完整藏文原文 · 德格版页 当前仅加载第 4 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོང་དུ་ཆུད། དེས་སྨྲས་པ། ནེའུ་ཟླ་ཁོ་བོ་ལ་ནོར་གྱི་རིགས་འདི་སྙེད་ཡོད་ན་བུ་ཕོ་ཡང་མེད། བུ་མོ་ཡང་མེད་པས་ཁོ་བོ་ཤི་ནས་འདི་དག་ཐམས་ཅད་རྒྱལ་པོས་མངའ་མཛད་པར་འགྱུར་ན་ཅིའི་ཕྱིར་སེམས་ཁོང་དུ་ཆུད་པར་མི་འགྱུར། དེས་སྨྲས་པ། གལ་ཏེ་དེ་
D1.004.0145a01.01ལྟ་ན་ཁོ་བོའི་བུ་འདི་དག་ཐམས་ཅད་ཀྱི་ནུ་བོ་ཤོས་དེ་ཁོ་བོས་ཁྱོད་ལ་སྦྱིན་ནོ། །དེས་དེ་བླངས་སོ། །ཇི་ཙམ་ན་ཁྱིམ་བདག་དེ་ཤི་བ་དང་། དེའི་བུ་དེ་རྣམས་གང་གི་ཚེ་ཁ་ཅིག་དང་ལྷན་ཅིག་འཐབ་མོ་འགྱེད་པ་དེའི་ཚེ་དེས་གང་དག་གི་སྤུ་འབྲེག་མཁན་ཡིན་པ་ཁྱེད་ཀྱང་འཐབ་མོ་རྒོལ་
D1.004.0145a02.01ལམ་ཞེས་ཁ་ཟེར་བར་བྱེད་དོ། །དེ་རྣམས་ཡིད་མི་བདེ་བ་སྐྱེས་ནས་བསམས་པ། བདག་ཅག་བརྙས་པ་ཅི་ཡང་རུང་བ་གང་ཡིན་པ་དེ་ཐམས་ཅད་ནི་ནུ་བོ་འདིའི་སྐྱོན་ལས་གྱུར་གྱིས་ཐམས་ཅད་དུ་དབྲོག་གོ་སྙམ་ནས་དེ་རྣམས་ཀྱིས་དེ་ཕྲོགས་པ་དང་། འབྲེག་མཁན་ཁྲོས་ནས་དེས་
D1.004.0145a03.01འབྲེག་མཁན་ཐམས་ཅད་ལ་ཁྲིམས་སུ་བཅས་པ། ཁྱིམ་བདག་ཆེ་གེ་མོ་ཞེས་བྱ་བའི་བུ་རྣམས་ཀྱི་ཁ་སྤུ་བཅོས་པའི་ལས་སུས་ཀྱང་མི་བྱའོ་ཞེས་བཅས་སོ། །དེ་རྣམས་སྐྲ་དང་། ཁ་སྤུ་དང་། སེན་མོ་རིང་པོར་སྐྱེས་པ་དེ་རྣམས་རྒྱལ་པོས་མཐོང་ནས་སྨྲས་པ། ཤེས་ལྡན་དག་ཁྱེད་
D1.004.0145a04.01ཅག་ཅིའི་ཕྱིར་སྐྲ་དང་། ཁ་སྤུ་དང་། སེན་མོ་རིང་པོར་འདུག །དེ་རྣམས་ཀྱིས་སྨྲས་པ། ལྷ་འབྲེག་མཁན་འདིས་འབྲེག་མཁན་ཐམས་ཅད་ལ་དེ་རྣམས་ཀྱི་ཁ་སྤུ་བཅོས་པའི་ལས་སུ་ཡང་མ་བགྱིད་ཅིག་ཅེས་བཀག་ལགས་སོ། །ཅིའི་ཕྱིར། དེ་རྣམས་ཀྱིས་ཇི་ལྟར་གྱུར་པ་སྨྲས་པ་
D1.004.0145a05.01དང་། རྒྱལ་པོས་སྨྲས་པ། ཕས་བུ་བྱིན་ན་ཁྱེད་ཅག་གིས་ཅིའི་ཕྱིར་དབྲོག །དེ་ལ་སླར་བྱིན་ཅིག །དེ་རྣམས་ཀྱིས་མི་འདོད་བཞིན་དུ་སླར་བཏང་ངོ་། །དེ་རྣམས་ཡིད་མི་བདེ་བ་སྐྱེས་ཏེ་འཇིག་རྟེན་གྱིས་སྨད་པས་འཇིགས་ནས་དེ་གསད་པར་འདོད་དོ། །འཇིག་རྟེན་ལ་ནི་མཛའ་བ་དང་།
D1.004.0145a06.01མི་མཛའ་བ་དང་། བར་མ་ཡོད་པས་དེ་ལ་གཞན་དག་གིས་སྦྲན་པ་དང་། དེས་འབྲེག་མཁན་དེ་ལ་སྨྲས་པ། དེ་རྣམས་བདག་ལ་གསད་པར་འཚལ་གྱིས་གནང་བར་མཛོད་ཅིག་དང་རབ་ཏུ་འབྱུང་ངོ་། །དེས་བསམས་པ། དེ་རྣམས་ཀྱིས་སྲོག་དང་བྲལ་བ་བས་ནི་རབ་ཏུ་བྱུང་བ་
D1.004.0145a07.01