完整藏文原文 · 德格版页 当前仅加载第 4 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱལ་བར་གྱུར་ཏོ། །ཆོས་མ་ཡིན་པ་དུག་གི་འབྲས་བུས་ཀུན་ནས་འཁྲུགས་པས་སྨྲས་པ། གང་དང་གང་དུ་སྐྱེས་པའི་ཚེ་རབས་དེ་དང་དེ་དག་ཏུ་ཁྱོད་ལ་གསོད་པ་དང་ཕྱིར་རྒོལ་བ་དང་དགྲ་བོར་གྱུར་ཅིག །ཆོས་ཅན་གྱིས་སྨྲས་པ། བདག་ཀྱང་གང་དང་གང་དུ་སྐྱེས་པའི་ཚེ་རབས་
D1.004.0233a01.01དེ་དང་དེ་དག་ཏུ་ཁྱོད་ལ་བྱམས་པ་སྒྲུབ་པར་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཆོས་ཅན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཆོས་མ་ཡིན་པ་གང་ཡིན་པ་དེ་ནི་ལྷ་སྦྱིན་ཡིན་ནོ། །དེར་ཐོག་
D1.004.0233a02.01མར་ང་དང་འདི་མི་མཐུན་པར་གྱུར་ཏོ། །ངས་ཀྱང་དེ་ལ་བྱམས་པའི་ཐུགས་བཞག་གོ། །གཞན་ཡང་ཇི་ལྟར་འདིས་ང་ལ་མི་མཐུན་པར་བྱས་པ་དང་། ངས་ཀྱང་འདི་ལ་བྱམས་པར་བསམས་པ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་སྲ་རྩི་ལྡན་ཞེས་བྱ་བ་འབྱོར་བ་
D1.004.0233a03.01དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེས་ཡུལ་གཞན་གྱི་རྒྱལ་པོའི་བུ་མོ་ཞིག་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་
D1.004.0233a04.01བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་དེ་དུས་གཞན་ཞིག་ན་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པའི་ཉི་མའི་རྩེ་ན་ཁྱེའུ་གཟུགས་བཟང་པོ་མཛེས་པ་བལྟ་ན་སྡུག་པ་ཞིག་བཙས་ཏེ། དེའི་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་
D1.004.0233a05.01ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷ་ཁྱེའུ་འདི་གདུགས་ཀྱི་རྩེ་ན་བཙས་པས། དེའི་སླད་དུ་ཁྱེའུའི་མིང་ཉི་མའི་མུ་ཁྱུད་ཅེས་བགྱི་བར་གདགས་སོ། །ཞེས་དེའི་མིང་ཉི་མའི་མུ་ཁྱུད་ཅེས་བྱ་བར་བཏགས་ནས་ཁྱེའུ་ཉི་མའི་མུ་ཁྱུད་མ་མ་བརྒྱད་པོ་པང་ན་འཚོ་བའི་མ་མ་
D1.004.0233a06.01གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ལ་རྗེས་སུ་གཏད་དེ། དེ་མ་མ་བརྒྱད་པོ་དག་གིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་
D1.004.0233a07.01