བ་དེར་འོངས་ཏེ། ཕྱིན་ནས་ང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་ཕྱག་དར་ཁྲོད་པའི་
D1.004.0064a05.01ཤ་ནའི་རས་རྣམས་བཀྲུ་བར་གསོལ། ངས་དེ་ལ་ཕྱག་དར་ཁྲོད་པའི་ཤ་ནའི་རས་རྣམས་བཀྲུས་སོ། །ང་འདི་སྙམ་དུ་དགོངས་ཏེ། ངས་ཕྱག་དར་ཁྲོད་པའི་ཤ་ནའི་རས་རྣམས་གང་དུ་དགྲམ་སྙམ་པ་དང་། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་ངའི་དགོངས་པ་ཤེས་ནས་
D1.004.0064a06.01བྲག་ཅིག་ལས་རྡོ་ལེབ་ཆེ་ལ་རིང་བ་གཞན་ཞིག་བླངས་ཏེ། ང་གང་ན་བ་དེར་འོངས་ཏེ་ཕྱིན་ནས་ང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་ཕྱག་དར་ཁྲོད་པའི་ཤ་ནའི་རས་རྣམས་དགྲམ་དུ་གསོལ། ངས་དེ་ལ་ཕྱག་དར་ཁྲོད་པའི་ཤ་ནའི་རས་རྣམས་བཀྲམ་མོ། །འོད་
D1.004.0064a07.01