完整藏文原文 · 德格版页 当前仅加载第 4 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་ལོན་པ་དང་ཁྱེའུ་ཞིག་བཙས་ཏེ། ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ཏེ་མིང་བཏགས་ནས་དེ་བསྐྱེད་བསྲིངས་ཏེ་ཆེན་པོར་གྱུར་ཏོ། །དེ་
D1.004.0231a01.01འཆག་པའམ། འགྲེང་བ་འམ། འདུག་པའམ་ཉལ་བ་ན་ཡང་དགེ་བ་སེམས་ཤིང་དགེ་བའི་ལས་བྱེད་པས་དེ་སྐྱེ་བོའི་ཚོགས་ཀྱིས་ཆོས་འདོད་ཅེས་བྱ་བར་མིང་བཏགས་སོ། །དེ་དགེ་བ་ཅི་ཡིན་ཞེས་ཚོལ་བའི་ཕྱིར་རི་འོར་ནས་བྱུང་ནས་དུས་དུས་སུ་དྲང་སྲོང་དེའི་དྲུང་དུ་འགྲོ་ཞིང་དེ་ལ་བསྙེན་བཀུར་བྱེད་
D1.004.0231a02.01དེ་དཀའ་ཐུབ་ཀྱི་དྲུང་དུ་འགྲོ་བས་དཀའ་ཐུབ་ལྡན་དཀའ་ཐུབ་ལྡན་ཞེས་བྱ་བར་ཡང་གྲགས་སོ། །དེ་དུས་གཞན་ཞིག་ན་དུག་ཅིག་གིས་འབགས་པ་ལངས་ནས་དེ་ལ་དུག་སྨན་དུ་མ་དང་སྔགས་ཀྱི་སྦྱོར་བས་དཔྱད་བྱས་ན་ཡང་དེའི་ནད་དེ་ཞི་བར་མ་གྱུར་ནས་དེའི་ཕ་དང་མ་གཉིས་དྲང་སྲོང་དེའི་
D1.004.0231a03.01དྲུང་དུ་སོང་སྟེ། དྲང་སྲོང་ཆེན་པོ་ཁྱོད་ཀྱི་རིམ་གྲོ་བགྱིད་པ་ནི་དུག་གིས་འབགས་ནས་སྲོག་དང་བྲལ་ལ་ཐུག་གིས་དཔྱད་མཛོད་ཅིག །དེས་བདེན་པ་གསོལ་བར་བརྩམས་ཏེ། བུ་གཅིག་ཁྱོད་ཀྱིས་སེམས་ལ་ནི། །དགྲ་དང་མཛའ་བོ་མཚུངས་ཤེ་ན། །བདེན་པའི་ཚིག་ནི་འདི་ཡིས་སུ། །
D1.004.0231a04.01ཁྱེའུ་ཁྱོད་དུག་ནི་མེད་པར་ཤོག །དེས་བདེན་པ་གསོལ་མ་ཐག །ཁོ་ནར་དུག་ཞི་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱེའུ་གང་ཡིན་པ་དེ་ནི་ང་ཉིད་ཡིན་ནོ། །དྲང་སྲོང་གང་ཡིན་པ་དེ་ནི་འོད་སྲུང་སྟོབས་བཅུ་ལྡན་འདི་ཉིད་ཡིན་ཏེ། དེ་ན་ཡང་
D1.004.0231a05.01འདིས་བདེན་པ་གསོལ་བས་ང་སོས་བར་བྱས་སོ། །ད་ལྟར་ཡང་འདིའི་བདེན་པ་གསོལ་བས་ང་སོས་པར་བྱས་སོ། །ལྷ་སྦྱིན་སྡུག་བསྔལ་ཞིང་ཡིད་མི་བདེ་བ་དང་འགྱོད་པས་སེམས་པ། བདག་གིས་དགེ་སྦྱོང་གཽ་ཏ་མ་ལ་རྡོ་འཕངས་པ་ནི་དོན་མེད་པ་ཞིག་བྱས་ཏེ། དགེ་སྦྱོང་གཽ་ཏ་མ་
D1.004.0231a06.01ཡང་མ་སོད་ལ། སྐྱེ་བོ་མང་པོས་ཀྱང་རབ་ཏུ་ཤེས་པར་གྱུར་ཏོ་སྙམ་ནས། དེ་ཤིང་དྲུང་ཞིག་ཏུ་སོང་སྟེ་སེམས་ཁོང་དུ་ཆུད་ཅིང་སྐྱིལ་མོ་ཀྲུང་བཅས་ཏེ་འདུག་གོ། །དགེ་སློང་རྣམས་གནས་དང་གནས་རྣམས་སུ་བཙུན་པ་དག་གཟིགས་ཤིག །ལྷ་སྦྱིན་འདི་འདྲ་བར་ཞེ་གདུག་སྟེ།
D1.004.0231a07.01